आजचे अंकभविष्य, 1 नोव्हेंबर 2024: प्रत्येक कामात उत्साह ! करिअरमध्ये बदल ! परदेशात व्यवसाय करणार ! जाणून घ्या, अंकशास्त्रानुसार तुमचे राशीभविष्य

मूलांक 1 असलेल्यांसाठी आजचा दिवस चांगला असून तुम्हाला प्रत्येक कामात उत्साह जाणवेल. तुमच्या बोलण्यात नम्रता ठेवा, वादाची परिस्थिती निर्माण झाली तरी तुम्ही शांत राहा. दिवसभर डोकदुखी त्रास देऊ शकते. उच्च रक्तदाबाचा त्रास असेल तर आहारातून मीठ कमी करा. कुटुंबात वातावरण ठिक असेल. कार्याक्षेत्रात कामे मार्गी लागतील.

मूलांक 2 असणाऱ्या जातकांसाठी आजचा दिवस उत्तम असून तुम्हाला आर्थिक लाभ होणार आहे. कुटुंबातील एखादा सदस्य असभ्यपणे वागेल त्यामुळे तुमचे टेन्शन वाढण्याची शक्यता आहे. मित्र परिवार आणि भाऊबंध यांचे सहकार्य प्रत्येक कार्यात मिळेल. आई-वडिलांचे आशिर्वाद तुमच्या कार्यात सफलता देतील.

मूलांक 3 असणाऱ्या लोकांसाठी आजचा दिवस ठिक असेल. धार्मिक कार्यात सहभाग घ्याल. कुटुंबासोबत एखाद्या मंगल कार्यात सहभागी होणार आहात. तुमचा सल्ला सगळ्यांसाठी फायदेशीर ठरणार आहे. करिअऱमध्ये बदल करण्याचा विचार करू शकता. व्यवसायात काही नवे बदल करावी लागतील, त्यासाठी आर्थिक बाजू भक्कम करा.

मूलांक 4 साठी आजचा दिवस सामान्य असून तुमच्या वागण्यावर आणि विचारांवर नियंत्रण ठेवा. आज एखादी आनंदाची बातमी मिळेल. तुम्ही कार्यक्षेत्रात केलेले कामाचा प्रभाव सगळ्यांवर पडेल. तब्येतीची काळजी घ्या आणि खाण्यापिण्याकडे कटाक्षाने लक्ष द्या.

मूलांक 5 साठी आजचा दिवस चांगला असून आज एखाद्या खास व्यक्तीसोबत तुमची भेट होणार आहे. भावंडांसोबत जुन्या आठवणींना उजाळा देणार आहात. तब्येतीबाबत जागृत राहा आणि तुमच्या जीवनशैलीत बदल करा. व्यवसायात नवीन संधी मिळणार आहेत त्याचा लाभ घ्या.

मूलांक 6 साठी आजचा दिवस ठिक आहे तुम्ही जोडीदारासोबत कोणताही वादविवाद करू नका. कपड्यांची खरेदी करणार आहात. तुमचा प्रभाव मित्रांवर राहील. तुमच्या कामाचे कौतुक घरात आणि ऑफिसमध्ये होणार आहे. व्यवसायात चांगला नफा होणार आहे.

मूलांक 7 साठी आजचा दिवस थोडा टेन्शनमध्ये जाणार आहे. तुम्ही घेतलेल्या निर्णयामुळे चांगले बदल होतील. परदेशात व्यापार करण्याच्या निर्णयावर तुम्ही विचार कराल आणि त्यादृष्टीने रणनीती बनवाल. हा व्यवसाय तुम्हाला भविष्यात खूप लाभ देणारा असेल. कुटुंबातील एखादा सदस्य तुम्हाला भावूक करु शकतो. रागावर नियंत्रण ठेवा आणि अपशब्द बोलू नका.

मूलांक 8 साठी आजचा दिवस ठिक आहे पणम विशेष निर्णय आज घेऊ नका. भौतिक सुखात वाढ असेल पण मानसिक ताण तणाव वाढणार आहे. कोणत्यातरी प्रकारच्या संसर्ग होवू शकतो तेव्हा सावध राहा. कार्यस्थळावर सहकारी आज संशयाच्या नजरेने पाहतील पण तुम्ही त्याकडे दुर्लक्ष करा.

मूलांक 9 साठी आजचा दिवस ठिक आहे पण रागावर नियंत्रण ठेवणे खूप गरजेचे आहे. आज रागाचा पार खूप वाढणार आहे पण त्यामुळे कामे बिघडतील तेव्हा सावध राहा. स्पष्टपणे बोलण्याच्या सवयीमुळे तुमचे नवे शत्रू वाढणार आहेत. आज तुम्ही धाडसी निर्णय घेऊ शकता. आज तुम्ही आव्हानात्मक गोष्टी करणार आहात.