गोपीचंद पडळकर

विधान परिषदेतील सहा आमदारांना महायुतीनं विधानसभेचं तिकीट दिलं होतं. विशेष म्हणजे या सहाही जणांनी निवडणूक जिंकली. त्यामुळे ते विधानसभेचे सदस्य झाले आहेत.

महाराष्ट्र टाइम्स.कॉम

मुंबई: विधानसभा निवडणुकीत दणदणीत विजय मिळवत महायुतीनं सत्ता कायम राखली आहे. लाडकी बहीण योजनेचा लाभ महायुतीला झाला. महिलांनी भरभरुन मतदान केल्यानं विधानसभेत महायुतीनं नेत्रदीपक विजय मिळवला. महायुतीचे २३४ उमेदवार विजयी झाले. विधानसभेच्या ८० टक्क्यांपेक्षा अधिक जागा महायुतीनं जिंकल्या आहेत.

विधान परिषदेतील सहा आमदारांना महायुतीनं विधानसभेचं तिकीट दिलं होतं. विशेष म्हणजे या सहाही जणांनी निवडणूक जिंकली. त्यामुळे ते विधानसभेचे सदस्य झाले आहेत. त्यांच्या विजयामुळे आता महायुतीच्या कोट्यातील विधान परिषदेच्या सहा जण रिक्त झाल्या आहेत. तिथे कोणाकोणाची वर्णी लागणार याकडे लक्ष लागलं आहे. विधानसभा निवडणुकीत सहकार्य करा. आता तिकीट मागू नका. परिषदेवर संधी देतो, अशी आश्वासनं महायुतीमधील प्रमुखांनी निवडणुकीच्या आधी अनेकांना दिली आहेत. त्यामुळे सहा पदांसाठी मोठी चढाओढ असेल.
Uddhav Thackeray: उद्धवसेनेच्या विधानसभा गटनेतेपदी आक्रमक नेत्याची वर्णी; आदित्य ठाकरेंकडेही मोठी जबाबदारी
भाजपनं प्रदेशाध्यक्ष चंद्रशेखर बावनकुळे, गोपीचंद पडळकर, रमेश कराड, प्रवीण दटके यांना विधान परिषदेवर संधी दिली होती. तर राष्ट्रवादी काँग्रेसनं राजेश विटेकर, शिवसेनेनं आमश्या पाडवी यांना परिषदेचं सदस्यत्व दिलं होतं. परिषदेचे सहाही आमदार आता विधानसभेवर निवडून गेले आहेत. त्यामुळे आता महायुतीकडून ६ जणांना त्यांच्या जागी संधी देण्यात येईल.

भाजपच्या चंद्रशेखर बावनकुळेंनी कामठी, गोपीचंद पडळकरांनी जत, रमेश कराड यांनी लातूर ग्रामीणमधून, तर प्रवीण दटकेंनी नागपूर मध्यमधून विधानसभा निवडणूक जिंकली आहे. तर शिवसेनेचे आमश्या पाडवी अक्कलकुव्यातून विजयी झाले. राष्ट्रवादी काँग्रेसच्या राजेश विटेकरांनी पाथरीतून बाजी मारली. त्यामुळे विधान परिषदेचे आमदार आता विधानसभेत दिसणार आहेत.
Uddhav Thackeray: विरोधी पक्षनेतेपदासाठी मविआचा डाव; ठाकरेसेनेचे २ तगडे नेते आघाडीवर, दोघांमागे मनसे फॅक्टर
विधान परिषदेचं संख्याबळ किती?
विधान परिषदेची सदस्यसंख्या ७८ इतकी आहे. यातील ३५ जागा सध्या महायुतीकडे आहे. तर महाविकास आघाडीचे सभागृहात १७ सदस्य आहेत. परिषदेत भाजपचे १९, राष्ट्रवादी काँग्रसचे ७ आणि शिवसेनेचे ६ सदस्य आहेत. महाविकास आघाडीतील शिवसेना उबाठाचे ७, काँग्रेसचे ७, राष्ट्रवादी शपचे ३ जण परिषदेवर आहेत. स्थानिक स्वराज्य संस्थांच्या निवडणुका न झाल्यानं, राज्यपालांनी ५ जणांची नियुक्ती न केल्यानं सध्याच्या घडीला २६ जागा रिक्त आहेत.

लेखकाबद्दलकुणाल गवाणकरमहाराष्ट्र टाईम्स ऑनलाईनमध्ये सिनियर डिजिटिल कंटेट प्रोड्युसर म्हणून कार्यरत. ११ वर्षांपूर्वी वृत्तपत्रातून पत्रकारितेची सुरुवात. सकाळ, जय महाराष्ट्र, टीव्ही ९ मराठी, लोकसत्ता ऑनलाईन, न्यूज१८ लोकमत, लोकमत ऑनलाईनमधून प्रवास करत मटा ऑनलाईनपर्यंत वाटचाल; क्राईमच्या बातम्यांमध्ये हातखंडा; राजकीय, निवडणूक विषयक बातम्यांमध्ये रस…. आणखी वाचा

मुंबई: लोकसभा निवडणुकीत राज्यात अपयशी ठरलेल्या भारतीय जनता पक्षानं आता विधानसभेसाठी कंबर कसली आहे. निवडणुकीला दोन महिने राहिलेले असताना भाजपनं कट्टर हिंदुत्त्वावादी भूमिका घेत त्यासाठी आखणीही केली. लव्ह जिहाद, लँड जिहाद आणि वक्फ बोर्डाशी संबंधित विषय अधिक आक्रमकपणे हाताळण्याची व्यूहनीती भाजपनं आखली आहे.

भाजपशी संबंधित सकल हिंदू समाजाकडून ४ ऑगस्टला हिंदू जन आक्रोश मोर्चा काढण्यात येईल. २०२२ मध्ये राज्यात पहिल्यांदा हिंदू जन आक्रोश मोर्चे निघाले होते. त्यावेळी हातात भगवे ध्वज, डोक्यावर भगवी टोपी घालून हजारो लोक रस्त्यावर उतरले आहेत. गेल्या वर्षी राज्यात असे २४ हून अधिक मोर्चे निघाले. विश्व हिंदू परिषद आणि सनातन संस्था या हिंदुत्त्ववादी संघटनांनी त्यांचं आयोजन केलं होतं.CM Eknath Shinde: विधानसभेसाठी CM शिंदेंचं खास मिशन, भाजपचं वाढलं टेन्शन; मोर्चेबांधणी सुरु, घमासान होणार
विधानसभेच्या निवडणुका तोंडावर आलेल्या असताना भाजपचे नेते लव्ह जिहाद, लँड जिहाद आणि वक्फशी संबंधित विषय अधिक आक्रमकपणे लावून धरु लागले आहेत. या माध्यमातून हिंदुत्त्ववादी मतांचं ध्रुवीकरण करण्याचा भाजपचा प्रयत्न आहे. आता राज्यात पुन्हा एकदा जन आक्रोश मोर्चे आयोजित करण्यात येणार आहेत. यामध्ये राष्ट्रीय स्वयंसेवक संघाची महत्त्वाची भूमिका असणार आहे. पहिला मोर्चा सोलापूरच्या करमाळ्यात ४ ऑगस्टला, तर दुसरा मोर्चा १४ ऑगस्टला अमरावतीत काढला जाईल. विशेष म्हणजे या दोन्ही जागांवर लोकसभेला भाजपचा पराभव झाला आहे.

काही अंतर्गत विषयांमुळे थांबलेले मोर्चे आम्ही पुन्हा सुरु करत आहोत. त्याची सुरुवात पुढील आठवड्यापासून होईल, अशी माहिती भाजपचे आमदार नितेश राणेंनी दिली. मोर्चांमध्ये समन्वय राखण्याचं काम भाजपनं आमदार नितेश राणे आणि गोपीचंद पडळकरांना दिलं आहे. या मोर्चांचं नेतृत्त्व कोणताही नेता, पक्ष किंवा संघटना करणार नाही. आपल्या धर्मासाठी लढायला हवं अशी इच्छा असणारे हिंदू या मोर्चात उतरतील. जिथे जिथे लव्ह जिहाद, लँड जिहाद आणि वक्फशी संबंधित घटना घडतील, तिथे तिथे आम्ही स्थानिक हिंदुत्त्ववादी संघटनांच्या मदतीनं मोर्चे काढू, असं ते म्हणाले.
Congress vs Shiv Sena : जिथे ठाकरेंचे आमदार, तिथेही काँग्रेसची चाचपणी, मुंबईत १६ जागांसाठी इच्छुक, मातोश्रीच्या अंगणावरही नजर
आमदार राणे आणि भाजपचे माजी खासदार किरीट सोमय्या लव्ह जिहादच्या प्रकरणांमध्ये अधिक सक्रिय दिसून येतात. उरणमध्ये २० वर्षीय तरुणीची तिचा प्रियकर दाऊद शेखनं हत्या केल्यानंतर भाजप नेत्यांनी तरुणीच्या कुटुंबियांची भेट घेतली. पण नवी मुंबई पोलिसांनी या प्रकरणात लव्ह जिहाद नसल्याचं म्हटलं आहे.

कोल्हापूरच्या विशाळगड किल्ल्यावर झालेलं अतिक्रमण हटवण्यासाठीही हिंदुत्त्ववादी संघटनांनी आक्रमक भूमिका घेतली होती. यानंतर १५ जुलैला प्रशासनानं अतिक्रमण हटवलं. यावेळी जमावानं गडाच्या परिसरात असणाऱ्या अल्पसंख्याकांच्या घरांवर, दुकानांवर, वाहनांची तोडफोड केली. मुंबई उच्च न्यायालयानं याची दखल घेत राज्य सरकारची कानउघाडणी केली होती. पाऊस सुरु असताना प्रशासनानं केलेल्या कारवाईबद्दल न्यायालयानं प्रशासनाला खडे बोल सुनावले होते. विशेष म्हणजे कोल्हापुरातही लोकसभेला महायुतीच्या उमेदवाराचा पराभव झालेला आहे.

‘आम्ही अनधिकृत बांधकामांविरोधात आवाज उठवला. तिथे कोणत्या धर्माचे लोक राहतात त्यावरुन आम्ही भूमिका घेतलेली नाही. आम्ही लव्ह जिहादवरुन मुस्लिमांना लक्ष्य करतोय अशातला भाग नाही. पण प्रेम प्रकरणातून होणाऱ्या हिंसाचारात बहुतांश ठिकाणी मुस्लिमांचाच सहभाग असतो. आम्ही काढत असलेल्या मोर्चांमुळे हिंदूंमध्ये जागरुकता निर्माण होतेय,’ असं आमदार राणे म्हणाले.

हायलाइट्स:

हायलाइट्स: