पंचवटी पोलीस ठाण्याचे पोलीस कर्मचारी गस्त घालत असताना त्यांना पोलीस ठाणे हद्दीत मेरी शासकीय ऑफिस गेट समोर दोन व्यक्ती संशयितरित्या विना नंबर मोटर सायकल घेऊन फिरताना आढळून आले. पोलिसांनी या दोघांना थांबण्याची विनंती केली असता, ते पळून जाऊ लागले त्यानंतर पोलिसांनी शिताफिने पाठलाग करून त्यांना ताब्यात घेतले. या कारवाईत एकूण नऊ गुन्हे उघडकीस आणण्यात पोलिसांना यश आले आहे.
यश मांडवडे (रा. चवगाव, ता. बागलाण) आणि प्रशांत गावित (रा. बाबापूर, ता. दिंडोरी) या दोघांना अटक करण्यात आलंय. या दोन्ही संशयितांनी नाशिक शहरातील पंचवटी, म्हसरूळ, भद्रकाली आणि नाशिक ग्रामीण मधील दिंडोरी आणि वणी पोलीस ठाणे या हद्दीतील तब्बल १७ मोटरसायकल चोरी केल्याचे पोलीस तपासात उघड झाले आहे. या कारवाईत एकूण नऊ गुन्हे उघडकीस आणण्यात पोलिसांना यश आलं आहे.
नाशिक शहरात दुचाकी चोरीच्या घटनांमध्ये वाढ झाली असून पोलिसांकडून दुचाकी चोरांच्या मुसक्या आवळल्या जात आहेत. पंचवटी पोलिसांनी केलेल्या कारवाईत ११ लाखांच्या तब्बल १७ दुचाकी हस्तगत केल्या आहेत.
नाशिकमधील दुचाकी चोरट्यांना चाप बसणार
नाशिक पोलिसांनी कारवाई करत दोन दुचाकी चोरांना अटक केली आहे. पोलिसांनी एका संशयावरुन दोघांच्या मुसक्या आवळल्यानं चोरट्यांचे धाबे दणाणले आहे. पोलिसांच्या या कारवाईमुळं नाशिक शहरातील दुचाकी चोरीच्या घटना कमी होण्याची शक्यता आहे. तर, दुसरीकडे जांच्या गाड्या चोरीला गेल्या होत्या त्यांना त्या परत मिळू शकतील.
Read Latest Maharashtra News And Marathi News