Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Surya Gochar 2024 In Marathi : कन्या राशीत सूर्याचे संक्रमण ! मिथुनसह या ६ राशींचा भाग्योदय, मिळेल पैसाच पैसा
Surya sankraman kanya rashi madhe: सूर्य हा ग्रहांचा राजा असून त्याच्या आशिर्वादाने आपल्याला नोकरी आणि व्यवसायात लाभ होत असतो. 16 सप्टेंबर रोजी सूर्य कन्या राशीत प्रवेश करत आहे.या संक्रमणादरम्यान सूर्याचा केतू आणि बुधाशी संयोग होईल, ज्यामुळे ग्रहण योग आणि बुधादित्य योग तयार होत आहे. यामुळे अनेक राशींना या विचित्र ग्रहयोगाचा फायदा होईल, त्या राशी कोणत्या आहेत जाणून घेऊया.
ज्योतिषशास्त्रानुसार सूर्य हा सर्व ग्रहांचा राजा मानला जातो. ज्याप्रमाणे सूर्याशिवाय जीवन अशक्य आहे, अगदी त्याचप्रमाणे कोणत्याही राशीवर जर सूर्य देवाची कृपा नसेल तर त्या राशीच्या लोकांसाठी जीवनात प्रगती करणे खूप कठीण होऊन बसते. सूर्याच्या आशिर्वादामुळे आपण जीवनात प्रगती करतो आपल्या नोकरी, व्यवसायात प्रगती होते.
16 सप्टेंबर रोजी सूर्य कन्या राशीत प्रवेश करत आहे. सूर्याचे हे संक्रमण 16 सप्टेंबर रोजी सायंकाळी 7 वाजून 29 मिनिटांनी होणार आहे. कन्या राशीत सूर्याच्या संक्रमणामुळे सिंह आणि तूळ राशीसह 6 राशींचा भाग्योदय होणार आहे. या संक्रमणादरम्यान सूर्याचा केतू आणि बुधाशी संयोग होईल, ज्यामुळे ग्रहण योग आणि बुधादित्य योग तयार होतील. चला, जाणून घेऊया कन्या राशीतील सूर्य भ्रमणामुळे कोणत्या राशींना फायदा होईल.
मेष राशीच्या लोकांना आर्थिक लाभ
कन्या राशीतील सूर्याचे संक्रमण मेष राशीच्या लोकांसाठी प्रगती आणि यश घेवून येणार आहे. करिअरमध्ये स्थिरता आणि नफा मिळेल, तर व्यवसायात ही यश मिळण्याची शक्यता आहे. आर्थिक बाबतीत धनलाभाच्या संधी मिळतील, त्याचा लाभ घ्या. मेष राशीच्या लोकांना त्यांच्या वैयक्तिक आयुष्यात काही गोष्टींकडे लक्ष द्यावे, खास करून जोडीदारासोबत समन्वय राखण्याची गरज आहे. मुलांच्या आरोग्याकडे लक्ष द्या आणि त्यांना जंक फूड खाण्यापासून परावृत्त करा. कुटुंबात वातावरण ठिक असेल फक्त सगळ्यांच्या तब्येतीकडे लक्ष द्या.
मिथुन राशीची आर्थिक स्थिती मजबूत
मिथुन राशीच्या लोकांसाठी सूर्याचे हे संक्रमण त्यांच्या करिअरसाठी खूप चांगले सिद्ध होणार आहे. तुम्हाला परदेशात करिअरच्या नवीन संधी मिळू शकतात आणि व्यवसायात नफा वाढेल. तुम्ही अनेक दिवसांपासून प्रयत्न करत असलेल्या व्यावसायिक डीलमध्ये यश मिळेल. नवीन प्रोजेक्ट मिळाल्यामुळे तुम्हाला आर्थिक फायदा होईल आणि तुमची आर्थिक स्थिती सुधारेल. वैयक्तिक आयुष्याबद्दल बोलायचे झाले तर, अनेक आनंदाचे क्षण तुमच्या जीवनात येणार आहेत. जोडीदारासोबत सहलीला जावू शकता.
कर्क राशीच्या लोकांना नोकरीत पदोन्नती
कन्या राशीतील सूर्याचे भ्रमण कर्क राशीच्या लोकांसाठी खूप फायदेशीर ठरेल. सूर्याच्या भ्रमणामुळे तुमच्या कामातील फोकस वाढणार असून खास करून उत्पन्नावर तुम्ही लक्ष केंद्रीत कराल. ऑफिस किंवा व्यवसाय आणि घर येथे लक्ष देताना संतुलन राखणे गरजेचे आहे. नोकरीच्या संदर्भात प्रवासाचा योग आहे, ज्यामुळे तुमचा फायदा होईल. व्यवसाय करणाऱ्यांना चांगला नफा मिळण्याची शक्यता आहे. कुटुंबासाठी चांगलाच खर्च करणार आहात आणि तुमचे राहणीमान सुधारणार आहे.
सिंह राशीच्या मानसन्मानात वाढ
सिंह राशीच्या लोकांसाठी कन्या राशीतील सूर्याचे संक्रमण कुटुंबात प्रगती आणि आनंद घेवून येणार आहे. तुमचे उत्पन्न वाढणार दरम्यान बचतीवर लक्ष केंद्रित करा. प्रवास तुमच्या करिअरमध्ये फायदेशीर ठरेल आणि त्यामुळे तुमच्या ओळखी वाढतील. व्यवसायात लाभ आणि नवीन प्रोजेक्ट मिळणार आहेत. तुमच्या जोडीदारासोबतचे संबंध अधिक दृढ होणार आहेत. आरोग्य उत्तम असेल त्यामुळे कामात उत्साह राहील. ऑफिसमध्ये कौतुक होणार असून मान सन्मान वाढेल, तुम्ही प्रत्येक गोष्टीचा सामना धैर्याने आणि बुद्धीचार्तुयाने करणार आहात.
वृश्चिक राशीला करिअरमध्ये यश
कन्या राशीतील सूर्याचे संक्रमण वृश्चिक राशीच्या लोकांसाठी उत्तम यश मिळवून देणारे आहे. तुम्हाला तुमच्या करिअरमध्ये यश मिळेल पण कामासाठी प्रवास करावा लागू शकतो. पदोन्नतीची शक्यता आहे. व्यवसायातही तुम्हाला फायदा होणार असून तुमची रणनीती तुम्हाला नफा मिळविण्यात आणि तुमच्या प्रतिस्पर्ध्यांपेक्षा पुढे जाण्यास तुम्हाला मदत करेल. आर्थिकदृष्ट्या, तुम्ही हुशारीने वागाल आणि बचत करण्याची सवय देखील वाढणार आहे. आरोग्य उत्तम असेल तसेच कुटुंबात वातावरण चांगले राहणार आहे.
धनु राशीला नोकरीत नवीन संधी मिळणार
कन्या राशीतील सूर्याचे संक्रमण नोकरदार लोकांसाठी अतिशय शुभ आणि फलदायी असणार आहे. नोकरी करणाऱ्यांना नवीन नोकरीसाठी चांगली संधी मिळेल, ज्यामुळे समाधान आणि आनंद वाटेल. व्यावसायिक लोकांना नवीन रणनीती बनविण्यात मदत मिळू शकेल ज्यामुळे भविष्यात नफा होईल. व्यावसायिक आघाडीवर, तुम्ही काही नवीन प्लॅन्स करत आहात आणि त्याचा फायदा तुम्हाला नक्की होणार आहे. तुमच्या करिअरला एक नवी दिशा मिळेल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा