विशेष म्हणजे समुद्राच्या अगदी समोर वसलेलं जान्हवीच्या घरात ती स्वतः विजेत्यांचे स्वागत करेल आणि घर दाखवेल. या घरात आल्यावर चाहत्यांना जान्हवी कपूरला भेटण्याची संधी मिळेलच त्याचबरोबर तिच्यासारखाच दिवस देखील इथे घालवता येईल. जान्हवी विजेत्यांना खासगी टूर देईल आणि या घरातील आठवणी सांगेल. ती तिच्या त्वचेची काळजी कशी घेते याची माहिती देईल. तसेच घी पोडी राईस, आंध्रा बिर्यानी, पेसरट्टू डोसा आणि पल्कोवा या जान्हवीच्या आवडत्या दाक्षिणात्य पदार्थांचा आस्वाद घेता येईल. योगसाधना आणि त्यानंतर नाश्ता तसेच आठवण म्हणून जान्हवीकडून पर्सन्लाईज्ड भेटवस्तू देखील विजेत्यांना मिळेल.
बुकिंग कसं कराल?
बुकिंग १२ मे ला सकाळी ६.३० वाजता सुरू होईल. पण ९ मे पासूनच काऊंटडाऊन सुरू होईल. दोन गेस्टच्या दोन गटांना इथला स्टे अगदी शून्य रुपयात बूक करण्याची नामी संधी असेल. परंतु चेन्नईला येण्याजाण्याचा खर्च विजेत्यानाच करावा लागेल.
फक्त जान्हवी नव्हे तर ग्रॅमी विजेता दोजा कॅट, टिकटॉक स्टार खॅबी लेम आणि रेगॅटॉन कलाकार फिड यांनीही आपलं घर अशाच पद्धतीने खुलं केलं आहे. जान्हवी कपूर सारख्या आयकॉन्सची एक वेगळी कॅटेगरी करण्यात आली आहे. त्यामुळे एअरबीएनबी होमपेजवर शोधण्यासाठी सोपं जाईल. प्रत्येक आयकॉन लाईव्ह जाण्याआधी काऊंटडाऊनची वेळ दाखवली जाईल आणि गेस्ट अप वरून बुकिंग करू शकतात. निवड झालेल्या नशीबवान पाहुण्यांना हा अनुभव घेण्यासाठी डिजिटल गोल्डन तिकीट मिळेल.