आर्थिक राशिभविष्य 12 ऑक्टोबर 2024: शुभ दसरा, वृषभ राशीच्या मानसन्मान वाढ !कन्या राशीला व्यवसायात नवीन संधी ! पाहा, तुमचे राशिभविष्य

मेष राशीच्या लोकांसाठी दसरा फलदायी असून तुमच्या मान सन्मानात वाढ होणार आहे. तुमच्या मेहनतीचे फळ तुम्हाला मिळणार आहे. तुम्ही आज जे काही काम कराल त्यात तुम्हाला यश मिळेल. व्यापार आणि नोकरीमध्ये यश आहे. संध्याकाळी पाहुणे येणार आहेत त्यामुळे खर्चात नक्कीच वाढ होईल तसेच तुम्ही पाहुण्यांसोबत व्यस्त असाल. आज आर्थिक स्थिती उत्तम असेल.

वृषभ राशीच्या लोकांसाठी आजचा दिवस उत्तम असून तुम्हाला प्रत्येक कामात यश मिळणार आहे. तुमचा मानसन्मान वाढेल. तुमची तब्येत बिघडण्याची शक्यता आहे. तुम्ही खूप स्ट्रेस घेता तसेच खाण्यापिण्याकडे तुमचे लक्ष नसते. तब्येतीची काळजी घ्या. कला आणि साहित्य क्षेत्रात असणाऱ्या लोकांसाठी दसरा सर्वोत्तम म्हणायला हवा. वरिष्ठांचे कामात सहकार्य मिळेल. नशिब तुमच्या बाजूने असेल आज जो विचार कराल तो पूर्ण होणार तसेच जे काम कराल त्यात यश आहे.

मिथुन राशीच्या लोकांसाठी आजचा दिवस करिअरच्या बाबतीत शुभ फल देणारा आहे. तुमच्या ऑफिसच्या कामात तुम्हाला मनासारखे यश मिळणार आहे. नशिबाची साथ प्रत्येक कामात असून तुम्हाला मनासारखे यश मिळेल. बुद्धी आणि कौशल्याचा वापर करून आज कठिण प्रसंगातून तुम्ही तोडगा काढाल. अशक्य गोष्ट आज तुम्ही शक्य करुन दाखविणार आहात. राजकारणात सुरु असणारे गैरसमज दूर होतील. मुलांकडून चांगली बातमी मिळेल. एकूणच शुभलाभाचा दिवस आहे.

कर्क राशीच्या लोकांसाठी आजचा दिवस आर्थिक बाबतीत शुभलाभ देणारा आहे. तुम्ही राजकारणात असला तर दसरा तुमच्यासाठी सर्वोत्तम आहे. नोकरी आणि व्यवसाय करणाऱ्यांना उत्तम यश मिळेल. आज खर्चावर नियंत्रण ठेवा, अन्यथा समस्या वाढू शकते. तुम्ही जर कला, खेळ आणि साहित्य क्षेत्रात असेल तर तुमच्या वाटेतील अडचणी दूर होतील. घरात विवाहाची चर्चा सुरु होईल.

सिंह राशीच्या जातकांसाठी करिअरच्या बाबतीत उत्तम दिवस आहे. मात्र घरात पैशांवरून वाद होण्याची शक्यता आहे. तुम्ही संयमाने वागा, अपशब्द बोलू नका आणि घाई गडबडीत निर्णय घेवू नका. कार्यक्षेत्रात प्रगती असून तुमचे काम हळूहळू मार्गी लागणार आहे. व्यवसायात चढउतार असणार आहे, पण काळजी करू नका. कर्ज वसूल करण्यात तुम्हाला यश मिळेल. संध्याकाळी प्रवासाचा योग असून तुम्ही ज्या कामासाठी जात आहात त्यात यश मिळेल.

कन्या राशीच्या लोकांसाठी आजचा दिवस चांगला आहे. तुमचा मुड छान असले तसेच तुम्हाला प्रत्येक कामात उत्साह जाणवेल. तुम्ही तयार केलेल्या प्रत्येक योजना पूर्ण होणार आहेत. राजकीय आणि सामाजिक क्षेत्रात काही कारणाने तणाव जाणवेल त्यामुळे तुमचे कामात लक्ष लागणार नाही. विद्यार्थ्यांना मेहनतीचे फळ मिळेल आणि नोकरी करणाऱ्यांचे उत्पन्न वाढणार आहे. घरात एखाद्या मालमत्तेवरून मतभेद होऊ शकतात. व्यापारात नवी संधी मिळेल आणि त्यातून लाभ होईल.

तुळ राशीच्या लोकांसाठी आजचा दिवस शुभ आहे. तुमच्या संपत्तीत वाढ होणार आहे. कोर्ट कचेरी किंवा एखादा कायदेशीर वाद सुरु असेल तर तुमच्या बाजूने निकाल लागेल. आज प्रत्येक कामात तुम्हाला यश आहे. घरात आनंदाचे वातावरण असेल. कार्यक्षेत्रात तुम्ही यशोशिखरावर असणार आहात त्यामुळे मन प्रसन्न असेल. व्यवसायात उत्तम कमाई आहे. मुलांचे यश पाहता तुम्हाला अपार आनंद होईल. आर्थिक स्थिती उत्तम असेल.

वृश्चिक राशीच्या लोकांसाठी आजचा दिवस चांगला असून तुम्हाला प्रत्येक कामात यश मिळेल. करिअरमध्ये तुम्हाला लाभ आहे. तुमचा प्रभाव सगळ्यांवर पडेल आणि तुमची प्रतीष्ठा वाढणार आहे. व्यवसायात तुम्हाला चांगल्या संधी मिळतील. राजकीय आणि सामाजिक क्षेत्रात मेहनतची अधिक गरज आहे. आज विरोधक काहीच करु शकणार नाहीत आणि तुम्हाला प्रत्येक कामात यश असेल. तुमची रखडलेली कामे पूर्ण होतील.

धनु राशीच्या लोकांसाठी आजचा दिवस लाभदायक असून मुलांकडून आनंदाची बातमी मिळेल त्यामुळे तुमचे मन प्रसन्न होईल. आज अचानक नवे खर्च समोर येणार आहेत पण तुम्ही योग्य नियोजन कराल त्यामुळे पैशांची काही बचत करु शकाल. आज सावध आणि सतर्क राहा कारण तुमच्यावर कोणीतरी आरोप लावू शकतात. रागावर आणि वाणीवर नियंत्रण ठेवा. व्यापारात उत्तम लाभ आहे.

मकर राशीच्या लोकांसाठी आजचा दिवस करिअरच्या बाबतीत शुभलाभाचा आहे. तुमचे अडकलेले पैसे तुम्हाल परत मिळणार आहेत त्यामुळे तुम्ही आनंदी असाल. घर आणि ऑफिसमध्ये कामाच्या नियोजनाची आणि व्यवस्थापनची जबाबदारी तुमच्यावर येवू शकते. राजकीय आणि सामाजिक क्षेत्रात नवीन ओळखी होतील त्याचा तुम्हाला लाभ होईल. शैक्षणिक क्षेत्रात प्रगती असून समाजात तुमचा मानसन्मान वाढणार आहे. ऑफिसमध्ये नवीन प्रोजेक्ट येणार आहेत, त्यावर नक्की विचार करा.

कुंभ राशीच्या लोकांसाठी आजचा दिवस ठिक आहे पण तुम्हाल सतर्क रहावे लागेल. विशेष करुन आर्थिक व्यवहार करताना सतर्क राहा. तुम्ही जास्त खर्च केल्यामुळे तुम्हाला कर्ज घ्यावे लागणार आहे. तुमचे कामातील कौशल्य यामुळे इतरांवर तुमचा प्रभाव पडेल. संध्याकाळी महत्त्वाची कामे पूर्ण झाल्यामुळे तुम्ही आनंदी असाल. तुमचा ताण कमी होईल.

मीन राशीच्या लोकांसाठी आजचा दिवस सर्वोत्तम असून तुम्हाला प्रत्येक कामात यश मिळेल. विरोधकांना आज तुम्ही हैराण करून सोडणार आहात. घरात तुमचा मान सन्मान वाढणार आहे. रात्री एखाद्या मंगलकार्यात सहभागी होणार आहात. तुमचे प्रियजन भेटल्यामुळे आनंद होईल. आज खर्च आणि धावपळ जास्त होणार आहे.