Ganesh Chaturthi 2024 : पहिल्यांदाच बाप्पाची मूर्ती घरी आणताय? या चुका करु नका, वास्तुशास्त्रानुसार हे नियम लक्षात ठेवा

वास्तुशास्त्रानुसार घरामध्ये गणपतीची मूर्ती किंवा फोटो ठेवताना आपल्या काही गोष्टी लक्षात ठेवणे गरजेचे आहे. मूर्ती चुकीच्या ठिकाणी स्थापन केल्याने आपल्याला अनेक संकटांना सामोरे जावे लागू शकते. श्रीगणेशाची मूर्ती ही वास्तुनुसार ईशान्य कोन, पूर्व ईशान्य किंवा उत्तर दिशेला असायला हवी. गणपतीची मूर्ती घराच्या दक्षिण दिशेला लावू नये. तसेच शौचालय, डस्टबिन, स्टोअर रूम, पायऱ्यांखाली अशा ठिकाणी गणपतीची मूर्ती बसवू नका.

वास्तुशास्त्रानुसार गणपतीची मूर्ती घरात आणताना ललितासनात बसलेल्या स्वरुपात असायला हवी. अशी मूर्ती शांततचे प्रतिक दर्शविते. यामुळे घरात सुख-समृद्धी कायम टिकून राहाते.

वास्तुशास्त्रानुसार गणपतीची मूर्ती घरी आणताना त्याची सोंड कोणत्या दिशेला आहे हे लक्षात ठेवायला हवे. वास्तुशास्त्रानुसार गणपतीची सोंड ही नेहमी डाव्या बाजूला झुकलेली असायला हवी. अशी मूर्ती नेहमी यश आणि सकारात्मक ऊर्जा प्रदान करते.

वास्तुशास्त्रानुसार गणपतीच्या डाव्या हातात मोदक असायला हवा. तर त्याच्या चरणाजवळ मूषक वाहन असायला हवे. उजव्या हाताची तिन बोटे उघडी आणि पहिला बोट अंगठ्याला स्पर्श करणारा असावा.

शास्त्रानुसार गणपतीच्या मूर्तीचा रंग हा पांढरा किंवा शेंदूर असायला हवा. पांढरा रंग नेहमी जीवनात सुख, शांती आणि समृद्धी प्रदान करतो. तर शेंदूर रंग हा आत्मविकासाची इच्छा पूर्ण करतो.