Dhantrayodashi 2024 Upay In Marathi : धनत्रयोदशीच्या संध्याकाळी ‘या’ गोष्टी देवू नका ! माता लक्ष्मी होईल नाराज !

धनत्रयोदशीच्या दिवशी घराघरात माता लक्ष्मीची पूजा केली जाते. संध्याकाळी घराचा मुख्य दरवाजा उघडा ठेवा, यामुळे लक्ष्मी मातेचे घरी आगमन होते. पण धनतेरच्या संध्यकाळी कोणाला पैसे उधार देणे म्हणजे माता लक्ष्मीला बाहेरचा रस्ता दाखविणे असा अर्थ होतो. धनत्रयोदशीच्या दिवशी कोणाकडूनही उधार घेऊ नका किंवा कोणाला उधारी देवू नका. असे केले तर आर्थिक स्थिती खराब होण्याची शक्यता आहे.

एक वस्तू अशी आहे जी धनत्रयोदशीच्या संध्याकाळी तुम्ही कोणाला दिली तर माता लक्ष्मी नाराज होते असे म्हणतात. ती वस्तू म्हणजे झाडू ! झाडूचा संबंध माता लक्ष्मीशी जोडलेला आहे. धनतेरसला तुम्ही संध्याकाळी कोणाला झाडू दिला तर घरातील सुख समृद्धी कमी होते. म्हणून शक्यतो दिवाळीच्या दिवसात कोणालाही आपल्या घरातील झाडू देऊ नये. अनेक ठिकाणी लोक या दिवशी खास झाडूची खरेदी करतात.

आपले शेजारी काही गोष्टी मागायला येतात किंवा आपणही त्यांच्याकडे काही वस्तू मागायला जात असतो. पण लक्षात ठेवा धनत्रयोदशीच्या दिवशी तसेच दिवाळीच्या दिवसांमध्ये कांदा-लसूण देणे टाळावे. याचा संबंध थेट केतु ग्रहाशी असल्यामुळे अशुभ प्रभाव वाढू शकतो. म्हणूनतर धनत्रयोदशीच्या संध्याकाळी कांदा- लसूण देणे टाळावे.

माता लक्ष्मी समुद्रमंथनातून प्रकट झालेली आहे तसेत मीठ देखील समुद्राच्या पाण्यापासून तयार होते. त्यामुळे मीठाचा संबंध माता लक्ष्मीशी जोडलेला आहे. धनतेरच्या दिवशी संध्याकाळी तुम्ही कोणाला मीठ देवू नका. असे झाले तर घरातील सुखसमृद्धी कमी होवू शकते. खरंतर कोणत्याही दिवशी संध्याकाळी मीठ कोणालाच देवू नये. यामुले राहूचा प्रकोप वाढतो.

मीठाप्रमाणे साखरही संध्याकाळी कोणाला देवू नये. धनत्रयोदशी तसेच दिवाळीच्या कोणत्याही दिवशी साखरेचे दान किंवा साखर उधार देवू नये. दिवाळीच्या लोककथेत सांगितले आहे, माता लक्ष्मीला ऊस फार प्रिय आहे. या ऊसामुळेच माता लक्ष्मीने शेतकऱ्याच्या घरी निवास केला होता. तसेच साखर ऊसापासून तयार होते. म्हणून धनतेरच्या दिवशी साखरेचे दान म्हणजे घरातील लक्ष्मी निघून जाणे असा अर्थ आहे.