एअरबीएनबी ने आणली आयकॉन्स नावाची योजना- बॉलिवूड स्टार जान्हवी कपूरचं कधीही न पाहिलेलं घर आता होणार खुलं

आज एअर बीएनबीने आयकॉन्स नावाची योजना जाहीर केली आहे. यात संगीत, चित्रपट, टेलिव्हिजन, कला, क्रीडा आणि यासारख्या अनेक क्षेत्रातील लोकांच्या घरात रहायला मिळणार आहे. त्यामुळे आता भाग्यवान विजेत्याना फेरारी म्युझियम मध्ये झोपायला, एखाद्या राजकुमाराच्या पर्पल रेन हाऊसमध्ये राहायला आणि बॉलिवूड आयकॉन जान्हवी कपूरच्या समुद्रकिनारी वसलेल्या घरात एक दिवस घालवायला मिळू शकतो. एअरबीएनबीवर आज असे ११ आयकॉन आले आहेत. या योजनेचा भाग म्हणून बॉलिवूड सुपरस्टार जान्हवी कपूर तिच्या चेन्नईच्या घराचे दरवाजे खुले करणार आहे. जान्हवीचं घर या प्रमोशनल कॅम्पेन अंतर्गत दोन पाहुण्यांसाठी खुलं करण्यात येणार आहे.

विशेष म्हणजे समुद्राच्या अगदी समोर वसलेलं जान्हवीच्या घरात ती स्वतः विजेत्यांचे स्वागत करेल आणि घर दाखवेल. या घरात आल्यावर चाहत्यांना जान्हवी कपूरला भेटण्याची संधी मिळेलच त्याचबरोबर तिच्यासारखाच दिवस देखील इथे घालवता येईल. जान्हवी विजेत्यांना खासगी टूर देईल आणि या घरातील आठवणी सांगेल. ती तिच्या त्वचेची काळजी कशी घेते याची माहिती देईल. तसेच घी पोडी राईस, आंध्रा बिर्यानी, पेसरट्टू डोसा आणि पल्कोवा या जान्हवीच्या आवडत्या दाक्षिणात्य पदार्थांचा आस्वाद घेता येईल. योगसाधना आणि त्यानंतर नाश्ता तसेच आठवण म्हणून जान्हवीकडून पर्सन्लाईज्ड भेटवस्तू देखील विजेत्यांना मिळेल.

बुकिंग कसं कराल?

बुकिंग १२ मे ला सकाळी ६.३० वाजता सुरू होईल. पण ९ मे पासूनच काऊंटडाऊन सुरू होईल. दोन गेस्टच्या दोन गटांना इथला स्टे अगदी शून्य रुपयात बूक करण्याची नामी संधी असेल. परंतु चेन्नईला येण्याजाण्याचा खर्च विजेत्यानाच करावा लागेल.

फक्त जान्हवी नव्हे तर ग्रॅमी विजेता दोजा कॅट, टिकटॉक स्टार खॅबी लेम आणि रेगॅटॉन कलाकार फिड यांनीही आपलं घर अशाच पद्धतीने खुलं केलं आहे. जान्हवी कपूर सारख्या आयकॉन्सची एक वेगळी कॅटेगरी करण्यात आली आहे. त्यामुळे एअरबीएनबी होमपेजवर शोधण्यासाठी सोपं जाईल. प्रत्येक आयकॉन लाईव्ह जाण्याआधी काऊंटडाऊनची वेळ दाखवली जाईल आणि गेस्ट अप वरून बुकिंग करू शकतात. निवड झालेल्या नशीबवान पाहुण्यांना हा अनुभव घेण्यासाठी डिजिटल गोल्डन तिकीट मिळेल.