बुलढाणा: राज्यात गुन्हेगारी मोठ्या प्रमाणात वाढत आहे. पुणे ठाणेनंतर आता बुलढाण्यातही गुन्हेगारीचा क्राईम रेट वाढला आहे. यामुळे आता नागरिकांकडून चिंता व्यक्त करण्यात येत आहे. जिल्ह्यात मागील दोन दिवसांपासून दोन बालकांचे अपहरण करून हत्या करण्यात आल्याची घटना समोर आली होती. त्यानंतर एका बालिकेवर अत्याचार केल्याची घटना ताजीच असताना पुन्हा एक शेगाव येथील नागझरी भागात अशीच घटना समोर आली आहे. यामुळे संपूर्ण जिल्हा हादरून गेला आहे.
मिळालेल्या माहितीनुसार, बुलढाणा जिल्ह्यातील शेगाव तालुक्यातील नागझरी येथील क्रिष्णा राजेश्वर कऱ्हाळे यांच्या खुनाच्या बातमीने जिल्हाभर एकच हळहळ व्यक्त होत आहे. दोन दिवसांत अशा दोन घटना घडल्या आहेत. चिखली तालुक्यातील अंबाशी येथील अरहानचा खून झाल्याची घटना २३ जुलैला उघडकीस आली होती. त्यानंतर नागझरी येथील १४ वर्षीय क्रिष्णाचे २३ जुलै रोजी अपहरण झाले होते. ट्युशन क्लास आणि शाळेत गेलेला क्रिष्णा घरी परतला नसल्याने शेगाव शहर पोलीस ठाण्यात अज्ञात आरोपीविरुद्ध अपहरणाचा गुन्हा दाखल करण्यात आला होता. दरम्यान आज त्याचा मृतदेहच भास्तन येथील जंगलात आढळला. त्यामुळे एकच खळबळ उडाली आहे.दरम्यान २३ जुलै रोजी सकाळी ७ वाजून ५० मिनिटांनी क्रिष्णाला एक संशयित मोटारसायकलवरून घेऊन जात असल्याचे सीसीटीव्ही फुटेज पोलिसांना प्राप्त झाले. त्यावरून पोलिसांनी त्या संशयिताला ताब्यात घेऊन चौकशी करण्यात आली होती. त्यानंतर हा खुनाचा उलगडा झाला. क्रिष्णा कराळे शेगाव येथील बुरुंगले विद्यालयात वर्ग आठवीत शिक्षण घेत होता. क्रिष्णाचा मृतदेह पोत्यात टाकलेला आढळला. त्याच्या मृतदेहाशेजारीच त्याची शाळेची बॅग पडलेली आहे. या प्रकरणी पोलीस कसून तपास करत आहे.
मिळालेल्या माहितीनुसार, बुलढाणा जिल्ह्यातील शेगाव तालुक्यातील नागझरी येथील क्रिष्णा राजेश्वर कऱ्हाळे यांच्या खुनाच्या बातमीने जिल्हाभर एकच हळहळ व्यक्त होत आहे. दोन दिवसांत अशा दोन घटना घडल्या आहेत. चिखली तालुक्यातील अंबाशी येथील अरहानचा खून झाल्याची घटना २३ जुलैला उघडकीस आली होती. त्यानंतर नागझरी येथील १४ वर्षीय क्रिष्णाचे २३ जुलै रोजी अपहरण झाले होते. ट्युशन क्लास आणि शाळेत गेलेला क्रिष्णा घरी परतला नसल्याने शेगाव शहर पोलीस ठाण्यात अज्ञात आरोपीविरुद्ध अपहरणाचा गुन्हा दाखल करण्यात आला होता. दरम्यान आज त्याचा मृतदेहच भास्तन येथील जंगलात आढळला. त्यामुळे एकच खळबळ उडाली आहे.दरम्यान २३ जुलै रोजी सकाळी ७ वाजून ५० मिनिटांनी क्रिष्णाला एक संशयित मोटारसायकलवरून घेऊन जात असल्याचे सीसीटीव्ही फुटेज पोलिसांना प्राप्त झाले. त्यावरून पोलिसांनी त्या संशयिताला ताब्यात घेऊन चौकशी करण्यात आली होती. त्यानंतर हा खुनाचा उलगडा झाला. क्रिष्णा कराळे शेगाव येथील बुरुंगले विद्यालयात वर्ग आठवीत शिक्षण घेत होता. क्रिष्णाचा मृतदेह पोत्यात टाकलेला आढळला. त्याच्या मृतदेहाशेजारीच त्याची शाळेची बॅग पडलेली आहे. या प्रकरणी पोलीस कसून तपास करत आहे.
या घटनेनंतर जिल्ह्यातील नागरिकांमध्ये संताप व्यक्त होत आहे. जिल्ह्यात वारंवार अशा गुन्हेगारीच्या घटना घडत आहेत. त्यामुळे आता जिल्ह्यात आता चाललाय तरी काय? असा प्रश्न नागरिकांकडून उपस्थित होत आहे. तसेच गृह खातं झोपेत असल्याचे बोललं जात आहे.