Sindhudurg Fire: सिंधुदुर्गात बेकरीला भीषण आग, नगराध्यक्षांचं कार्यालयही जळून खाक, धडकी भरवणारे फोटो समोर

कणकवली, मालवण, कुडाळनमधून अग्निशमन दलाला पाचारण

या आगीचे भीषण रौद्ररूप पाहून तात्काळ कणकवली येथील अग्निशम दलाच्या बंबाबरोबरच मालवण, कुडाळ एमआयडीसी येथील अग्निशमन दलाच्या बंबानाही पाचारण करण्यात आले होते. सकाळी सात ते आठ ते नऊ वाजण्याची सुमारास ही आग पूर्णपणे विझवण्यात यश आलं आहे. ऐन दिवाळीच्या सणातच कणकवली शहरात अग्नीतांडव पाहायला मिळालं यामुळे लाखो रुपयांची हानी झाली आहे. सुदैवाने यामध्ये कोणतेही जीवित हानी झालेली नाही.
UP News: अंधारमय दिवाळी! घराबाहेर सिलिंडरचा स्फोट, हात तुटून लांब फेकला गेला, पतीचा मृत्यू, पत्नी गंभीर
ही आग लागल्याची माहिती कळताच तात्काळ नगराध्यक्ष समीर नलावडे, नगरसेवक अबित नाईक, मंदार मराठे, राजू गवाणकर, राजा कामत, अमेय नायर, भूषण वाडेकर, बाळू सवादे, संजय मालंडकर, चंदू कांबळी, मेडिकल स्टोरचे दादा बर्डे, गवाणकर बंधू आदी व्यापारी स्थानिकांनी ही आग विझवण्यासाठी तात्काळ घटनास्थळी दाखल होत धावपळ करत ही आग विझविण्यासाठी पुढाकार घेतला होता.

कणकवली शहरातील अप्पासाहेब पटवर्धन या मुख्य चौकाच्या परिसरातच ही मोठी बेकरी आहे. शॉर्टसर्किटमुळे ही मोठी आग लागल्याचा प्राथमिक अंदाज व्यक्त करण्यात आला आहे. या आगीत बेकरीचे साहित्य फर्निचर जळून खाक झाले आहे. बाजूलाच बर्डे यांचे मेडिकल स्टोर आहे, हे मेडिकल स्टोर हे या आगीच्या भक्ष्यस्थानी पडले असून लाखो रुपयांची हानी झाली आहे. यावेळी कणकवली पोलीस प्रशासन आणि महसूल प्रशासनाचे कर्मचारीही घटनास्थळी दाखल झाले होते.