​२०२३ च्या पहिल्या दिवशी अतिशय शुभ योग

वर्ष २०२३ च्या पहिल्या दिवशी शिव, रवी, शश आणि सिद्ध आणि सर्वार्थ सिद्धी असा महान योग तयार होत आहे. असे मानले जाते की या शुभ योगामध्ये कोणतेही शुभ कार्य केले जाऊ शकते कारण हा योग सर्व शुभ कार्यांसाठी सर्वोत्तम काळ मानला जातो. तसेच या योगांमध्ये केलेले कार्य निश्चितच यशस्वी होते. यासोबतच वर्षाच्या पहिल्या दिवशी शिवयोग आहे. असे मानले जाते की शिवयोगामध्ये भगवान शंकराची पूजा केल्यानंतर केलेल्या शुभ कार्यात यश प्राप्त होते. यासोबतच रविवारपासून वर्षाचा पहिला दिवस सुरू होत असून या दिवशी रवि नावाचा शुभ योगही असल्याने या दिवसाचे महत्त्व अधिकच वाढले आहे.

​हा उपाय २०२३ मध्ये प्रगतीच्या संधी मिळवून देईल

नवीन वर्ष २०२३ च्या पहिल्या दिवशी रवी नावाचा शुभ योग तयार होत आहे. या दिवशी सूर्यदेवाला पाण्यामध्ये जास्वंदाचे फूल आणि गूळ टाकून अर्पण करावे. यासोबत आदित्य हृदय स्तोत्राचे पठण केले पाहिजे, या पाठाने शत्रूंवर विजय मिळवता येतो. सूर्य हा आदर, पिता आणि प्रगतीचा कारक आहे असे मानले जाते. या शुभ योगांमध्ये सूर्यदेवाला जल अर्पण करणे आणि आदित्य हृदय स्तोत्राचे पठण केल्याने वर्षभर मान-सन्मान मिळेल आणि प्रगतीच्या संधी मिळत राहतील.

​या उपायाने २०२३ मध्ये देवी लक्ष्मीची कृपा होईल

नवीन वर्ष २०२३ च्या पहिल्या दिवशी सूर्यदेवाला जल अर्पण केल्यानंतर देवी लक्ष्मीचीही पूजा करणे उत्तम मानले जाते. शुभ योगामध्ये देवी लक्ष्मीची विधिवत पूजा केल्याने सर्व कार्ये विना अडथळा पूर्ण होऊ लागतात. माता लक्ष्मीच्या पूजेमध्ये ११ कवड्या हळद लावून माता लक्ष्मीला अर्पण करावे. त्यानंतर या कवड्या लाल कपड्यात बांधून तिजोरीत किंवा कपाटात ठेवा. असे केल्याने आयुष्यात वर्षभर देवी लक्ष्मीचा विशेष आशीर्वाद प्राप्त होतो.

​या उपायाने तुम्हाला २०२३मध्ये पैसे कमावण्याच्या संधी मिळतील

२०२३ च्या पहिल्या दिवशी माशांना पिठाच्या गोळ्या खायला द्याव्यात. यासोबतच गहू आणि गूळ लाल कपड्यात बांधून दान करावे. असे केल्याने कुंडलीतील सूर्याची स्थिती मजबूत होते आणि आयुष्यातील वर्षभर येणारे त्रासही दूर राहतात. असे मानले जाते की असे केल्याने धन कमावण्याची संधी मिळतात आणि शत्रूंचा प्रभावही कमी होतो.

​या उपायाने २०२३मध्ये संपत्ती आणि समृद्धीच्या अनेक संधी मिळतील

२०२३ मध्ये नोकरी आणि व्यवसायात प्रगतीसाठी सूर्यदेवाला जल अर्पण करा आणि गायत्री मंत्राचा जप करा. यानंतर वाहत्या पाण्यात तांदूळ आणि गूळ वाहून द्या. असे मानले जाते की, असे केल्याने नोकरी आणि व्यवसायात प्रगती होण्यास सुरुवात होते आणि वर्षभर संपत्ती आणि समृद्धीच्या अनेक संधी मिळतात. रविवारपासून नवीन वर्ष सुरू होत आहे आणि या दिवशी सूर्य गुरूच्या राशीत असेल, अशा स्थितीत हा उपाय तुमच्यासाठी खूप फायदेशीर ठरेल.

​या उपायाने २०२३ साली आरोग्याची प्राप्ती होईल

रोगांपासून मुक्ती मिळवण्यासाठी नवीन वर्ष २०२३ च्या पहिल्या दिवशी पाण्याने भरलेल्या तांब्याच्या भांड्यात लाल मिरचीच्या बिया, लाल फुले, तांदूळ इत्यादी टाकून ‘ऊॅं सूर्याय नमः’, ‘ऊॅं हरी हरी सूर्याय नमः’, ‘ऊॅं घृणी’ अर्घ्य या मंत्रांचा उच्चार करताना ‘सूर्यादित्योम’ आणि ‘ऊॅं ह्रीं ह्रीं ह्रौं स: सूर्य: नमः’ या मंत्रांचा उच्चार करावा. या दिवशी मीठ सोडून गोड पदार्थ खाल्ल्यास ते तुमच्यासाठी अधिक चांगले होईल. , यासोबतच या दिवशी तांब्याची भांडी, लाल वस्त्र, गहू, लाल चंदन इत्यादींचे दान करावे. हा उपाय तुमच्या आरोग्यासाठी फायदेशीर ठरेल तसेच तुमची प्रतिष्ठा आणि प्रभाव वाढवेल.

​या उपायाने धन-समृद्धीचे योग येतील

नवीन वर्ष २०२३ ची सुरुवात रविवारपासून होत आहे, त्यामुळे या दिवशी तुम्ही सूर्यदेवाला पाण्यामध्ये जास्वंदाचे फूल अर्पण करावे आणि देवी लक्ष्मीची पूजा देखील करावी. या दिवशी सूर्याला जल अर्पण केल्यानंतर आदित्यहृदय स्तोत्राचा पाठ करा आणि देवी लक्ष्मीची पूजा करताना कनकधारा स्तोत्राचा पाठ करा. असे केल्याने ग्रहांचा शुभ प्रभाव पडतो, त्यामुळे मान-सन्मान वाढतो आणि माता लक्ष्मीच्या कृपेने धन-समृद्धीही निर्माण होते.

या उपायाने २०२३ मध्ये सर्व अडथळे दूर होतील

वर्ष २०२३ मध्ये सर्व संकटांपासून मुक्त होण्यासाठी, शिवलिंगावर अभिषेक करा आणि २१ बेलपत्रावर पांढर्‍या चंदनाने ‘ऊॅं नमः शिवाय’ लिहा आणि शिवलिंगावर अर्पण करा. शिवलिंगाची विधिवत पूजा केल्यानंतर बेलपत्राचे मूळ लाल धाग्यात किंवा स्वच्छ कपड्यात गुंडाळून गळ्यात घालावे. तसेच ते उजव्या हातात घालू शकतात. असे केल्याने वर्षभर सर्व समस्या तुमच्यापासून दूर राहतील आणि भगवान शंकराची कृपा राहील.

​या उपायाने २०२३ मध्ये शनिदेव प्रसन्न होतील

नवीन वर्ष २०२३ मध्ये सुख समृद्धीसाठी, अमावस्येच्या दिवशी तूपासह उडीद डाळ आणि तांदळाची खिचडी दान करा. कारण २०२३ साली शनिदेव मकर राशी सोडून कुंभ राशीत प्रवेश करतील. ज्योतिषशास्त्राच्या या उपायाने शनिदेवाचा प्रकोप कमी होईल आणि त्याचा शुभ प्रभावही प्राप्त होईल. शनीची हालचाल बदलल्याने साडेसाती ते ढैय्याचा प्रभाव संपून जाईल.

​या उपायाने २०२३ मध्ये करिअरमध्ये प्रगती होईल

नवीन वर्ष २०२३ मध्ये राहूच्या अशुभ प्रभावापासून मुक्ती मिळवण्यासाठी लोखंडी अंगठी आणि बांगडी धारण करणे फायदेशीर ठरेल. असे केल्याने व्यक्तीची बुद्धिमत्ता योग्य दिशेने जाईल आणि त्याचा सकारात्मक परिणाम होऊन तो करिअरमध्ये नवीन उंची गाठेल. याशिवाय तुम्ही मांसाहारापासून दूर राहून गरीब आणि गरजू लोकांना मदत करा.

​या उपायांमुळे २०२३ मध्ये भौतिक सुखसोयी वाढतील

ज्योतिषशास्त्रात शुक्राला महत्त्वाचे स्थान आहे. कुटुंब, लक्ष्मी, जमीन, मालमत्ता, करिअर, शारीरिक सुख इत्यादींचा कारक ग्रह मानला जातो. त्यामुळे नवीन वर्ष २०२३ समृद्ध आणि भरभराटीचे होण्यासाठी धार्मिक स्थळी पाच शुक्रवारपर्यंत पांढरे वस्त्र, दूध, बर्फी, तांदूळ आणि साखरेचे दान करावे. असे केल्याने नवीन वर्षात सांसारिक सुखांची प्राप्ती होते आणि देवी लक्ष्मीची कृपाही राहते.

टीप : ही सर्व माहिती भाविकांची श्रद्धा लक्षात घेऊन दिली जात आहे, तुमच्या श्रद्धा आणि विश्वासावर ज्योतिष उपाय आणि सल्ला वापरून पाहा. याचा उद्देश फक्त तुम्हाला चांगला सल्ला देणे आहे. या संदर्भात आम्ही कोणताही दावा करत नाही.