Budh Gochar 2024: धनत्रयोदशीला बुधाचे संक्रमण ! लक्ष्‍मी नारायण राजयोगाचा कसा असेल प्रभाव? भगवान कुबेर कोणाची तिजोरी भरणार?

मेष राशीच्या लोकांसाठी बुधाचे संक्रमण संमिश्र परिणाम घेवून येणार आहे. धनसंपत्ती वाढ असून तुमची थांबलेली कामे मार्गी लागतील. पण तुमचा अवास्तव खर्च होणार आहे. काही गोष्टींवर खर्च करायची तुमची इच्छा नसेल पण खर्च होणार. करिअरमध्ये शुभलाभ आहे. प्रगतीच्या अनेक संधी मिळतील. सणाचे दिवस अगदी आनंदात आणि उत्साहात जाणार आहेत.

बुधाचे संक्रमण वृषभ राशीसाठी परदेशाती मार्ग खुला करणार आहे. जे लोक लेखन करतात किंवा शिकवतात त्यांची भरपूर प्रगती होणार आहे. तुमचा इतरांवर प्रभाव पडेल आणि तुम्ही इतरांना खूप मदत कराल. कुटुंबातील प्रत्येक सदस्यासाठी तुम्ही काही चांगल्या गोष्टी करणार आहात. धनतेरसदिवशी होणाऱ्या बुध संक्रमणामुळे धनधान्याची प्राप्ती तसेच करिअरमध्ये प्रगतीचे शुभ योग आहेत.

बुध गोचराच्या शुभ प्रभावामुळे तुमची खिसा भरलेला राहील. तुमच्यासाठी लक्ष्मी नारायण राजयोगाचा शुभ संयोग तुमच्या जीवनात सुख-संपन्नतेचे योग निर्माण करत आहे. तुमच्या घराचा मुख्य दरवाजा उत्तर दिशेत असेल, तर तुम्हाला दीपावलीच्या दिवशी ईशान कोनात गायच्या तूपाचा दीपक प्रज्वलित करावा लागेल. या दरम्यान तुम्हाला उत्तर दिशेला यात्रा करावी लागल्यास तुम्हाला त्या यात्रेत यश मिळेल.

कर्क राशीच्या लोकांसाठी बुधाचे संक्रमण यश आणि सुख समाधान घेवून येणार आहे. जे लोक शिक्षणाच्या क्षेत्रात काम करतात त्यांच्यावर माता लक्ष्मीची कृपा राहील. तुम्ही विवाहित असाल, तर तुमच्या जीवनात शुभ योग आहे. बुध संक्रमणामुळे तुमच्यात एक वेगळाच उत्साह असेल. तुम्ही जर कोणाचे चांगले केल तर भविष्यकाळात तुम्हाला दुपटीने त्याचे फळ मिळेल. तुमची धनसंपत्ती वाढणार आहे.

सिंह राशीच्या लोकांसाठी बुध संक्रमण उत्तम असून तुमची सरकारी कामे मार्गी लागतील. सासरकडून धनलाभाची शक्यता आहे. गाडी खरेदीचे योग तयार होत आहेत. घरासाठी काही वस्तूंची खरेदी कराल. काही गोष्टींच्या बाबतीत आईचा विरोध सहन करावा लागेल. त्यामुळे नुकसान होण्याची शक्यता आहे. पैशांचा दुरुपयोग करू नका, पैसा माता लक्ष्मीचे रूप आहे त्याचा आदर करा.

कन्या राशीच्या लोकांवर बुध संक्रमणाचा शुभ प्रभाव असून तुम्हाला जबरदस्त लाभ होणार आहे. तुमचे बोलणे आणि लिखाण तुम्हाल उन्नतीच्या यशोशिखरावर घेवून जाणार आहे. सगळेजण तुम्हाला कामात मदत करतील त्यामुळे आर्थिक स्थिती उत्तम असेल. तुम्ही डॉक्टर असाल, तर या दरम्यान तुम्हाला विशेष यश मिळेल. भविष्यात तुम्हाला मोठा मानसन्मान किंवा पुरस्कार मिळेल. धनसंपत्तीत वाढ आणि व्यवसायात दुप्पट नफा होणार आहे.

बुध संक्रमणामुळे तुळ राशीचा आर्थिक फायदा होणार आहे. तुम्हाला व्यवसायात धनलाभाचा दुप्पट नफा मिळेल. सासरकडून प्रत्येक प्रकारची मदत उभी राहील. शेअर बाजारात गुंतवणूक करत असाल तर शुभलाभाचे योग आहेत. तुमच्या जीवनात प्रगती आणि योग तयार होत आहेत. माता लक्ष्मीची तुमच्यावर सदैव कृपादृष्टी असेल.

बुधाचे वृश्चिक राशीमधील संक्रमण तुम्हाला आनंद देणार असून तुमचा उत्साह दुपटीने वाढणार आहे. करिअरमध्ये तुमची प्रगती होणार असून नवीन प्रोजेक्ट मिळणार आहेत. तुमच्या बोलण्याचा लोकांवर चांगला प्रभाव पडेल. तुमच्यामधील कला कौशल्य तसेच गुणांमुळे तुम्ही सगळ्यांचे लक्ष वेधून घ्याल. हे संक्रमण तुमच्या जीवनात हास्य घेवून येणार आहे. तुमचा मान सन्मान वाढणार असून शत्रू तुमच्यापासून खूप दूर जातील.

बुधाचे संक्रमण तुमच्यासाठी शुभ असून धन प्राप्तीचे योग तयार होत आहेत. पण तुम्ही कोणासोबत खोटे बोलला असाल किंवा खोटेपणाने वागला असाल तर अचानक खर्च वाढू शकतो. विचारपूर्वक रणनीती तयार करून कामे करा, म्हणजे ती वेळेत आणि निश्चितपणे चांगले परिणाम देतील. वडिलोपार्जीत संपत्तीचा लाभ मिळेल. करिअरमध्ये प्रगती आणि बँक बॅलन्स वाढणार आहे.

बुधाचे संक्रमण मकर राशीसाठी उत्तम असून मुलांच्या विवाहात अडचण येत असेल तर त्यावर तुम्हाला मदत मिळेल. तुम्ही परदेशातही व्यवसाय करत असाल, तर नफा तिपटीने वाढणार आहे. सरकारी नोकरदारांची प्रगती होणार असून आर्थिक स्थिती उत्तम होईल. बुधाचे संक्रमण मकर राशीतील कौशल्य वाढविणार आहे. कोर्टकचेरी संदर्भातील कामे मार्गी लागतील. या संक्रमण काळात नवे मित्र-मैत्रिण यांच्यापासून दूर राहा, नुकसान होण्याची शक्यता आहे.

कुंभ राशीच्या लोकांसाठी बुधाचे संक्रमण चांगले असून जोडीदारासोबत संबंध अधितक दृढ होतील. तुमचे राहणीमान सुधारणार आहे तसेच कठिण प्रसंगी तुम्हाला नशिबाची उत्तम साथ मिळेल. तुमच्या उत्पन्नात वाढ होणार असून नवे प्रोजेक्ट मिळतील. तुम्ही मोठ्या प्रमाणात दानधर्म करणार आहात. जर तुम्ही लेखक, संपादक किंवा ठेकेदार असाल, तर तुमच्या धनसंपत्तीत वाढ होईल.

बुधाचे संक्रमण तुमच्यासाठी ठिक असेल पण नशिबाची साथ फार मिळणार नाही. तुमची कामे वेळेत पार पाडण्यासाठी तुम्हाला खूप मेहनत करावी लागेल. परदेशात जावून प्रयत्न करावे लागतील. जर तुम्ही एखाद्या कामात चूक केली तर बुध संक्रमणाचा तुमच्यावर वाईट परिणाम होवू शकतो. तुमच्या घरात रेडिओ, घड्याळ बिघडलेल्या अवस्थेत असेल तर त्यांना घराबाहेर काढा. या काळात फसवणुरकिची शक्यता आहे तसेच अडचणींचा सामना करावा लागेल.