आफ्रिकेतील देशांमधील एमटीएन समुहाकडून इंटरनेट सेवा उपलब्ध करून दिली जाते. सुमद्राच्या अंतर्गत भागात असलेल्या इंटरनेट केबलचे नुकसान झाले आहे. त्यांच्या दुरुस्तीच्या कामाला वेग देण्यात आला आहे. इंटरनेट सेवा सुरळीत करण्यासाठी पर्यायी यंत्रणेचा वापर सुरू असल्याचे ‘एमटीएन’ कंपनीच्या सूत्रांनी सांगितले. गेल्या काही दिवसांमध्ये इंटरनेट सेवा विस्कळीत होण्याच्या घटना वारंवार होत आहेत. मात्र, यंदा इंटरनेट खंडित होण्याची समस्या अधिक गंभीर आहे, असे मत नेट ब्लॉक्स कंपनीचे संचालक इसिक मॅटेर यांनी सांगितले. नेट ब्लॉक्स कंपनी जगभरात इंटरनेट सेवा विस्ताराचे काम करते.
डाटा वितरण आणि आंतरराष्ट्रीय माहितीच्या आदानप्रदानात व्यत्यय येत असल्याचे आढळून आले. या समस्येचे मूळ शोधून त्यात दुरुस्ती करणे तातडीने शक्य झालेले नाही, असेही ‘नेट ब्लॉक्स’ने कळविले आहे. यामुळे आफ्रिका खंडातील पश्चिमेकडील देशांना सर्वाधिक फटका बसला आहे.
…या देशांना फटका
नव्होरी कोस्ट, लिबेरिया, बेनिन, घाणा, बुरकिना फॅसो, नामिबिया, लेसोथो