आर्थिक राशिभविष्य 24 सप्टेंबर 2024: मिथुन राशीचा बँक बॅलन्स कमी, खर्चावर नियंत्रण ठेवा ! वृश्चिक राशीने कामात सतर्क राहा ! पाहा, तुमचे राशिभविष्य

मेष राशीच्या लोकांसाठी हा दिवस ठिक आहे. तुम्ही आर्थिक स्थिती मजबूत करण्यात गुंतलेले आहात. त्यात तुम्हाला यश मिळेल. व्यवसायात लाभ असून नफा चांगला होईल, तसेच एखादी शुभवार्ता मिळण्याचे योग आहेत.घरात काही कारणामुळे भांडण होण्याची शक्यता आहे त्यामुळे तणाव वाढेल. घरात लक्ष द्यावे घरातील जे सदस्य नोकरी शोधत आहेत त्यांना मदत करा.

वृषभ राशीच्या लोकांसाठी आजचा दिवस थोडा तणाव वाढविणारा आहे. तुम्हाला तब्येतीबद्दल काळजी वाटणार आहे तसेच संपत्ती आणि मालमत्ता यावरून सुरु असणारा वाद त्रास देणार आहे. भावंडांच्या करिअरबद्दल विचार करा आणि त्यांना योग्य मार्गदर्शन करा. रात्रीच्या वेळी काही अप्रिय व्यक्तीच्या भेटीने अनावश्यक त्रास वाढेल.

मिथुन राशीच्या लोकांसाठी आजचा दिवस काळजीचा आहे. तुमचा बँक बॅलन्स कमी झाल्यामुळे तुमची काळजी वाढणार आहे. खर्च वाढण्याची शक्यता आहे. ज्या गोष्टी नको आहेत त्या खरेजी करण्याचा मोह टाळा. कोणाला उधार देवू नका. वाणीवर नियंत्रण ठेवा. तुमचे मोठेपण सिद्ध करण्यासाठी असे काही काम करु नका ज्यामुळे भविष्यात तुम्हाला त्रास भोगावा लागेल.

कर्क राशीच्या लोकांसाठी दिवस धावपळीचा आहे. नोकरी किंवा व्यवसायातील कामे वाढलेली आहेत ती कशी पूर्ण करावीत हे टेन्शन आहे. कामात नियोजन करा कामे मार्गी लागतील. आर्थिक गुंतवणुकि संदर्भात तज्ज्ञाचा सल्ला घ्या. घरातील काही कामे तुम्ही न केल्यामुळे भांडण होण्याची शक्यता आहे.

सिंह राशीच्या जातकांसाठी दिवस धावपळीचा आहे. कोर्ट कचेरी सुरु असले तर धावपळ होणार आहे. कागदपत्रांची जमावजमव करावी लागेल त्यासाठी तुमचा वेळ जाणार आहे. कागदपत्रे सांभाळून ठेवा. नोकरीत दुपारनंतर जास्त मेहनत करावी लागेल. व्यवसाय करणाऱ्यांचे थोडे टेन्शन वाढण्याची शक्यता आहे. कामगारांच्या मागण्यांकडे लक्ष द्या.

कन्या राशीच्या लोकांसाठी आजचा दिवस ठिक आहे. तुम्ही वादविवादापासून दूर राहा. आज एखाद्या कामाचे नेतृत्व करण्यासाठी तुमचे नाव सुचवले जाईल पण तुम्ही यापासून शक्यतो दूर राहण्याचा प्रयत्न करा. संततीकडून तुम्हाला आनंदाची बातमी मिळेल. दुपारनंतर एखाद्या कायदेशीर वादात तुमचा विजय होऊ शकतो, त्यामुळे तुम्हाला आनंद होईळ. शुभ खर्च केल्याने तुमची कीर्ती वाढेल.

तुळ राशीच्या लोकांसाठी आजचा दिवस खर्चाचा आहे. तुमचा पर्सनल खर्च वाढणार आहे. काही महत्त्वाच्या मुद्द्यावरून घरात भांडण होण्याची शक्यता आहे. तुम्ही एखादी गोष्ट मिळवताना तुमच्या जवळच्या माणसांना नक्की काय हवं त्याचाही विचार करा. काही दिवसापासून सुरू असलेली देवाणघेवाणीतील मोठी समस्या दूर होईल. पैसे हाती आल्याने आनंद होईल पण तो खर्च ही होईल.

वृश्चिक राशीच्या लोकांनी आज थोडे कमी बोलावे. जेवढी तुमची गरज आहे तेवढे काम करा आणि संवाद साधा. अन्यथा लोक तुमच्याबद्दल गैर अर्थ काढतील. तुम्ही टीम लीडर असाल तर सहकाऱ्यांच्या कामाकडे कटाक्षाने लक्ष द्या. आज तुम्हाला धनलाभ होईल आणि व्यापारात यश मिळेल.

धनु राशीच्या लोकांनी आज दिवस ठिक आहे. तुम्ही खूप चांगल्याप्रकारे मध्यस्थी करता. आज ही घर किंवा ऑफिसात असे काही घडेल की तुम्हाला मध्यस्थी करावीच लागेल. खर्च होणार आहे, थोडं लक्ष द्याव लागेल. ऑफिसमध्ये तुमच्याबाबतीत काही बदल होण्याची शक्यता आहे तेव्हा कोणतेही काम करताना सजग राहा. सामाजिक आणि सांस्कृतिक कार्यक्रमात भाग घेतल्याने मन आनंदीत होईल आणि नशिबाची साथ मिळेल.

मकर राशीच्या लोकांसाठी आजचा दिवस धावपळीचा आहे. कार्य़क्षेत्रात येणारे फोन किंवा ईमेल याला उत्तर देणे. तिथे टाळाटाळ करू नका. तुमची जबाबदारी वाढते आहे. कामे वाढल्यामुळे तणाव वाढेल तो कमी करण्याचा प्रयत्न करा. कोणत्याही वादात पडू नका. प्रिय नातेवाईकांच्या स्वागताचे योग बनत आहेत. आईवडिलांची विशेष काळजी घ्या.

कुंभ राशीच्या लोकांना आज नशिबाची उत्तम साथ मिळेल. तुम्ही जी कामे आज हाती घेणार आहात ती पूर्ण करणार आहात. ऑफिसमध्ये तुमच्या कामाचे कौतुक होणार आहे. व्यापारात लाभ होईल आणि पैशांच्या गुंतवणुकीची योजना यशस्वी होईल. आज अनावश्यक वाद आणि शत्रूंचा त्रास यापासून सावध राहा.

मीन राशीच्या लोकांसाठी आजचा दिवस चांगला आहे. खूप दिवसांनी जीवनात सुख समाधान आलेले आहे. तब्येत सुधारणार आहे आणि तुम्ही नव्या जोशात कामाला सुरुवात कराल. कार्यक्षेत्रात कामे मार्गी लागल्यामुळे तुम्ही आनंदी असाल. आज काही जीवनावश्य वस्तू खरेदी करणार आहात.