बॉक्स ऑफिसवर भूतांचं राज्य! बिग बजेट सिनेमांना जे जमलं नाही ते ‘स्त्री २’ ने सहा दिवसांत केलं

मुंबई– बॉक्स ऑफिस गेले काही दिवस ज्या यशाची वाट पाहत होते तो काळ अखेर सुरु झाला आहे. स्त्री २ ने ही जादू करुन दाखवली आहे. अवघे ५० कोटी रुपये खर्च करुन बनलेला चित्रपट बॉक्स ऑफिसवर इतका धमाका करेल, याचा अंदाज निर्मात्यांनाही आला नसेल. चित्रपटाच्या ट्रेलरनेच लोकांच्या मनावर राज्य केले होते, ज्याचा परिणाम पहिल्या दिवसापासूनच दिसू लागला. ‘स्त्री २’ पहिल्या आठवड्यातच ब्लॉकबस्टर चित्रपट ठरला आहे. श्रद्धा कपूर आणि राजकुमार राव यांचा ‘स्त्री २’ ने मंगळवारी बॉक्स ऑफिसवर किती कमाई केली ते जाणून घेऊया.

Premachi Goshta 21 August: स्वातीला दादा वहिनीकडून लाखमोलाची रक्षाबंधन भेट, नारळीपौर्णिमेसाठी मुक्ताचा खास कोळी लुक, सागर फुल टू फिदा
अमर कौशिक दिग्दर्शित ‘स्त्री २’ या चित्रपटाने पहिल्याच दिवशी अनेक विक्रम मोडले. यापुढेही हा सिनेमा अशीच कमाल दाखवेल अशी आशा आहे. या चित्रपटाने यावर्षी प्रदर्शित झालेल्या ‘कल्की 2898 एडी’चे रेकॉर्ड तोडले असून आता सहाव्या दिवशीही या चित्रपटाने शानदार कामगिरी केली आहे.

काय आहे ‘स्त्री २’ची स्टोरी?

या चित्रपटाची कथा २०१८ मध्ये रिलीज झालेल्या ‘स्त्री’चा सिक्वेल आहे. मात्र, गेल्या वेळी चंदेरी गावात चेटकिनीची म्हणजेच ‘स्त्री’ची दहशत होती, यावेळी तो सरकटा बनून गावात फिरत आहे. या मुंडकं नसलेल्या भूताचा बंदोबस्त करण्यासाठी सर्वजण प्रयत्न करत आहे. राजकुमार रावच्या भाषेत, हा मुंडक नसलेलं भूत आमिर खानला अमिताभ बच्चनच्या वर उभं केलं तर तो त्याच्याहून उंच असेल. यावर नियंत्रण ठेवण्यासाठी चंदेरी गावातील राजकुमार राव, अभिषेक बॅनर्जी, अपारशक्ती खुराना आणि पंकज त्रिपाठी वेगवेगळ्या युक्त्या वापरत असतात.

Samrat Mukherjee: राणी मुखर्जी अन् काजोलच्या भावाला अटक, कारवरील नियंत्रण सुटून दुचाकीस्वाराला मारली धडक
पहिल्या दिवशी ‘स्त्री २’ चा धमाका

या चित्रपटाने पहिल्याच दिवशी तब्बल ५१.८ % कमाई करून खळबळ माजवली. चित्रपटाने पहिल्याच दिवशी आपले बजेट वसूल केले आहे. त्यानंतर रविवारी या चित्रपटाने सर्वाधिक कमाई करुन ५५.९ कोटी रुपये कमावले. या वर्षातील बहुतेक चित्रपट पहिल्या सोमवारी फ्लॉप झाले असले तरी स्त्रीने तब्बल ३८.१ कोटी रुपयांचे कलेक्शन केले. शिवाय या चित्रपटाला रक्षाबंधनाच्या सुट्टीचाही चांगला फायदा झाला.

जे ‘फायटर’ने ३६ दिवसात केले ते ‘स्त्री २’ने ६ दिवसात केले

Sacnilk च्या रिपोर्टनुसार, चित्रपटाने सहाव्या दिवशी म्हणजे पहिल्या मंगळवारी सुमारे २५ कोटी रुपयांची कमाई केली आहे. एकूणच या चित्रपटाने भारतात बॉक्स ऑफिसवर २५४.५५ कोटी रुपयांची कमाई केली आहे. जगभरातील कलेक्शनबद्दल बोलायचे झाले तर या चित्रपटाने ३५० कोटींचा आकडा पार केला आहे. या वर्षी प्रदर्शित झालेल्या ‘फाइटर’ या मोठ्या बॉलिवूड चित्रपटाने बॉक्स ऑफिसवर ३६ दिवसांत २५५ कोटींची कमाई केली होती. पण ‘स्त्री २’ने ६ दिवसांत ती कमाई केली आहे. ‘फायटर’ हा जवळपास २५० कोटींच्या बजेटमध्ये बनलेला चित्रपट असल्याचं बोललं जात होतं. त्यामुळे ‘स्त्री 2’ ने या शर्यतीत ‘फायटर’ला पटकन मागे टाकले आहे.