आजचे अंकभविष्य, 31 ऑक्टोबर 2024: नरकचतुर्दशी ! सकारात्मक विचारांमध्ये वाढ ! रखडलेले पेमेंट होणार ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस चांगला असून तुमचा मानसिक त्रास कमी होणार आहे. आर्थिक दृष्ट्या दिवस चांगला असून धनलाभाचा योग आहे. तुमचे रखडलेले पेमेंट अचानक मिळू शकते. तुम्ही क्रीडा क्षेत्रात असाल तर तुम्हाला उत्तम यश मिळेल. कुटुंबात वातावरण आनंदी असून जोडदारासोबत संबंध अधिक दृढ होतील.

मूलांक 2 असणाऱ्या जातकांसाठी आजचा दिवस उत्तम आहे. तुम्ही प्रगतीचे नवे मार्ग शोधणार आहात. तुम्ही भावुक स्वभावाचे आहात पण अती भावूक होणे चांगले नाही. कुटुंब आणि कार्यस्थळी अती भावूक होवून निर्णय घेवू नका त्यामुळे नुकसान सोसावे लागेल. आज तुम्ही जे काही बोलाल त्याकडे कटाक्षाने लक्ष द्या. तुमचे बोलणे कोणाचे मन दुखावणार नाही याची काळजी घ्या. कुटुंबात वातावरण चांगले असून जोडीदारासोबत फिरायला जाण्याचा योग आहे.

मूलांक 3 असणाऱ्या लोकांसाठी आजचा दिवस चांगला असून तुमच्या ऐपतीनुसार दानधर्म करा. तुमचे विचार आज सकारात्मक असतील. तसेच आज अशा काही लोकांसोबत भेटी होतील जे तज्ज्ञ असून तुमच्यासाठी लाभदायक असतील. व्यापारात धनलाभ आहे. घरातील प्रत्येक व्यक्ती तुमच्या निर्णयाचे स्वागत करेल तसेच जोडीदाराची भक्कम साथ तुम्हाला मिळेल.

मूलांक 4 साठी आजचा दिवस ठिक आहे पण तुमचे विचार आणि बोलणे यात थोडी नकारात्मक भावना असेल. ऑफिस किंवा घरी जर कोणी नकारात्मक बोलत असेल तर त्यापासून दूर राहा. आज काही आर्थिक नुकसान होण्याची शक्यता आहे. व्यापारात कामे वाढतील त्यांचे योग्य नियोजन करा. कुटुंबासोबत संबंध चांगले असतील तसेत जोडीदारासोबत नाते अधिक वृद्धींगत होईल.

मूलांक 5 साठी आजचा दिवस ठिक आहे. व्यवसायात नवीन प्रोजेक्टवर काम करताना अडचणींचा सामना करावा लागतोय पण टेन्शन घेवू नका, तुम्ही अडचणीतू मार्ग काढणार आहात. तब्येतीची खास काळजी घ्यायला हवी कारण पोटाशी संबंधित आजार वाढणार आहेत. कुटुंबासोबत वेळ चांगला जाईल पण जोडीदारासोबत भांडण होण्याची शक्यता आहे. वादविवाद झाला तर तुम्ही शांत राहा आणि सौम्य भाषेचा वापर करा.

मूलांक 6 साठी आजचा दिवस चांगला असून व्यापार वाढविण्यासाठी तुम्हाला नवे मार्ग सापडतील. जे तुम्हाला भविष्यात धनलाभ करून देतील. आर्थिक दृष्ट्या दिवस सामान्य असून गुंतवणुकिचा विचार करू शकता. कुटुंबासोबत एकत्रितपणे मनोरंजनाच्या कार्यक्रमाला जाणार आहात. जोडीदारासोबत संबंध चांगले असतील. घरातील वातावरण उत्तम असेल.

मूलांक 7 साठी आजचा दिवस फारसा ठिक नाही. ऑफिस आणि घरी तुम्हाला कटू अनुभव येण्याची शक्यता आहे. तुमचे विचार करताना सावध आणि सतर्क राहा. तुम्ही नक्की काय बोलताल याचा विचार करा. आज कोणी सल्ला मागितला तरच द्या, उगाचच कोणाच्याही वादात पडू नका. जोडीदाराचा आदर करा तसेच काही गिफ्ट घेवून जा त्यामुळे काही नाराजी असेल तर ती कमी होईल.

मूलांक 8 साठी आजचा दिवस फारसा अनुकूल नाही. आर्थिक दृष्ट्या दिवस ठिक आहे, पण गुंतवणूक करण्याचा विचार करत असाल तर तो विचार पुढे ढकला. व्यापारात कामाचा ताण वाढणार आहे. मुलांच्या भविष्याबद्दल तुमची काळजी वाढेल. आज तुमची काही कामे रखडल्यामुळे तुमची चिडचिड वाढेल, पण अती राग तुमच्यासाठी घातक आहे. तब्येतीची काळजी घ्या.

मूलांक 9 साठी आजचा दिवस चांगला आहे. तुम्ही विचार केलेली सगळी कामे मार्गी लागणार आहेत. तुमचे रखडलेले पेमेंट झाल्यामुळे तुम्ही आनंदी असाल. कुटुंबासोबत तुमचा वेळ व्यतीत करणार आहात. तसेच जोडीदारासोबत फिरायला जाणार आहात. एकूण दिवस चांगला असून तुमच्या मनाप्रमाणे तुम्हाला वागता येणार आहे.