बाबो! श्रद्धा कपूरच्या ‘स्त्री २ ‘ ने केला अक्षय कुमारचा खेळ खल्लास , १३ व्या दिवशी केली बक्कळ कमाई

मुंबई: बॉक्स ऑफिसवर सध्या स्त्री २ सिनेमाचं राज्य असल्याचं पाहायला मिळतंय. १३ व्या दिवशी सिनेमानं चांगली कमाई केली. श्रद्धा कपूर आणि राजकुमार राव यांच्या या चित्रपटानं आतापर्यंत ४१४.५५ कोटींचा गल्ला जमवला आहे. आता सिनेमा ५०० कोटींचा टप्पा पार करणार आहे. स्त्री २ च्या यशानं बॉलिवूड निर्मात्यांमध्ये पुन्हा एकदा आशेचं वातावरण पाहायला मिळत आहे.

गेल्या वर्षी म्हणजे २०२३ मध्ये बॉलिवूड सिनेमांनी बॉक्स ऑफिसवर जोरदार कमाई केली होती. पण २०२४ मध्ये हे दिसून आलं नाही. काही मोजके एक दोन सिनेमांनी बॉक्स ऑफिसवर बऱ्यापैकी कमाई केली होती. पण स्त्री २ ने मात्र बजेटच्या तुलनेत जास्त कमाई केली आहे.

१५ ऑगस्ट रोजी प्रदर्शित झालेल्या या सिनेमानं पहिल्याच दिवशी ७० कोटींची दमदार कमाई केली होती. तर दुसऱ्या दिवशी सिनेमानं १०० कोटींचा आकडा पार केला होता. तर अवघ्या दोन तीन दिवसांत चित्रपटानं बजेट वसुल केलं होतं. चार दिवसांत सिनेमानं २०० कोटींच्या वर गल्ला जमवला होता. पहिल्या आठवड्याची कमाई ही ३०० कोटींच्या जवळपास होती.

Shraddha Kapoor: स्त्री-२ सुसाट, श्रद्धा कपूरनं खरेदी केलं हृतिकचं घर; ‘या’ सुपरस्टारची शेजारी होणार
१३ व्या दिवशी स्त्री २ ची किती कमाई?
रिलीज झाल्यानंतर १३ व्या दिवशीही सिनेमा पाहायला प्रेक्षक गर्दी करताना दिसत आहेत.कॉमेडी हॉरर सिनेमाचं प्रेक्षक कौतुक करताना दिसत आहेत. १३ व्या दिवशी मंगळवारी सिनेमानं ११ कोटी ५० लाखांची कमाई केली.
Premachi Goshta 28 August: आदित्यचे हट्ट झाले सागरच्या डोक्याला ताप, मैत्रिणींनी कान भरताच सावनीने लेकासमोर ढाळले मगरीचे अश्रू


बॉक्स ऑफिसवर सिनेमांची गर्दी
तर बॉक्स ऑफिसवर फक्त स्त्री २ सिनेमा आहे असं नाहीये. मल्टिस्टारर सिनेमेही प्रदर्शित झाले आहेत. पण त्यांचा टीकाव लागला नाहीये. अक्षय कुमारचा खेल खेल में तर जॉन अब्राहमचा वेदा हे दोन मोठे चित्रपच बॉक्स ऑफिसवर प्रदर्शित झालेत.

स्त्री २ हा २०१८मध्ये आलेल्या स्त्री चित्रपटाचा सीक्वल आहे. या सिनेमात श्रद्धा कपूर, राजकुमार राव, अपारशक्ति खुराना, पंकज त्रिपाठी आणि अभिषेक बनर्जी यांच्या मुख्य भूमिका आहेत.