Pushpa 2 रीलिज होऊन ३१ दिवस झाले, तरी अवघ्या काहीच दिवसांपूर्वी रीलिज झालेल्या ‘बेबी जॉन’ला या सिनेमाने धूळ चारली आहे. वरुण धवनचा ‘बेबी जॉन’ गेल्यावर्षी ख्रिसमसला प्रदर्शित झाला. ‘थेरी’ या दाक्षिणात्य सिनेमाचा रीमेक असणारा ‘बेबी जॉन’ बॉक्स ऑफिसवर कमाल दाखवण्यात सपशेल नापास ठरला आहे. एकीकडे पाचव्या शनिवारी ‘पुष्पा २’ने ५.५ कोटी रुपयांची कमाई केली, तर दुसरीकडे रीलिजनंतरच्या दुसऱ्या शनिवारी ‘बेबी जॉन’ने १ कोटी रुपयेदेखील कमावले नाहीत. त्यामुळे हा मल्टिस्टारर सिनेमा ४० कोटींचा आकडा गाठेल की नाही, अशी शंका आहे.

लग्नाआधी बायकोला डेट करताना घाबरलेले गोविंदा; सुनीता यांचे वय अवघे १५ आणि अभिनेत्याचे…
सॅकनिल्कच्या रिपोर्टनुसार या शनिवारी ‘बेबी जॉन’ने केवळ ८० लाख रुपयांची कमाई केली आहे. ओपनिंग डेला या चित्रपटाने ११.२५ कोटी कमावले होते, तेव्हा या चित्रपटाडून अपेक्षा होत्या. मात्र आता व्यवसाय वाढेल याची शक्यता कमीच आहे. एकूण ११ दिवसात या चित्रपटाने केवळ ३७.७५ कोटी रुपयांची कमाई केली आहे. ‘पुष्पा २’च्या कमाईसमोर हे आकडे जवळपासही नाहीत, असे चित्र आहे.

नाताळ रीलिजचा शाप ‘बेबी जॉन’लाही लागला?

गेल्या सहा वर्षांपासून बॉलिवूडसाठी नाताळचा सण चांगला गेला नाही. कॅलिस दिग्दर्शित ‘बेबी जॉन’मुळे परिस्थिती बदलेल अशी अपेक्षा होती. पण असे झाले नाही. या शापाची सुरुवात २०१८ साली आलेल्या शाहरुख खानच्या ‘झिरो’ चित्रपटापासून झाली. हा चित्रपट फ्लॉप ठरला, त्यानंतर ख्रिसमसला रिलीज झालेले ‘दबंग ३’, ‘८३’, ‘सर्कस’ आणि ‘डंकी’सारखे चित्रपट बॉक्स ऑफिसवर चांगलेच आपटले. या यादीत ‘बेबी जॉन’ही बसणार की काय, अशी शक्यता निर्माण झाली आहे.

sacnilk च्या रिपोर्टनुसार, १८५ कोटी रुपयांच्या बजेटमध्ये बनलेल्या ‘बेबी जॉन’ने शुक्रवारी तिसऱ्या दिवशी केवळ ३.६५ कोटी रुपयांची कमाई केली आहे. दुसऱ्या दिवशी सिनमाने ४.७५ कोटी रुपये कमावले होते, तर पहिल्या दिवशी ११.२५ कोटी रुपयांची कमाई झाली. अशा प्रकारे तीन दिवसांत या चित्रपटाने देशात केवळ १९.६५ कोटी रुपयांचे कलेक्शन केले. दुसरीकडे, वॉल्ट डिस्नेच्या हॉलिवूड ॲनिमेशन ‘मुफासा: द लायन किंग’ने रिलीजच्या ८व्या दिवशी भारतात ६.६० कोटी रुपयांची कमाई केली आहे. या चित्रपटाने ‘पुष्पा २’ च्या वादळातही मजबूत पकड निर्माण केली आहे. ‘मुसाफा: द लायन किंग’ने आतापर्यंत भारतात ८०.८५ कोटी कमावले आहेत.

Pushpa 2 ने पहिल्यांदाच केली सर्वात कमी कमाई; तरीही बॉक्स ऑफिसवर रचना अनोखा रेकॉर्ड
ख्रिसमसनंतर नववर्षाच्या पूर्वसंध्येचा प्रभाव आता चित्रपटगृहांमध्ये दिसून येत आहे. दिल्ली-एनसीआरमधील बदलत्या हवामानाचा परिणाम चित्रपटांच्या कमाईवरही झाला आहे. अल्लू अर्जुनच्या ‘पुष्पा २’ ने शुक्रवारी पहिल्यांदाच १० कोटी रुपयांपेक्षा कमी कमाई केली आहे. रिलीजच्या २३व्या दिवशी, ‘पुष्पा २: द रुल’ ने देशात ८.७५ कोटी रुपये नेट कलेक्शन केले आहे. या सिनमाचे एकूण कलेक्शन ११२८.८५ कोटी रुपये झाले आहे.

‘बेबी जॉन’ची ही अवस्था या सिनेमाचा निर्माता अॅटलीसाठी मोठा धक्का आहे. निर्माता म्हणून हा त्याचा पहिलाच बॉलिवूड सिनेमा असून त्याची गणना सर्वात यशस्वी आणि फायदेशीर चित्रपट निर्मात्यांमध्ये केली जाते. पण ‘ख्रिसमसच्या शापा’ने त्यालाही सोडले नाही. सध्याची स्थिती पाहता, ‘बेबी जॉन’ ८०-८५ कोटी कमावेल असेही वाटत नाही.

‘बेबी जॉन’ची किती झाली कमाई?

Sacnilk च्या रिपोर्टनुसार, ‘बेबी जॉन’ने पहिल्या दिवशी देशभरात १२.५० कोटी रुपयांचे नेट कलेक्शन केले. रिलीजपूर्वी, आगाऊ बुकिंगमधून सिनेमाने ३.५२ कोटी रुपयांची कमाई केली. यानंतर स्पॉट बुकिंगमधून मिळणाऱ्या कमाईतही वाढ झाली. ही कमाई वाढण्याचे महत्त्वाचे कारण म्हणजे, आगाऊ बुकिंगसाठी ‘बेबी जॉन’ला तीन दिवसांचा अवधी मिळाला होता.

एक मास मूव्ही, ॲक्शन फिल्म आणि हॉलिडे रिलीज असल्याने ‘बेबी जॉन’ने पहिल्या दिवशी आणखी जास्त कमाई केली असती, पण असे झाले नाही. याचे कारण म्हणजे सकाळच्या आणि दिवसभराच्या शोजनंतर सायंकाळच्या आणि रात्रीच्या शोमध्ये प्रेक्षकांच्या संख्येत फारशी वाढ झाली नाही. ‘बेबी जॉन’चे बजेट १८५ कोटी रुपये आहे, सध्या ज्या बजेटचे चित्रपट बनतात त्या दृष्टीने हे फार नाही. त्यामुळे या चित्रपटाला अजूनही संधी आहे. रीलिजनंतर पहिलाच वीकेंड पाच दिवसांचा मिळाला आहे, त्यामुळे या कमाईत वाढ होऊ शकते. या वर्षातील आणखी एक हिट चित्रपट होण्याकडे ‘बेबी जॉन’ वाटचाल करू शकतो.

पुष्पा २ला अजूनही प्रेक्षकांची पसंती

२५ डिसेंबर रोजी अल्लू अर्जुनचा ‘पुष्पा २ – द रुल’ पुन्हा हिंदी बॉक्स ऑफिसवर प्रेक्षकांची पहिली पसंती राहिला. रिलीजच्या २१व्या दिवशी सिनेमाच्या हिंदी आवृत्तीमधून १५ कोटी रुपयांची कमाई झाली आहे. तर पाचही भाषांचा समावेश केला असता, या सिनेमाने बुधवारी १९.७५ कोटी रुपयांचा व्यवसाय केला. पुढचे काही दिवस या कमाईत घट होईल असे चिन्ह नाही. आतापर्यंत या सिनेमाने हिंदीमध्ये ११०९.८५ कोटी रुपयांची कमाई केली आहे. हिंदी व्हर्जनने आतापर्यंत ७१६.६५ कोटी, तर तेलुगू आवृत्तीने ३१६.३० कोटी रुपयांचा व्यवसाय केला आहे.