Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Mangal Gochar 2024 In Marathi : जन्माष्टमीला मंगळाचे संक्रमण ! मेषसह या ५ राशी होणार मालामाल, नव्या प्रोजेक्टसह करिअरमध्ये यश !
Mangal Sankrman: मंगळ मिथुन राशीत 26 ऑगस्ट रोजी संक्रमण करणार आहे. जन्माष्टमीच्या दिवशी हे राशी परिवर्तन होणार आहे. मंगळ ग्रह वृषभ राशीतून बाहेर पडून मिथुन राशीत प्रवेश करेल. मंगळाचा राशी बदल मेष राशीसह 5 राशीच्या लोकांसाठी धनसंपत्ती आणि सुखसमृद्धी घेऊन येणारा असेल. या राशीच्या लोकांचा व्यवसायात फायदा, उत्पन्नात वाढ तसेत करिअरमध्ये चांगल्या संधी मिळतील पुढील ४५ दिवस म्हणजे २० ऑक्टोबरपर्यंतचा काळ या राशींसाठी उत्तम असेल. जाणून घेऊया मिथुन राशीतील मंगळाच्या संक्रमणामुळे कोणत्या राशींचे नशिब फळफळणार आहे.
मंगळ संक्रमणामुळे मेष राशीला धनलाभाचा योग
मेष राशीच्या तृतीय स्थानात मंगळाचे संक्रमण होणार आहे. तुमच ध्येय आणि हिंमत वाढलेली आहे याची जाणीव तुम्हाला होईल. तुमच्या कुटुंबासोबत चांगला वेळ घालवणार आहात. तुमच्या भावंडांकडून तुम्हाला लाभ होईल. या काळात तुम्ही अनेक गोष्टी एकाच वेळी करू शकाल. त्याचा फायदाही तुम्हाला मिळेल. तुम्ही तुमचा छंद तसेच आवड पूर्ण करण्यावर अधिक भर द्याल. तुम्ही तुमच्या विकासासाठी वेळ काढाल. तुमचा विकास कसा होईल याकडे तुम्ही कटाक्षाने लक्ष द्याल आणि त्याप्रमाणे काम कराल.
मंगळ संक्रमणामुळे वृषभ राशीला नवे प्रोजेक्ट मिळणार
वृषभ राशीच्या द्वितीय स्थानी मंगळाचे संक्रमण होत आहे. मंगळ वृषभ राशीत द्वितीय स्थानावर आल्यामुळे उत्पन्न वाढणार आहे. या काळात तुम्ही तुमच्या कुटुंबासोबत बराच वेळ घालवाल. उत्पन्नाचे स्रोत वाढवण्यासाठी काही नवीन कामे देखील सुरू करू शकता. या काळात तुम्हाला चांगला आर्थिक लाभ मिळेल. कामावर फोकस राहणार आहे. नवे प्रोजेक्ट मिळाल्यामुळे तुम्ही आनंदी असाल.
मंगळ संक्रमणामुळे कर्क राशीची उत्तम प्रगती
कर्क राशीच्या १२ व्या भावात मंगळाचे संक्रमण होणार आहे. या काळात तुम्हाला चांगली बातमी ऐकायला मिळू शकते. परदेशातून काम मिळेल त्यामुळे तुम्हाला चांगाल फायदा होणार आहे. कर्क राशीचे जे जातक नोकरी करत आहेत त्यांच्यासाठी हा काळ खूप उत्तम आहे. नोकरीत नवी संधी किंवा जिथे आहेत तिथे प्रमोशन मिळणार आहे. करिअरमध्ये नवे यश मिळणार आहे. तुमची प्रगती वाढत जाणार असून तुम्हाला प्रत्येक कामात यश मिळणार आहे. दरम्यान या काळात खर्चावर थोडे नियंत्रण ठेवावे लागेल.
मंगळ संक्रमणामुळे सिंह राशीला करिअरमध्ये यश
सिंह राशीच्या 11व्या स्थानात मंगळाचे संक्रमण होणार आहे. यामुळे सिंह राशीच्या लोकांचे उत्पन्न वाढणार असून व्यवसायात नवे प्रोजेक्ट मिळणार आहेत. एकापेक्षा जास्त मार्गाने पैशांची आवक होणार आहे. या काळात तुम्ही जी काही गुंतवणूक कराल ती तुम्हाला भविष्यात मोठा नफा मिळवून देणार आहे. तुमच्या मेहनतीच्या जोरावर तुम्ही खूप काही साध्य करण्यात यशस्वी व्हाल. तुम्हाला तुमच्या करिअरमध्ये अनेक चांगल्या संधी मिळणार आहेत. करिअरमध्ये नवीन यश आणि प्रगतीचा मार्ग खुला होईल. या काळात तुम्हाला नशिबाची पूर्ण साथ मिळेल.
मंगळ संक्रमणामुळे कुंभ राशीला शैक्षणिक यश
कुंभ राशीमध्ये पाचव्या स्थानी मंगळाचे संक्रमण होणार आहे. या काळात तुम्हाला शैक्षणिक यश मिळेल. तुम्ही परदेशात शिक्षणासाठी प्रयत्न करत असाल तर त्यात तुम्ही यशस्वी होणार आहात. प्रेमविवाह करण्याचा विचारात असाल आणि घरातून परवानगी हवी असेल तर हा काळ उत्तम आहे. तुम्हाला घरातून नक्की होकार मिळणार. घरातील सदस्यांसोबत चांगला वेळ व्यतीत करणार आहात. सुखसमधान शांतता मिळेल. जे लोक व्यवसाय करत आहेत त्यांना नवीन प्रोजेक्ट मिळेल तसेच एखादी डील रखडली असेल तर ती पूर्ण कराल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा