Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Dhan Prapti Sathi Sharad Purnima Upay : आश्विन महिन्यातील शुक्ल पक्षातील पौर्णिमा तिथीला शरद पौर्णिमा हा सण साजरा केला जातो. या सणाला कोजागरी पौर्णिमा किंवा रास पौर्णिमा असेही म्हणतात. या दिवशी देवी लक्ष्मीची पूजा केली जाते. या दिवशी संपत्ती, वैभव आणि समृद्धीसाठी उपवास केला जातो. शरद पौर्णिमेच्या रात्री चंद्र त्याच्या १६ कलांनी पूर्ण होतो आणि अमृताचा वर्षाव करतो. देवी लक्ष्मीच्या कृपेने वर्षभर धन-समृद्धीचा वर्षाव होतो. या दिवशी धनप्राप्तीसाठी कोणते उपाय करायला हवे जाणून घेऊया.
वर्षभरात येणाऱ्या सर्व पौर्णिमांपैकी आश्विन महिन्यातील शरद पौर्णिमा तिथी ही विशेष मानली जाते. शरद पौर्णिमेच्या रात्री काही उपाय केल्याने आपल्या मनोकामना पूर्ण होऊ शकतात. देवी लक्ष्मीच्या कृपेने वर्षभर धन-समृद्धीचा वर्षाव होतो. या दिवशी धनप्राप्तीसाठी कोणते उपाय करायला हवे जाणून घेऊया.
धन-संपत्ती होईल वाढ
शरद पौर्णिमेच्या दिवशी पांढरे वस्त्र परिधान करुन देवी लक्ष्मीची पूजा करावी. यासाठी ईशान्य कोपऱ्यात लक्ष्मीची मूर्ती स्थापन करा. त्यानंतर तुपाचे दोन दिवे लावून त्यात लवंग घाला. देवी लक्ष्मीला पांढऱ्या रंगाची मिठाई अर्पण करा. या दिवशी कनकधारा स्तोत्राचे पठण करा. यामुळे देवी लक्ष्मीची कृपा प्राप्त होईल आणि तुमच्या संपत्ती वाढ होईल.
देवी लक्ष्मीची राहिल कृपा
शरद पौर्णिमेला पाटावर किंवा चौरंगावर स्वस्तिक बनवून त्यावर पाण्याने भरलेले भांडे ठेवावे. यानंतर एक पेला गव्हाने भरुन त्यात एक रुपयाचे नाणे टाका. या दिवशी शरद पौर्णिमेची कथा वाचा. यानंतर कमलगठ्ठ्याने ‘ओम श्रीं ह्रीं श्रीं कमले कमलालये प्रसीद प्रसीद श्रीं ह्रीं श्रीं ओम महालक्ष्मी नमः’ चा ११ वेळा जप करा. असे केल्याने तुम्हाला देवी लक्ष्मीची विशेष कृपा प्राप्त होईल.
अनेक इच्छा होतील पूर्ण
शरद पौर्णिमेच्या दिवशी ४ लवंगा आणि लाल वस्त्र घ्या. यानंतर महालक्ष्मीचे ध्यान करताना तुपाचा दिवा लावा. त्या दिव्यात लवंगाची जोडी ठेवा. उरलेल्या लवंगा लाल कापड्यात बांधून देवी लक्ष्मीसमोर ठेवा. पूजा झाल्यानंतर या लवंगा पैशासह तिजोरीत किंवा कपाटात ठेवा. असे केल्याने तुमच्या सर्व इच्छा पूर्ण होतील. आर्थिक परिस्थिती हळूहळू मजबूत होईल.
या प्रकारे येईल सुख-समृद्धी
शरद पौर्णिमेच्या दिवशी देवी लक्ष्मीला प्रसन्न करण्यासाठी देवी लक्ष्मीसह ११ कवड्यांची पूजा करा. पूजेनंतर कवड्या पिवळ्या कपड्यात बांधून पैशाच्या जागी ठेवा किंवा लाल कपड्यात बांधून घराच्या मुख्य गेटवर बांधा असे केल्याने घरातील नकारात्मक ऊर्जा कमी होईल. तसेच घरात सुख-समृद्धी नांदेल.
हा उपाय करा
शरद पौर्णिमेच्या रात्री देवी लक्ष्मीची पूजा करताना पांढऱ्या वस्तू, फुले, फळे, मोती, कपडे, तांदूळ इत्यादी अर्पण करा. पूजेच्या वेळी अखंड दिवा लावावा. घरामध्ये ज्या ठिकाणी पाणी ठेवले आहे. त्या ठिकाणी स्वस्तिक बनवा. तसेच देवी लक्ष्मीसोबत श्री यंत्राची पूजा करावी. यामुळे संपत्तीत वाढ होते आणि घरात सकारात्मक ऊर्जेचा प्रवाह कायम राहातो.
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा