आजचे अंकभविष्य, 12 ऑक्टोबर 2024: दसऱ्यानिमित्त सुखसमृद्धीचा योग ! प्रत्येक कामात तुमचा विजय ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस ठिक आहे. तुम्ही मेहनतीवर भर द्या, कारण आज कठोर मेहनत केली तर त्याचे उत्तम फळ मिळेल. फक्त नशिबावर विसंबून राहून चालत नाही. सामाजिक प्रतिष्ठा आणि कौटुंबिक सन्मान तुम्हाला मिळणार आहे. प्रवासाचा योग आहे आणि त्याचा लाभ घ्या. तुमच्या हस्ते एखादे धार्मिक कार्य पूर्ण होणार आहे

मूलांक 2 असणाऱ्या जातकांसाठी आजचा दिवस ठिक आहे. कामात घाईगडबड टाळावी. कारण अती घाई संकटात नेई असे म्हणतात. वडिलांची तब्येत अचानक बिघडण्याची शक्यता आहे, काळजी घ्या. कुटुंबासोबत संध्याकाळचा वेळ उत्तम जाणार आहे. कुटुंबासोबत मनोरंजनाच्या एखाद्या कार्यक्रमाला जाणार आहात.

मूलांक 3 असणाऱ्या जातकांसाठी आजचा दिवस चांगला आहे. आर्थिक स्थिती ठिक असेल. एखाद्या व्यक्तीकडून आर्थिक मदत मिळेल. घरात वातावरण आनंदी असेल. प्रत्येकजण तुमचा मानसन्मान करेल. अपत्य सुख तुम्हाला नक्की मिळणार आहे.

मूलांक 4 साठी आजचा दिवस चांगला आहे, खास करून विद्यार्थ्यांना एखादी आनंदाची बातमी मिळले. मित्रासोबत शिक्षणासाठी जाण्याचा विचार करत असाल तर वेळ उत्तम आहे. तुम्ही केलेल्या प्रत्येक प्रयत्नांना यश मिळणार आहे. तुमच्या मानसन्मानात वाढ होईल. आज तुम्ही सामाजिक कार्यात खूप सक्रिय राहणार आहात.

मूलांक 5 साठी आजचा दिवस उत्तम असून कुटुंबातील वातावरण तुमच्यासाठी अनुकूल असणार आहे. तुमच्या कार्यक्षेत्रात तुमचा मान सन्मान होईल. एखाद्या धार्मिक कार्यात सहभागी होवून दानधर्म करणार आहात. यामुळे तुम्हाला मानसिक समाधान मिळेल. तीर्थयात्रेला जाण्याचे नियोजन करणार आहात.

मूलांक 6 साठी आजचा दिवस तुमच्यासाठी खूप धावपळीचा असेल, कामात जास्त व्यस्त राहणार आहात. तुमचा बराच वेळ मिटिंगमध्ये जाईल तसेच बॉसकडून नवीन प्रोजेक्टवर चर्चा होऊ शकते. विद्यार्थ्यांसाठी आजचा दिवस कठोर मेहनतीचा आहे. घरातील मोठ्यांकडून सहकार्य आणि आशीर्वाद मिळणार आहे.

मूलांक 7 साठी आजचा दिवस ठिक आहे पण तुम्ही खूप खर्च करणार आहात. तुम्ही ज्या लोकांसोबत असणार आहात त्यांच्यामुळे खर्च जास्त होणार आहे. त्यामुळे यावर खास विचार करावा. कुटुंबात वातावरण हसते खेळते असेल.

मूलांक 8 साठी दिवस आजचा दिवस ठिक आहे. तुम्ही वादविवादापासून दूर राहणेच योग्य आहे. वडिलोपार्जीत संपत्तीवरून वाद होवू शकतो. धनलाभाचे योग आहेत पण तुमच्या अपेक्षेप्रमाणे तुम्हाल फायदा मिळणार नाही.

मूलांक 9 असलेल्या लोकांसाठी आजचा दिवस ठिक आहे. तुम्ही कुटुंबासोबत वेळ व्यतीत करणार आहात. मौजमजा आणि तुमची आवड यावर तुम्ही खर्च करणार आहात. आज प्रत्येक कामात उत्साह जाणवेल. जे काम कराल त्यात यश मिळेल.