आजचे अंकभविष्य, 2 सप्टेंबर 2024: समस्यांचा डोंगर, कामात अनंत अडथळे ! ऑफिसमध्ये विरोधकांचा त्रास, सावध राहा ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्या लोकांचा दिवस फारसा ठिक नाही, अडचणी आणि समस्यांचा सामना करावा लागेल. तुमची आर्थिक स्थिती नीट नसल्यामुळे तुम्हाला ताणतणाव वाढेल. येणारा पैसा अचानक थांबल्यामुळे तुम्हाला आज खूप त्रास होऊ शकतो. जर तुम्हाला हृदयाचा त्रास असेल, तर आज विशेष काळजी घेण्याची गरज आहे. तुमची तब्येत आज काहीशी बिघडू शकते. कौटुंबिक जीवनाच्या दृष्टीने, आजचा दिवस सामान्य आहे. आज वडिलांची तब्येत देखील अचानक बिघडू शकते, त्यामुळे असे काही झाल्यास ताबडतोब डॉक्टरांचा सल्ला घ्या. जोडीदाराकडून उत्तम साथ मिळेल.

मूलांक 2 असलेल्या लोकांचा दिवस सामान्य आहे. आज काही कारणामुळे तुमची चिडचिड होणार आहे. धनवृद्धीच्या दृष्टीने आजचा दिवस चांगला नाही. तुम्ही देण्याघेण्याच्या व्यवहाराबद्दल आज विचार केला असेल किंवा तसा व्यवहार केला असेल तर आज फसवणूक होण्याची शक्यता आहे. तुम्हाला मानसिकदृष्ट्या खूप ताण येणार आहे. ऑफिस किंवा घरी वाद होण्याची शक्यता आहे. जोडीदारासोबत आजचा दिवस सामान्य आहे. जोडीदाराला आवडणारी वस्तू खरेदी करून द्या तुम्हाला प्रत्येक कामात त्यांची मदत मिळेल.

मूलांक 3 असलेल्या लोकांचा दिवस उत्तम आहे. आज तुम्ही एकाग्रपणे आणि बुद्धीचातुर्याने केलली सर्व कामे पूर्ण होणार आहेत. धनसंपत्तीच्या बाबतीत दिवस अनुकूल आहे. आज तुम्हाला अचानक धनप्राप्ती होऊ शकते किंवा तुमची हरवेलली मौल्यवान वस्तु तुम्हाला अचानक सापडू शकते, त्यामुळे तुम्हाला अपार आनंद होईल. ऑफिसमध्ये पद आणि प्रतिष्ठा दोन्ही वाढणार आहेत. कुटुंबासोबत आजचा दिवस खूप चांगलाप्रकारे व्यतीत करणार आहात. कुटुंबासोबत परदेशात जाण्याच्या कार्यक्रमाचे नियोजन करू शकता. जोडीदारासोबत दिवस उत्तम जाणार आहे.

मूलांक 4 असलेल्या लोकांसाठी आजचा दिवस फारसा ठिक नाही. तुमचा मानसिक ताणतणाव वाढणार आहे. संध्याकाळी तुमच्या रागाचा पारा अनावर होईल, तुम्ही काहीह बोलू शकता तेव्हा वाणीवर आणि रागावर नियंत्रण ठेवा. धन-संपत्तीची गुंतवणूक करण्यासाठी आजचा दिवस अनुकूल नाही. आर्थिक स्थिती बेताची आहे. तुमच्या रागामुळे आज कुटुंबात कोणाचे तरी मन दुखावले जाणार आहे. जोडीदारासोबत संबंध ठिक राहतील.

मूलांक 5 असलेल्या लोकांचा दिवस चांगला असून तुम्ही विचार केलेली सर्व कामे होणार आहेत. धनसंपत्तीच्या बाबतीत दिवस चांगला असून अचानक धनलाभाची संधी आहे. तुम्ही भूतकाळात केलेली गुंतवणूक तुमच्यासाठी फलदायी ठरणार आहे तसेच तुम्हाला दुप्पट लाभ होणार आहे. त्यामुळे तुम्हाला खूप आनंद होईल. कुटुंबाच्या बाबतीत बोलायचे झाले तर वातावरण आनंदाचे आहे. जोडीदारासोबत दिवस आनंदात जाणार आहे. व्यापारात वाढ होणार आहे.

मूलांक 6 असलेल्या लोकांसाठी आजचा दिवस ठिक नाही. तुम्ही विचार केलेली कोणतीही कामे होणार नाहीत तुमची रणनीती फेल होण्याची शक्यता आहे. धन-संपत्तीच्या बाबतीत दिवस अनुकूल नाही. आर्थिक बाबतीत समस्यांचा डोंगर उभा राहणार आहे. आर्थिक अडचणींमुळे व्यापारात अनेक समस्या येणार आहेत तुमचे डोके भिरभिरणार आहे. कुटुंबातील सदस्यांसोबत तुमचे वागणे चांगले ठेवा म्हणजे घरात तुम्हाला शांतता मिळेल. जोडीदारासोबत दिवस चांगला आहे.

मूलांक 7 असलेल्या लोकांसाठी आजचा दिवस ठिक आहे. तुमच्यामध्ये अहंकाराची भावना उत्पन्न होईल. ज्यामुळे ऑफिस आणि व्यवसायस्थळी विरोधक निर्माण होण्याची शक्यता आहे. तुमच्या कटू शब्दांमुळे आज तुम्ही तुमची सर्व कामे बिघडवणार आहात. तुम्ही शांत राहा, रागावर नियंत्रण ठेवा म्हणजे दिवस सुखात जाईल. धनसंपत्तीच्या बाबतीत दिवस ठिक आहे. कुटुंबासोबत दिवस आनंदात जाणार आहे.

मूलांक 8 असलेल्या लोकांसाठी आजचा दिवस सामान्य आहे. ऑफिसमध्ये विरोधक डोके वर काढणार आहेत त्यामुळे तुमचा ताणतणाव वाढणार आहे. विरोधक तुमच्या नावाला काळीमा फासण्याचा प्रयत्न करतील सावध राहा. आज तुम्ही दिवसभर अस्वस्थ राहू शकता. त्यामुळे तुम्ही शांत राहा आणि सौम्य भाषेचा वापर करा, हे तुमच्यासाठी उत्तम आहे. धनसंपत्तीच्या बाबतीत आजचा दिवस सामान्य आहे. कुटुंबात कोणाशी तरी वादविवाद वाढू शकतो. तुम्ही गप्प राहा आणि रागावर नियंत्रण ठेवा. जोडीदाराची प्रत्येक कामात साथ मिळेल.

मूलांक 9 असलेल्या लोकांचा आजचा दिवस सामान्य आहे. तुम्ही स्वतःची विशेष काळजी घ्यायला हवी, कारण शारिरीक त्रास होण्याची शक्यता आहे. वाहन चालवताना सावध राहा. धनसंपत्तीच्या बाबतीत दिवस उत्तम असून अचानक बँक बँलन्स वाढणार आहे. तुमचे पेंडीग पेमेंट मिळाल्यामुळे तुम्हाला अपार आनंद होईल. अनावश्यक खर्चांवर नियंत्रण ठेवले तर भविष्यासाठी लाभदायक होईल. कुटुंबात तुमच्या वागणुकीत संयम ठेवा आणि जोडीदारासोबत गोड बोला म्हणजे सगळ्या कामात तुम्हाला त्यांची साथ मिळेल.