Jalgaon Cyber Crime : सावधान! नऊ नंबर दाबला आणि घोळ वाढला, काही कळण्याआधीच २२ लाखांना घातला गंडा

जळगाव, निलेश पाटील : तुमची पॉर्नोग्राफी विषयी तक्रारी दाखल आहे,आधार कार्डवर एक सिम कार्ड विक्री झाले तुमच्या नावाने मनी लॉड्रिंग सुरु आहे. सुप्रीम कोर्ट आणि सेबीच्या नावाने बनावट पत्र पाठवली आणि मग लावला लोको पायलटला चुना. एका टोळक्याने भुसावळ मधील रेल्वेच्या लोको पायलटची तब्बल २२ लाखांची ऑनलाईन फसवणूक केली असल्याची धक्कादायक घटना समोर आली आहे. भुसावळ येथे रेल्वेमधील लोकोपायलट असलेल्या ५३ वर्षीय व्यक्तीला बँक खात्यावरून मनी लॉन्ड्रीग केले जात आहे असे सांगण्यात आले. त्यानंतर पॉर्नोग्राफी विषयी तक्रार दाखला झाली आहे असे सांगण्यात आले. यासह सुप्रीम कोर्ट आणि सेबीच्या नावाने बनवट पत्र पाठवून भुसावळ रेल्वे लोको पायलटची २२ लाख रुपयांमध्ये ऑनलाईन फसवणूक करण्यात आली. लोकोपायलेट ने शेअर, म्युच्युअल फंड, फिक्स डिपॉझिट मधून ही रक्कम पाठवली होती.

नेमके फसवले कसे?

लोको पायलट यांना १५ जुलैला कॉल आला त्यांना फोनवर असणाऱ्या पलीकडील अज्ञात व्यक्तीने मोबाईल क्रमांकाची सेवा बंद होणार असल्याचे सांगितले, पुढे अधिक माहितीसाठी नऊ दाबण्यास सांगितले. लोको पायलटने नऊ नंबर दाबला असता कॉल ट्रान्सफर झाला. पलीकडून आपल्या आधार कार्डवर एक सिम कार्ड विक्री झाले असून त्यावर बेकायदेशीर ॲडव्हर्टायझिंग फोनोग्राफी सारखे गुन्हे होत असे सांगण्यात आले, त्याविषयी मुंबईतील टिळक नगर पोलीस ठाण्यात १७ तक्रारी आलेल्या आहेत असे सांगण्यात आले. नंतर पलीकडील व्यक्तीने लोकोपायलटला व्हाट्सएप ओपन करण्यास सांगितले पण व्हॉटसएप सुरु होईना.

नंतर दुसऱ्या क्रमांकावरून व्हिडिओ कॉल आला समोरील व्यक्तीने अंधेरी पोलीस ठाण्याचे उपनिरीक्षक हेमराज कोळी नावाची ओळखपत्र दाखवले आणि व्हाट्सएप वर काही फोटो पाठवले. फोटोतील व्यक्ती तुमच्या नावाने मनी लॉन्ड्रीग करतायत, त्यांच्याकडून जप्त २४७ एटीएम कार्ड मध्ये तुमच्या नावाचे डेबिट कार्ड आहे. यातील एकाने मनी लॉन्डिंगच्या दोन कोटींच्या व्यवहारात तुम्हाला २० लाख रुपये कमिशन दिल्याचे लोको पायलटला सांगितले.
छत्रपती संभाजीनगरमधील महिलेला १७ लाखांचा गंडा; तोतया CIDकडून ऑनलाइन वॉरंट निघाल्याची धमकी, प्रकरण काय?

मात्र हे पैसे आपल्याला मिळाले नाहीत आणि मी असे काम करीत नसल्याचे लोको पायलेट ने सांगितले. समोरील व्यक्तीने तुम्हाला मदत करतो तुम्ही सहकार्य करा बँक खात्याची आणि गुंतवणुकीची माहिती द्या. आम्ही व्यवहाराविषयी माहिती तपासतो असे सांगितले. लोको पायलेटने सर्व माहिती दिली समोरच्या व्यक्तीने सुप्रीम कोर्टाचे लोको पायलटच्या नावाचे पत्र व्हाट्सअपवर पाठवले. जोपर्यंत केस बंद होत नाही तोपर्यंत कोर्टाच्या आदेशाचे पालन करा अशी लिहून सही घेतलेले पत्र व्हाट्सअप वर लोकोपायलट कडून मागवले.

शेअर्स एफडी मोडल्याचे स्वतःच कळवले

पत्र लिहून घेतल्यानंतर सुरक्षेविषयी चा मेसेज पाठवून लोको पायलटला प्रत्येक ऍक्टिव्हिटी ची माहिती पाठविण्यात सांगितली हेमराज कोळी नाव सांगणाऱ्याचा मनुष्याचा व्हिडिओ कॉल आला आणि त्याने सांगितले की कोर्ट ऑर्डरचा फोटो पाठविला असून, आदेशाचे पालन करावे लागेल त्यानंतर सेबीचे पत्र पाठवले सूचनेनुसार लोको पायलेटने शेअर म्युच्युअल फंड फिक्स डिपॉझिट विकले आणि समोरील व्यक्तीला कळविले त्यांनी खाते क्रमांक दिला त्यावर लोको पायलटने चार वेळा एकूण 22 लाख रुपये पाठवले.

जनजागृतीचा व्हिडिओ पाहिला अन् डोळे उघडले

एवढी मोठी रक्कम पाठविल्यानंतर लोको पायलेटला एका ग्रुप वर सायबर क्राईम जनजागृती विषयीचा व्हिडिओ दिसला त्यांच्यासोबत जो प्रकार झाला तसा प्रकार त्या व्हिडिओमध्ये दिसत होता हे पाहून आपली फसवणूक झाल्याचे लोको पायलटच्या लक्षात आले. लोको पायलेटने सायबर पोलीस ठाण्यात फिर्याद दिली. त्यावरून अज्ञात विरुद्ध माहिती तंत्रज्ञान कायदा गुन्हा दाखल करण्यात आला आहे पुढील तपास पोलीस निरीक्षक उद्धव डमाळे करीत आहेत.