उद्धव ठाकरेंना औरंगजेबाचे नाव घ्यायची लाज वाटते; पहिल्याच सभेत देवेंद्र फडणवीसांंची घनाघाती टीका

उद्धव ठाकरेंवर हल्ला

आज कोल्हपुरात उद्धव ठाकरेंची सभा झाली. ज्यात त्यांनी सुरत लुटीचा उल्लेख केला होता. त्यावर बोलताना फडणवीस म्हणाले, उद्धवजी म्हणाले की- छत्रपती शिवाजी महाराजांचा इंग्रजांवर राग होता म्हणून त्यांनी सुरत लुटली. पण तेव्हा इंग्रज होते कुठे? आता त्यांना औरंगजेबाचे नाव घ्यायची लाज वाटायला लागली, मतांसाठी इतके लांगूलचालन करू लागलात. बाळासाहेब ठाकरे यांच्या नावातील हिंदुहृदयसम्राट हा शब्द तुम्ही काढून टाकले. आज तुम्हाला औरंगजेबाचे नाव घ्यायची लाज वाटू लागली. उद्धवजी या देशातील राष्ट्रवादी मुस्लिम देखील औरंगजेबाला आपला नेता मानत नाही आणि तुम्ही त्याचे नाव देखील घेत नाही, असे सांगत फडणवीसांनी उद्धव ठाकरेंवर हल्ला चढवला.
मधुरिमाराजेंनी माघार का घेतली? खासदार शाहू महाराजांनी २४ तासांनी पत्राद्वारे सांगितले खरं कारण; राजीनामा अन् सतेज पाटलांचा उल्लेख
उद्धव ठाकरे म्हणतात सुरतमध्ये महाराजांचा पुतळा उभा करणार. पण त्यांना माहिती नाही २२ वर्षापूर्वी नरेंद्र मोदींनी सुरतमध्ये शिवाजी महाराजांचा पुतळा उभारला आहे. फडणवीस एवढे बोलून थांबले नाहीत. उद्धव ठाकरेंनी प्रत्येक जिल्ह्यात महाराजांचे मंदिर उभा करू असे म्हटले. त्यावर फडणवीस म्हणाले, उद्धवजी चला तर मग मुंब्रा येथे शिवरायांचे मंदिर उभा करू, तुम्हाला मदत करण्याकरीता आम्ही देखील तयार आहोत. मुख्यमंत्री एकनाथ शिंदेंच्या नेतृत्वात पहिले मंदिर तेथ उभारू.
महाविकास आघाडीने लोकसभा निवडणुकीत बकवासगिरी केली; रामदास आठवलेंची कविता म्हणत जोरदार फटकेबाजी
महाविकास आघाडीतील नेते गुजरात एक नंबरला असल्याचे सांगतात. राज्यातील ज्येष्ठ नेत्यांना काय झाले हे कळत नाही. ते केवळ गुजरातचा विकास झाल्याचे सांगत आहेत. यामुळे गुजरातमध्ये जाहिरात देण्याची गरज लागत नाही. हे नेते गुजरातचे प्रमोशन करत आहेत. हा त्यांचा महाराष्ट्र द्रोह आहे, अशी टीका फडणवीसांनी केली.