Tej Police Times
padalkar criticizes ajit pawar: ‘अजित पवार यांच्या म्हणण्याला काडीची किंमत नाही’; पडळकरांचा हल्लाबोल
हायलाइट्स:
- आमदार गोपीचंद पडळकर यांची उपमुख्यमंत्री अजित पवार यांच्यावर टीका.
- अजित पवार काय म्हणतात त्याला काडीचीही किंमत नाही- गोपीचंद पडळकर.
- बैलगाडा शर्यत हा राजकारणाचा मुद्दा नाही- गोपीचंद पडळकर.
गोपीचंद पडळकर यांनी कराड येथील बैलगाडा मालक धनाजी शिंदे यांची भेट घेतली. त्यानंतर पडळकर बोलत होते. पडळकर म्हणाले की, अजित पवार हे काय म्हणतात याला काडीचीही किंमत नसून ते वेगवेगळ्या प्रकारची वक्तव्ये करत आहेत. बैलगाडा शर्यत हा राजकारणाचा मुद्दा नाही. अजत पवारांची भाषणे काढून पाहा. बैलगाडा शर्यत चालू नाही झाली तर अजित पवार नाव सांगणार नाही, अशी त्यांची भाषणं आहेत, असा टोला पडळकरांनी लगावला आहे.
क्लिक करा आणि वाचा- दहीहंडी उत्सवाला परवानगी मिळणार का?; भाजपने केली ‘ही’ मागणी
राज्यातील सरकार मोगलांच्या वृत्तीचे
यावेळी त्यांनी मराठा आरक्षणाच्या मुद्द्याला हात घालत राज्य सरकारवर निशाणा साधला. मराठा आरक्षणाचा वकील त्यांनीच नेमला होता. सरकार आमच्याकडे कागदपत्र देत नाही म्हणून आम्ही मराठा आरक्षणाबाबत योग्य मत मांडू शकलो नाहीत, असे म्हणत आजचे सरकार मोगलांच्या वृत्तीचे असल्याचा आरोप पडळकर यांनी ठाकरे सरकारवर केला आहे.
क्लिक करा आणि वाचा- ‘१४ महिने मंत्रालयात न येणारा मुख्यमंत्री उत्कृष्ट कसा काय?’: भाजपचा हल्लाबोल
पडळकर यांच्या कारवाई करण्याचे अजित पवार यांचे संकेत
आमदार गोपीचंद पडळकर यांच्यावर सांगलीत बैलगाडा शर्यतीचे आयोजन केल्याप्रकरणी गुन्हा दाखल होणार का, असा प्रश्न असा प्रश्न अजित पवार यांना विचारण्यात आला. त्यावर उत्तर देताना पवार म्हणाले की, व्यक्ती कोणत्याही पक्षाची असो, तिच्याकडून कायद्याचे उल्लंघन होत असेल तर नियमानुसार कारवाई होईल. अशा व्यक्तीवर गुन्हे दाखल केले जातील.
क्लिक करा आणि वाचा- नारायण राणेंचे वर्तन दुतोंडी सापासारखे; नीलम गोऱ्हेंचे टीकास्त्र