आजचे अंकभविष्य, 26 सप्टेंबर 2024: मन भटकू शकते, एकाग्रता महत्त्वाची ! कामात घाई करू नका, सतर्क राहा ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस खूप उत्तम आहे. अचानक धनलाभाचे योग असून तुमचा बँक बॅलन्स वाढणार आहे. तुमचा स्वभाव आज खूप मृदू असणार आहे तसेच तुम्ही सगळ्यांसोबत मिळून मिसळून वागल्यामुळे आज तुमच्या अवतीभोवती खूप लोक असतील. गरज असेल तरच आज खर्च करा अन्यथा तुम्हाला भविष्यात उधार पैसे घ्यावे लागतील. सरकारी खात्यातील लोकांसोबत चांगले संबंध प्रस्थापित होतील आणि त्याचा तुम्हाला भविष्यात लाभ होईल. कुटुंबासोबत आज वातावरण आनंदी राहील. जोडीदारासोबत संबंध मधुर राहतील.

मूलांक 2 असणारे लोकांसाठी आजचा दिवस ठिक आहे तुम्ही काही कारणामुळे भावूक व्हाल. आज कुटुंबातील सदस्य तुम्हाला प्रत्येक कामात मदत करतील. आई-वडिलांचे आशिर्वाद तुम्हााला चांगली साथ देतील. गुंतवणुकीसाठी दिवस चांगला असून तुमचा आत्मविश्वास आज द्विगुणीत होणार आहे. आज पैशांची आवक सुरू राहील. कुटुंबासोबत आज दिवस फार चांगला राहील. जोडीदारासोबत आज बाहेर फिरायला जाण्याचे निश्चित कराल.

मूलांक 3 असणाऱ्या जातकांसाठी आजचा दिवस सामान्य असेल, कुटुंबासोबत राहून तुम्ही तीर्थयात्रेला जाण्याचा विचार करु शकता. तुमचा सल्ला लोकांचे मनोबल वाढवेल तसेच तुम्हाला कामात मदत करेल पण एक गोष्ट लक्षात ठेवा गरज असेल तिथेच सल्ला द्या. आज तुम्हाला सकारात्मक लोक भेटतील, त्यामुळे व्यापारात धनलाभाचे योगही बनतील. कुटुंबीतल सदस्य सर्व निर्णयांत तुमच्या बाजूने राहतील. जोडीदार प्रत्येक वळणावर तुमच्यासोबत उभा राहील.

मूलांक 4 साठी आजचा दिवस फारसा ठिक नाही. आज तुम्ही जे काही कार्य कराल त्यात परिक्षण महत्त्वाचे आहे, अन्यथा तुम्ही आर्थिक संकटात पडू शकता. आईची तब्येत अचानक बिघडू शकते तुम्ही काळजी घ्या. डॉक्टरांनी काही तपासण्या सांगितल्या तर त्वरीत करून घ्या. आज तुमचे मन कुठेतरी भटकू शकते तेव्हा सावध राहा. जर तुम्ही राजकारणात असाल तर सतर्क राहा कारण फसवणूक किंवा मानहानीची शक्यता आहे. नकारात्मक बोलणे नोकरी आणि व्यापारात ठीक असणार नाही. असे केल्याने तुमचे आर्थिक नुकसान होऊ शकते.

मूलांक 5 साठी आजचा दिवस सामान्य असेल. तुम्हाला कामात उत्तम यश मिळेल आणि सहकारी तुम्हाला मदत करतील. आज धनसंपत्ती मिळवण्याचे अनेक मार्ग खुले होतील त्याचा लाभ घ्या. आज व्यापारात नवे रस्ते खुले होणार आहेत त्यामुळे व्यापार वाढ शक्य होईल. कुटुंबासोबत आज वेळ चांगला व्यतित होईल. जोडीदारासोबत आज काही कारणामुळे वादाची शक्यता नकारता येत नाही. त्यामुळे आज तुम्ही शांत राहणे आणि सौम्य भाषा वापरण तुमच्यासाठी सर्वोत्तम राहील.

मूलांक 6 साठी आजचा दिवस ठिक आहे, जोडीदारासोबत स्नेहपूर्ण वागा. भांडण करु नका. तुमच्या तब्येतीची काळजी घ्या, कारण वाढता ताणतणाव आरोग्यावर परिणाम करतो आहे. एखादी महिला तुम्हाला संकटात मदत करेल. करिअर किंवा व्यवसायात नवीन काही करणार आहात तर दिवस चांगला आहे, सुरु करा.पैशांच्या बाबतीत आज दिवस सामान्य राहील. कुटुंबासोबत आज एखाद्या मनोरंजनाच्या कार्यक्रमाचे आयोजन कराल.

मूलांक 7 साठी आजचा दिवस थोडा त्रासदायक आहे. तुम्हाला आर्थिक संकटाचा सामना करावा लागू शकतो. तुमच्या पत्नीचा व्यवहारा किंवा त्यांचे बोलणे तुमच्या जीव्हारी लागू शकते आणि तुम्ही दिवसभर टेन्शनमध्ये असाल. तुमच्या कामात आज विघ्न येवू शकतात, तेव्हा काळजी घ्या आणि सतर्क राहा. पत्नी आणि तुमची आई यांच्यात भांडण होण्याची शक्यता आहे तुम्ही त्यात पडू नका. तुम्ही कार्यक्षेत्रात आणि कुटुंबातही काहीसे अलिप्त राहाल. आज स्वतःच्या मनातील विचार कोणापुढे व्यक्त करू नका.

मूलांक 8 साठी दिवस सामान्य असेल. तुम्हाला काम पूर्ण करताना काही प्रमाणात निराशेचा सामना करावा लागेल. मानसिक ताणतणाव वाढलेला असेल तेव्हा काळजी घ्या. आज विनाकारण तुम्ही एखाद्या गोष्टीत फसू शकता. तुमच्या ऑफिसच्या कामात सहकारी चुका काढतील, त्यामुळे समस्यांचा डोंगर उभा राहणार आहे. पैशांच्या बाबतीत आज दिवस फारसा खास नाही. आज कोठेही पैशांची गुंतवणूक करू नका. आज तुम्ही रागावर नियंत्रण ठेवणे आणि शांत राहाणे अत्यंत आवश्यक आहे.

मूलांक 9 असलेल्या लोकांसाठी आजचा दिवस सामान्य असेल. आज तुम्ही रागावर नियंत्रण ठेवणे आणि शांत राहाणे अत्यंत आवश्यक आहे. आज आर्थिक स्थिती ठिक असेल. घाई घाईत कोणतेही काम करू नका तुम्ही फसू शकता. कोणत्याही कामात अडचण वाटत असेल तर भावंडांसोबत चर्चा करा, तुम्हाला नक्की मार्ग सापडेल. आज तुम्ही कुटुंबासोबत कोठे तरी बाहेर फिरायला जाण्याचे नियोजन कराल.