शिंदेंच्या माजी खासदारासमोर महायुतीतूनच मोठे आव्हान, भाजपच्या ज्येष्ठ नेत्याकडून नामांकन अर्ज दाखल

रिसोड विधानसभा मतदारसंघाची जागा शिवसेनेच्या पारड्यात पडली असताना अनंत देशमुख यांनीही उमेदवारी अर्ज दाखल केल्याने महायुतीतील प्रमुख नेते यावर काय तोडगा हे पाहणे महत्वाचे आहे. तरीही माझ्या उमेदवारी वर पक्ष उद्यापर्यंत पक्ष निर्णय घेईल, अशी प्रतिक्रिया अनंत देशमुख यांनी माध्यमांशी संवाद साधताना दिली आहे.
Sharad Pawar: निवडणुकीच्या मैदानात उतरण्याआधी वस्तादाचा सल्ला, युगेंद्र पवारांबद्दल बोलताना शरद पवार म्हणाले?
यावर प्रतिक्रिया देताना भावना गवळी म्हणाल्या की, भाजपकडून येथे उमेदवारी दाखल करण्याचा प्रश्नच उद्भवत नाही. ही जागा महायुतीतील शिवसेनेला सुटलेली आहे आणि मीच येथील उमेदवार आहे. त्यामुळे भाजपकडून कोणी उमेदवारी दाखल करण्याचा प्रश्नच येत नाही. या भागातील सर्व मित्र पक्ष माझ्यासोबत आहेत आणि माझ्या विजयात त्यांचा सिंहाचा वाटा असणार आहे.

तर ‘रिसोड विधानसभा मतदारसंघात शिवसेना आणि भाजप दोघांचेही उमेदवार राहतील, इथे मैत्रीपूर्ण लढत होणार असल्याचे भाजपचे जिल्हाध्यक्ष श्याम बढे यांनी सांगितले होत. तर मैत्रीपूर्ण लढतीबद्दल पत्रकारांनी भावना गवळी यांना विचारले असता असा कुठलाही प्रकार होणार नाही. ही जागा स्पष्टपणे महा युतीतील शिवसेना पक्षाला सुटली आहे. त्यामुळे मैत्रीपूर्ण लढतीचा प्रश्नचं येत नाही, ही निव्वळ चर्चा आहे आणि काही भाजपचे नाराज नेते असतील त्यांना समजावण्याचा प्रयत्न देवेंद्र फडणवीस आणि एकनाथ शिंदे हे करतील, असा विश्वास असल्याचे भावना गवळी यांनी सांगितले. आता भाजपचे प्रमुख नेते यावर काय भूमिका घेणार याकडे सर्वांचे लक्ष लागून आहे.