आफ्रिकेतील डझनभर देशांमधील इंटरनेट बंद, दूरसंचार यंत्रणेत बिघाड; समुद्रातील केबल नादुरुस्त

वृत्तसंस्था, अबुजा (नायजेरिया) : दूरसंचार यंत्रणेत बिघाड झाल्याने आफ्रिकेतील डझनभर देशांमधील इंटरनेट यंत्रणा गुरुवारी ठप्प झाली. समुद्रातील केबल नादुरुस्त झाल्याने ही समस्या निर्माण झाल्याचे नेटवर्क ऑपरेटर्स आणि इंटरनेट सेवा कंपन्यांनी सांगितले. ती समस्या शुक्रवारी सुद्धा दूर होऊ शकली नव्हती.

आफ्रिकेतील देशांमधील एमटीएन समुहाकडून इंटरनेट सेवा उपलब्ध करून दिली जाते. सुमद्राच्या अंतर्गत भागात असलेल्या इंटरनेट केबलचे नुकसान झाले आहे. त्यांच्या दुरुस्तीच्या कामाला वेग देण्यात आला आहे. इंटरनेट सेवा सुरळीत करण्यासाठी पर्यायी यंत्रणेचा वापर सुरू असल्याचे ‘एमटीएन’ कंपनीच्या सूत्रांनी सांगितले. गेल्या काही दिवसांमध्ये इंटरनेट सेवा विस्कळीत होण्याच्या घटना वारंवार होत आहेत. मात्र, यंदा इंटरनेट खंडित होण्याची समस्या अधिक गंभीर आहे, असे मत नेट ब्लॉक्स कंपनीचे संचालक इसिक मॅटेर यांनी सांगितले. नेट ब्लॉक्स कंपनी जगभरात इंटरनेट सेवा विस्ताराचे काम करते.
गुगल क्रोमबाबत सरकारचा सावधानतेचा इशारा ; होऊ शकते युजर्सचे मोठे नुकसान
डाटा वितरण आणि आंतरराष्ट्रीय माहितीच्या आदानप्रदानात व्यत्यय येत असल्याचे आढळून आले. या समस्येचे मूळ शोधून त्यात दुरुस्ती करणे तातडीने शक्य झालेले नाही, असेही ‘नेट ब्लॉक्स’ने कळविले आहे. यामुळे आफ्रिका खंडातील पश्चिमेकडील देशांना सर्वाधिक फटका बसला आहे.

…या देशांना फटका
नव्होरी कोस्ट, लिबेरिया, बेनिन, घाणा, बुरकिना फॅसो, नामिबिया, लेसोथो