फेसबुकवर एका युजरने एका तिकीटाचा फोटो शेअर केला आहे. फोटो शेअर करत युजरने लिहिलंय, की राहुल गांधींनी ५ जूनचं तिकीट बुक केलं आहे. इथे पाहा अर्काइव पोस्ट.
या फेसबुक युजरशिवाय आणखी एका युजरने एक्सवर तिकीटाचा फोटो शेअर करत पोस्ट केली आहे. अर्काइव पोस्ट.
सत्य कसं समोर आलं?
बूमने सोशल मीडियावर व्हायरल होत असलेल्या तिकिटाची पडताळणी केली. या पडताळणीत तिकिटावर दोन ठिकाणी वेगवेगळे फ्लाइट नंबर लिहिलेले आढळून आले. एका ठिकाणी UK121 तर दुसऱ्या ठिकाणी UK115 लिहिलं होतं. बूमने आणखी तपास करत रिव्हर्स इमेज सर्चद्वारे फोटो शोधले. यात त्यांना २०१९ मध्ये Live From A Lounge नावाच्या वेबसाइटवर अपलोड केलेला लेख सापडला. यात तिकिटावर अजय अवतानी असं प्रवाशाचं नाव लिहिलं होतं. यात दिल्ली ते सिंगापूर प्रवासाची तारीख ६ ऑगस्ट २०१९ लिहिली होती.
दोन्ही फोटो फरक ….
यानंतर, बूमच्या टीमने त्या लेखाचे लेखक आणि Live from a Lounge चे संस्थापक आणि संपादक अजय अवतानी यांच्याशी चर्चा केली. त्यांनी सांगितलं, की त्यांच्या तिकिटाचा फोटो २०१९ च्या लेखात शेअर करण्यात आला होता. ते विस्ताराचं हे पहिलं आंतरराष्ट्रीय विमान होतं आणि मी त्यात बसलो होतो. ज्याने हा फोटो एडिट केला आहे तो दोन ठिकाणी लिहिलेल्या फ्लाइट नंबरपैकी एका ठिकाणी बदलण्यास विसरला असल्याचं दिसतंय, असंही ते म्हणाले.
निष्कर्ष
बूमच्या पडताळणीत राहुल गांधी यांच्या नावाने व्हायरल होणारं थायलंड आणि बँकॉकचं तिकीट बनावट असल्याचं आढळून आलं. लोकसभा निवडणुकीच्या निकालापूर्वी खोट्या प्रचारासाठी तिकीट एडिट करून शेअर केलं जात आहे.
(This story was originally published by Boom, and republished by MT as part of the Shakti Collective.)