Sanjay Raut: महेश सावंत होतील इतक्या मतांनी विजयी होतील, संजय राऊतांनी आकडाच सांगितला…

By tejpolicetimes On Nov 2, 2024

Sanjay Raut News: ”फडणवीसांची सुरक्षा अचानक वाढवली, राज्याच्या गृहमंत्र्यांनी स्वतःची सुरक्षा त्यांनी स्वतःच वाढवली. राज्याचे गृहमंत्री स्वतःच सुरक्षित नाहीत, महाराष्ट्राला चिंता वाटते. राज्यात कायदा व सुव्यवस्था नाही”.

हायलाइट्स:
महेश सावंत होतील इतक्या मतांनी विजयी
संजय राऊतांनी आकडाच सांगितला
राऊत हे पत्रकार परिषदेत बोलत होते

महाराष्ट्र टाइम्स.कॉम

संजय राऊत महेश सावंत

मुंबई : ”दादर माहीम हा शिवसेनेचा बालेकिल्ला आहे तिथे महेश सावंत पंधरा ते वीस हजार मताने विजयी होतील. हे महाराष्ट्राच्या भविष्याची निवडणूक आहे, जनमताचा कौल आम्हाला माहित आहे, असा विश्वास खासदार संजय राऊत यांनी दाखवला. ते सकाळी होणाऱ्या पत्रकार परिषदेत बोलत होते. ज्या मुख्यमंत्र्यांची सुभेदार म्हणून बेकायदेशीर नेमणूक मोदींनी केली. मोदींनी नेमलेला सुभेदार महाराष्ट्र लुटतो आहे त्यामुळे मोदी खुश होतात, मोदींचे ते स्वप्नच आहे”, अशी टीका देखील राऊत यांनी केली.”फडणवीसांची सुरक्षा अचानक वाढवली, राज्याच्या गृहमंत्र्यांनी स्वतःची सुरक्षा त्यांनी स्वतःच वाढवली. राज्याचे गृहमंत्री स्वतःच सुरक्षित नाहीत, महाराष्ट्राला चिंता वाटते. राज्यात कायदा व सुव्यवस्था नाही. देवाभाऊंना नेमका कोणापासून धोका आहे? मुख्यमंत्र्यांपासून धोका आहे का? पुढील पंधरा दिवसात महायुतीमध्ये मुख्यमंत्री पदासाठीचा संघर्ष पहायला मिळेल. ज्यांना आश्वासन दिली होती ती पूर्ण झाली नव्हती त्यांच्यापासून धोका आहे का? राज्याच्या पोलीस महासंचालक रश्मी शुक्ला यांनी याबाबत खुलासा करायला हवा. इथे विरोधी पक्षातील नेते सुरक्षित नाहीत.”

Nawab Malik : …तेव्हा अजित पवार किंगमेकर ठरणार, नवाब मलिक यांचे मोठे विधान

”सोनिया गांधी आणि प्रियंका गांधी यांच्याविषयी भाजप नेते कोणत्या भाषेत बोलले होते, ते जरा चेक करा. भाजपने त्यावेळी ‘इम्पोर्टेड माल’ हा शब्द वापरला होता. त्यावेळी आक्षेप घेतला गेला नाही. आता शायना एन.सी. यांच्यासंदर्भात अरविंद सावंत यांनी स्पष्टीकरण केले आहे. त्यांनी ‘इम्पोर्टेड माल’ हा शब्द वापरला त्याचा अर्थ बाहेरुन आयात केलेला व्यक्ती असा आहे. त्या स्थानिक उमदेवार नाही, असं त्यांना म्हणायचं होतं. त्यांनी केलेलं वक्तव्य गंभीर नाही. अरविंद सावंत यांच्या वक्तव्याचा विपर्यास केला गेला आहे”, असं संजय राऊत यांनी नेहमीप्रमाणे होणाऱ्या पत्रकार परिषदेत सांगितलं.

”बाळासाहेब आंबेडकरांत्या प्रकृतीचे आम्हाला चिंता आहे. त्यांचे विधान सत्तेवर आधारित नाही आरक्षणाला कोणी हात लावणार नाही. भ्रम निर्माण करणारी वक्तव्य त्करू नये, छातीवर ताण येणारे वक्तव्य त्यांनी करू नये. त्यांनी जास्त बोलू नये गेले सात आठ दिवस त्यांनी कमी बोलावे असा वैद्यकीय सल्ला असतो त्यांनी त्यांची प्रकृती सांभाळून महाराष्ट्र आम्ही सांभाळतो”, असं देखील संजय राऊत म्हणाले.

लेखकाबद्दलप्रशांत पाटीलप्रशांत पाटील यांना डिजिटल पत्रकारिता क्षेत्रात ३ वर्षांचा अनुभव आहे. ते ‘महाराष्ट्र टाइम्स ऑनलाइन’मध्ये कंटेंट प्रोड्यूसर म्हणून कार्यरत आहेत. याआधी थोडक्यात, आधान न्यूज वेबपोर्टलमध्ये डेस्कवर काम केलंय. महाराष्ट्रातील घडामोडी बघतात…. आणखी वाचा

Source link