Tej Police Times
Shravani Shanivar : श्रावणातल्या दुसऱ्या शनिवारी शनि प्रदोषचा शुभ संयोग! राशीनुसार करा उपाय, शनिदेवाची राहिल कृपा
Zodiac Sign On Shani Pradosh Vrat : प्रदोष व्रत हा भगवान शिवाच्या उपासनेसाठी महत्त्वाचा मानला जातो. हा दिवस सर्वात शुभ दिवस असतो असे ज्योतिषशास्त्रात सांगितले गेले आहे. अशातच शनि प्रदोष व्रत हा श्रावण महिन्यातील दुसऱ्या शनिवारी असणार आहे. या वेळी शुभ तिथी ही १७ ऑगस्टला असेल. जाणून घेऊया शनि प्रदोषाच्या दिवशी राशीनुसार कोणते उपाय करायला हवे.
प्रदोष व्रत हा भगवान शिवाच्या उपासनेसाठी महत्त्वाचा मानला जातो. हा दिवस सर्वात शुभ दिवस असतो असे ज्योतिषशास्त्रात सांगितले गेले आहे. अशातच शनि प्रदोष व्रत हा श्रावण महिन्यातील दुसऱ्या शनिवारी असणार आहे. या वेळी शुभ तिथी ही १७ ऑगस्टला असेल.
शनिवारी येणाऱ्या प्रदोष तिथीचे व्रत शनि प्रदोष किंवा शनि त्रयोदशी म्हणून ओळखले जाते. या दिवशी भगवान शिव आणि शनिदेवाची पूजा करण्याची पंरपरा आहे. भगवान शिव हे शनिदेवाचे गुरु मानले आहेत. त्यामुळे या दिवशी भगवान शंकराची उपासना केल्याने शनिदेवाची देखील कृपा आपल्यावर राहाते.
यंदा शनि प्रदोष व्रतामध्ये प्रीति योग, आयुष्मान योग, लक्ष्मी नारायण योगांचा शुभ संयोग जुळून आला आहे. त्यामुळे या दिवसाचे महत्त्व अधिकच वाढले आहे. धार्मिक मान्यतेनुसार शनि प्रदोष व्रताच्या दिवशी राशीनुसार काही उपाय केल्याने जीवनातील सर्व संकटे दूर होतात. तसेच शनिची साडेसाती आणि ढैय्येचा प्रभाव कमी होतो. जाणून घेऊया शनि प्रदोषाच्या दिवशी राशीनुसार कोणते उपाय करायला हवे.
शनि प्रदोष मेष राशीसाठी उपाय
मेष राशीचा स्वामी मंगळ ग्रह आहे. त्यामुळे मेष राशीच्या लोकांनी शनि प्रदोष व्रताच्या दिवशी शिवलिंगाची पूजा केल्यानंतर महामृत्युंजच्या मंत्राचा जप करावा. काळे तीळ, उडदाची डाळ, काळे कपडे किंवा काळे बूट दान करावे. तसेच शिवलिंगासमोर दशरथाने लिहिलेल्या शनिस्तोत्राचे पठण करावे.
शनि प्रदोष वृषभ राशीसाठी उपाय
वृषभ राशीचा स्वामी शुक्र असून या दिवशी या राशीच्या लोकांनी शिवलिंगावर पांढरे तीळ आणि गंगाजलाचा अभिषेक करावा. त्यानंतर शनिदेवाला काळे तीळ अर्पण करावे. तसेच माशांना खाऊ घातल्याने अनेक संकटे दूर होतात.
शनि प्रदोष मिथुन राशीसाठी उपाय
मिथुन राशीचा स्वामी बुध आहे. या दिवशी मिथुन राशीच्या लोकांनी भगवान शिव आणि देवी पार्वतीची पूजा केल्यानंतर शनिदेवाची उपासना करावी. तसेच प्रदोष काळात वाहत्या पाण्यात तांदूळ किंवा बदाम सोडावेत.
शनि प्रदोष कर्क राशीसाठी उपाय
कर्क राशीचा स्वामी चंद्र आहे. त्यामुळे शनि प्रदोषच्या काळात एक वाटी तिळाच्या तेलात नाणे टाकून त्यात तुमचा चेहरा पाहावा. ते तेल शनि मंदिरात दान करावे. तसेच दान-धर्म करावे. त्यामुळे शनिच्या ढैय्याचा प्रभाव कमी होतो. या प्रदोष व्रतामुळे मनुष्य जीवनाला फायदा होतो.
शनि प्रदोष सिंह राशीसाठी उपाय
सिंह राशीचा स्वामी सूर्य देव असून या दिवशी भगवान शिव आणि शनिदेवाची पूजा करायला हवी. तसेच शनिचा अशुभ प्रभाव कमी करण्यासाठी तिळाच्या तेलात गोड भाकरी बनवून काळ्या कुत्र्याला खाऊ घालावी.
शनि प्रदोष कन्या राशीसाठी उपाय
कन्या राशीचा स्वामी बुध असून या दिवशी त्यांनी भगवान शिवा पूजा करायला हवी. तसेच शिव चालीसा आणि शिव पंचाक्षर मंत्राचा जप करावा. शनिदेवाची पूजा करुन शनि चालीसाचे पठण करावे. शनि प्रदोष व्रताच्या दिवशी शनि चालिसाचे पठण करणे उत्तम मानले जाते.
शनि प्रदोष तुळ राशीसाठी उपाय
तुळ राशीचा स्वामी शुक्र असून या दिवशी लोकांनी शिवलिंगावर १०८ बेलपत्र आणि पिंपळाची पाने अर्पण करावीत. तसेच बेलपत्राखाली दूध पाण्यात मिसळून स्नान करणे उत्तम मानले जाते.
शनि प्रदोष वृश्चिक राशीसाठी उपाय
वृश्चिक राशीचा स्वामी मंगळ आहे. त्यामुळे या राशीच्या लोकांनी भगवान शंकरासह देवी पार्वतीची पूजा करायला हवी. तसेच शनिदेवाची उपासना करायला हवे. तसेच अंध, अपंग, सेवक, सफाई कामगार यांच्याशी चांगले वागावे आणि त्यांना अन्नदानही करावे. यामुळे शनीच्या ढैय्याचा प्रभाव कमी होतो.
शनि प्रदोष धनु राशीसाठी उपाय
धनु राशीचा स्वामी गुरु आहे. त्यामुळे शनि प्रदोष काळात या लोकांनी पिंपळाच्या झाडाच्या मुळाला पाणी आणि दुध अर्पण करावे. तसेच मिठाई अर्पण करावी. यानंतर पितरांचे ध्यान करुन ११ वेळा पिंपळाच्या झाडाभोवती प्रदक्षिणा घालाव्यात. तसेच पिंपळाच्या झाडाखाली बसून शनि चालीसाचे पठण करावे.
शनि प्रदोष मकर राशीसाठी उपाय
शनिदेव हा मकर राशीचा स्वामी आहे. त्यामुळे या राशीच्या लोकांनी पिपंळाच्या झाडाची पूजा करुन ११ वेळा प्रदक्षिणा करावी. काळी वात घेऊन दिवा बनवून त्यात उडीद डाळ आणि काळे तीळ टाकून पिंपळाच्या झाडाखाली हा दिवा लावावा. तसेच ‘ओम शनि शनिश्चराय नमः’ चा १०८ वेळा जप करा. त्यामुळे साडेसातीच्या प्रभावापासून काही प्रमाणात मुक्ती मिळेल.
शनि प्रदोष कुंभ राशीसाठी उपाय
कुंभ राशीचा स्वामी शनि आहे. त्यामुळे शनि प्रदोष काळात या राशीच्या लोकांनी भगवान शिव आणि शनिदेवाची पूजा करावी. शिवलिंगासमोर बसून ११ वेळा शनि स्तोत्राचे पठण करावे. त्यामुळे शनि साडेसातीचा अशुभ प्रभाव कमी होईल.
शनि प्रदोष मीन राशीसाठी उपाय
मीन राशीचा स्वामी गुरु आहे. तसेच राहू देखील या काळात तुमच्या राशीत आहे. त्यामुळे या राशीच्या लोकांनी काळ्या आणि पांढऱ्या रंगाच्या कुत्र्याला तीळाचे तेल लावलेली चपाती खाऊ घालावी. तसेच गरीबांना अन्न दान करावे. महामृत्युंजय मंत्राचा जप करावा.
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा