Mangal Gochar 2024 : मंगळाचे कर्क राशीत संक्रमण! पुढील ४५ दिवस धोक्याचे, मेषसह ५ राशींनी काळजी घ्या

मंगळाच्या संक्रमणामुळे मेष राशीच्या सुख-सुविधांमध्ये अडचणी येतील. तुम्हाला कौटुंबिक समस्यांना तोंड द्यावे लागेल. कुटुंबात कलह निर्माण होईल. तुमच्या करिअरमध्ये अनेक समस्यांना सामोरे जावे लागेल. कामाचा ताण अधिक वाढेल. तुम्हाला वरिष्ठांकडून योग्यप्रकारे सहकार्य मिळणार नाही. त्यामुळे कामाचे नियोजन योग्य प्रकारे करा. आर्थिक स्थिती डळमळेल, खर्चात लक्षणीय प्रमाणात वाढ होईल. जोडीदारासोबत तुमचा समन्वय बिघडू शकतो. आईच्या आरोग्याची विशेष काळजी घ्या.

सिंह राशीत १२ व्या घरात मंगळाचे संक्रमण होणार आहे. करिअरच्या दृष्टीने कामाच्या ठिकाणी ताण तणावाचा सामना करावा लागेल. तुमच्या हातातून काही उत्तम संधी सुटून जाऊ शकतात. पार्टनरशीपमध्ये काम करताना जोडीदाराच्या भावनांकडे दुर्लक्ष करु नका. याशिवाय तुमच्या खर्चातही वाढ होणार आहे. परिस्थिती हाताळणे काही प्रमाणात कठीण होईल. तुम्हाला पैसे खर्च करावे लागतील. जोडीदारासोबत तुमचे नाते बिघडू शकते. नाते गोड बनवण्यासाठी तुम्हाला अनेक समस्यांना सामोरे जावे लागेल.

धनु राशीच्या लोकांसाठी मंगळ तुमच्या आठव्या स्थानात प्रवेश करणार आहे. तुम्हाला अचानक आर्थिक लाभ मिळेल. वडिलोपार्जित संपत्तीतून मध्यम प्रमाणात लाभ मिळेल. करिअरमध्ये तुम्हाला अनेक समस्यांना सामोरे जावे लागेल. नोकरी बदलण्याचा निर्णय घेऊ शकता. व्यापाऱ्यांनाही नफा मिळवण्यात अडचणी येतील. या काळात तुम्हाला कोणाचाही पाठिंबा मिळणार नाही. नात्यात सुसंवाद कमी प्रमाणात होईल. आरोग्याशी संबंधित काही समस्यांचा सामना करावा लागेल.

मंगळ मीन राशीच पाचव्या घरात प्रवेश करणार आहे. या काळात तुम्ही अधिक विचार कराल. भविष्याबाबत थोडे चिंतेत दिसाल. व्यावसायिकांनाही सर्व प्रकारच्या समस्यांना सामोरे जावे लागते. व्यापाऱ्यांना पार्टनरशीपमध्ये समस्यांना सामोरे जावे लागते. वैयक्तिक आयुष्य खूप विस्कळीत होते. जोडीदाराकडून कमी सहकार्य मिळेल. त्यांचे मन जिंकण्यात तुम्ही अपयशी ठरेल. डोळ्यांसंबंधित काळजी घ्यावी लागेल.