आजचे अंकभविष्य, 20 ऑगस्ट 2024: मूलांक 3 खर्च जास्त, तब्येत बिघडण्याची शक्यता ! मूलांक 9 अती राग आरोग्यासाठी घातक ! तुमचा मूलांक काय सांगतो? जाणून घ्या

मूलांक 1 असलेल्या लोकांचा आजचा दिवस फार अनुकूल नाही. विचारपूर्वक पद्धतीने केलेली कामे पूर्ण होण्यात अडचणी येतील. वडिलांच्या आरोग्याची काळजी घ्या. खर्च वाढण्याची शक्यता आहे. मूलांक 1 च जे जातक राजकारणात आहेत त्यांच्यासाठी काळ अत्यंत सुखाचा असून मान-प्रतिष्ठा वाढणार आहे. आज काही नवीन लोकांसोबत ओळखी होणार आहेत त्याचा तुम्हाला भविष्यात खूप फायदा होईल.

मूमलांक 2 साठी आजचा दिवस तणावाने भरलेला आहे. गुंतवणूक करण्याचा विचार करत असाल तर थांबा, वेळ चांगली नाही. तुम्हाल ब्लडप्रेशरचा त्रास असेल तर तब्येतीची काळजी घ्या आणि त्वरित तज्ज्ञांचा सल्ला घ्या. मन आज अशांत राहणार आहे, नकारात्मक विचार डोके भंडावून सोडणार आहेत. पालकांचा सल्ला घ्या, त्यांच्याशी जवळीक साधण्याचा प्रयत्न करा. आज आईसाठी भेटवस्तू खरेदी करा त्याचा पुढे तुम्हालाच फायदा होईल. व्यापारासंबंधी नवीन प्रस्ताव विचारात घेऊ शकता.​

मूलांक तीन असलेल्या लोकांचा आजचा दिवस खर्चाचा आहे. आज नेहमीपेक्षा जास्त खर्च होणार आहे. आरोग्याची खूप काळजी घ्या, विशेषतः श्वासासंबंधी समस्या उद्भवू शकतात. घरातील ज्येष्ठ व्यक्तींचे म्हणणे ऐका तुम्हाला फायदाच होईल. तुमचे गुरु असतील तर त्यांच्या नावाचा जप किंवा पठण करा. समजा गुरू नसतील तर कुलदैवतेचं स्मरण करून जप करा. यामुळे आजच्या दिवशी तुमच्या आयुष्यात येणाऱ्या संकटांचा प्रभाव कमी होईल.

मूलांक 4 असलेल्यांसाठी आजचा दिवस उत्तम आहे. तुमच्या प्रत्येक कामात तुम्हाला नशिबाची चांगलीच साथ मिळेल. बऱ्याच काळापासून अडकलेली कामे पूर्ण होतील. थोडं बोलण्यावर नियंत्रण ठेवा आणि वादविवादापासून दूर राहा. आज इलेक्ट्रॉनिक वस्तूंची खरेदी करण्याचा विचार करत असाल तर तो विचार पुढे ढकला. तुम्हाला काही रिसर्च करायचा असेल तर वेळ चांगली आहे, तुमचे काम होणार. सासरच्या मंडळींसोबत तुमचे नाते अधिक दृढ होणार.

मूलांक 5 असणाऱ्या लोकांसाठी आजचा दिवस चांगला आहे. बुद्धी चातुर्याने आज सगळी कामे पूर्ण कराल. तुम्ही व्यापार करता असाल तर तुम्हाला एक नवीन आणि चांगला मार्ग सापडण्याची शक्यता आहे. तुमची लिहिलेली कागदपत्रे खूप महत्त्वाची आहेत, त्यांची काळजी घ्या. वडिलांसोबत प्रेमाने वागा, त्यांचा सल्ला घ्या भविष्यात खूप फायदा होईल.

मूलांक 6 साठी आजचा दिवस ठिक आहे. तुमच्या वैयक्तिक जीवनाकडे विशेष लक्ष देणे आवश्यक आहे. कोणत्याही प्रेम प्रकरणापासून दूर राहा, अन्यथा मानसिक तणाव वाढेल. एखाद्या महिलेसोबत अनैतिक संबध ठेवणे तुमच्यासाठी हानिकारक ठरू शकते आणि घरातील सुख शांती बिघडू शकते. व्यापारात कामे मार्गी लागतील पण त्यासाठी मेहनत करणे गरजेचे आहे. कामात फोकस असू दे तरच हवा तसा रिझल्ट मिळेल.

मूलांक 7 साठी आजचा दिवस समस्या वाढविणारा आहे. मुलांमुळे तुमच्या काही समस्या वाढणार आहात. त्यामुळे ताण तणाव जास्त जाणवेल. धार्मिक विचारांमुळे तुमचे मन शांत राहील. वेळ मिळाल तर सासरच्या मंडळींना भेट या भेटीतून काही चांगले निष्पन्न होणार आहे. नवीन लॅपटॉप किंवा मोबाईल खरेदी करू नका.

मूलांक 8 साठी दिवस त्रासदायक आहे. तुम्हाला असे वाटेल की आज तुमची कामे पूर्ण होतील पण आज कामे बिघडण्याची जास्त शक्यता आहे. वाहन चालवताना सावधगिरी बाळगणे आवश्यक आहे. अनावश्यक वादविवादात सापडू शकता. तेव्हा रागावर आणि बोलण्यावर नियंत्रण ठेवा. लोखंडी वस्तू खरेदी करणे टाळावे, अन्यथा आर्थिक नुकसान होण्याची शक्यता आहे.

मूलांक 9 च्या लोकांसाठी आजचा दिवस फारसा ठिक नाही. तुमचा राग दिवसेंदिवस खूप वाढतो आहे. अती रागाचा तब्येतीवर परिणाम होतो तेव्हा शांत राहण्याचा प्रयत्न करा. ऑफिसमध्ये वीजेचे उपकरण हाताळताना सावध राहा. शॉर्ट सर्किट होण्याची भीती आहे. गाडी खरेदी करण्याचा विचार पुढे ढकला. निळा रंगाचा उपयोग आज करु नका उदाहरणार्थ आज निळ्या रंगाचा पेहराव परिधान करु नका.