ठाकरेंना मविआत व्हायचंय मोठा भाऊ? शेख हसीना म्हणतात आता कुठे जाऊ, सकाळच्या दहा हेडलाईन्स

१. उद्धव ठाकरे दिल्ली दौऱ्यात काँग्रेसच्या वरिष्ठ नेत्यांच्या गाठीभेटी घेणार, महाविकास आघाडीनं आपल्याला मुख्यमंत्रिपदाचा चेहरा म्हणून घोषित करावं, ठाकरेंकडून मित्रपक्षांकडे मागणी केली जाण्याची शक्यता

२. शिवसेना आमदारांच्या अपात्रतेशी संबंधित खटल्याची लवकर सुनावणी व्हावी, वारंवार विनंती करणाऱ्या ठाकरे गटाच्या वकिलावर सरन्यायाधीश धनंजय चंद्रचूड भडकले, एक दिवस इथे माझ्या जागेवर बसा, तुम्ही तुमचा जीव मुठीत घेऊन पळून जाल, सरन्यायाधीशांनी वकिलाला सुनावले, इथे क्लिक करुन वाचा सविस्तर

३. लोकलच्या नव्या वेळापत्रकासाठी प्रवाशांना आणखी वाट पाहावी लागणार, दादर-परळ स्थानकातून नव्या लोकल फेऱ्या सुरू करण्याचा प्रस्ताव रखडला, कारण अस्पष्ट, गर्दी विभागण्याच्या प्रयोगाला ‘खो’ मिळाल्याचा प्रवाशांना फटका

४. दादर स्थानकातील तुतारी एक्स्प्रेसमध्ये डेड बॉडी सापडल्याचे प्रकरण, मित्राची हत्या करून त्याच्या मृतदेहाची विल्हेवाट लावण्याचा प्रयत्न, दोन मूकबधिर आरोपींनी हत्या करतानाच्या घटनेचे मोबाइलमध्ये चित्रीकरण केल्याचे समोर, हत्या करताना काहींना व्हिडीओ कॉल केल्याचीही माहिती

५. पाच मजली इमारतीतून कुत्रा पडल्यामुळे चिमुरडीचा मृत्यू, तीन वर्षीय जखमी मुलीने उपचारादरम्यान प्राण सोडले, ठाणे जिल्ह्यातील मुंब्रा शहरातील धक्कादायक घटना, परिसरातील सीसीटीव्ही कॅमेरात प्रकार कैद

६. नीरज चोप्राची पॅरिस ऑलिम्पिक २०२४ मधील भालाफेक स्पर्धेच्या पात्रता फेरीत पहिल्याच प्रयत्नात धडक, ऋषभ पंतकडूनही सोशल मीडियावरुन अनोखा पाठिंबा, नीरज सुवर्णपदक जिंकल्यास भाग्यशाली विजेत्याला थेट लाखभर रुपयांचं इनाम देण्याची घोषणा

७. ज्या आंदोनलात ‘मोदी तेरी कबर खुदेगी’च्या घोषणा, त्यात सहभागी असूनही विनेश फोगाटला ऑलिम्पिकमध्ये देशाचं प्रतिनिधित्व करण्याची संधी, हेच आपल्या लोकशाही आणि महान नेत्याचं सौंदर्य, कंगना रनौतकडून मोदींचं समर्थन

८. देशभरात घर खरेदी करणाऱ्यांना मोठा दिलासा, रिअल इस्टेटसाठी लाँग टर्म कॅपिटल गेन नियमात सुधारणा, करदात्यांना २३ जुलै रोजी अधिग्रहित केलेल्या मालमत्तेवर १२.५% (असूचीबद्ध मालमत्तेवर) कमी किंवा २०% जास्त दर यापैकी एक निवडण्याचा पर्याय

९. करोना काळात सरकारी कर्मचाऱ्यांची १८ टक्के महागाई भत्त्याची (डीए/डीआर) रोखण्यात आलेली थकबाकी परत करणे तूर्तास शक्य नाही, केंद्र सरकारचे स्पष्टीकरण, अर्थ राज्यमंत्री पंकज चौधरी यांची राज्यसभेत माहिती

१०. भारतात आलेल्या बांगलादेशच्या माजी पंतप्रधान शेख हसीना सध्या अज्ञातस्थळी वास्तव्यास, पुढील काही दिवस मुक्कामाची शक्यता, ब्रिटन सरकारचा अभय देण्यास नकार, तर अमेरिकेनेही व्हिसा रद्द केला, हसीनांच्या अडचणी वाढल्या, इथे क्लिक करुन वाचा सविस्तर