सणाचा आनंद साजरा करण्याचा एक नवा फंडा, बॉलिवूडसाठी दिवाळी ठरतेय हिट; सिनेमांची बक्कळ कमाई

दिवाळी शाहरुखची, ईद सलमानची आणि नाताळ आमिर खानच्या सिनेमांचा हा गेल्या काही वर्षांपासूनचं बॉलिवूडचं ठरलेलं सूत्र आहे, पण मध्यंतरीच्या वर्षात हे संपूर्ण चित्रच बदललं आहे. बॉलिवूडचं चालू वर्ष फारसं चांगलं गेलं नसलं तरी सध्या दिवाळीच्या दिवसांतील कामईनं बॉलिवूडला समाधानकारक टेकू दिला आहे, असं म्हणणं वावगं ठरणार नाही. सणासुदीला आणि विशेष दिवशी आपला सिनेमा प्रदर्शित व्हावा; अशी प्रत्येक सिनेनिर्मात्याची इच्छा आणि आग्रह असतो. कारण सिनेमांना सुट्टीच्या दिवसांत बॉक्स ऑफिसवर अधिकाधिक कमाई करता येते. ‘दिवाळी’ हा बॉक्स ऑफिसच्या कमाईच्या दृष्टीनं सर्वात महत्त्वाचा काळ. म्हणून यंदा दिवाळीत अजय देवगण, करिना कपूर-खान, अक्षयकुमार, रणवीर सिंह, दीपिका पादुकोण, टायगर श्रॉफ, कार्तिक आर्यन, माधुरी दिक्षित, विद्या बालन या कलाकारांच्या कलाकृती दिसल्या.

दरवर्षी दिवाळीत मोठे चित्रपट प्रदर्शित होतात आणि ते प्रेक्षकांना खिळवून ठेवण्यात यशस्वी ठरतात; त्यामुळे सिनेकर्त्यांना कायमच दिवाळीचं आकर्षण असतं. यंदा दिवाळीस बॉक्स ऑफिसवर ‘स्टार्स’नी भरलेल्या सिनेमांचा जलवा पाहायला मिळतोय. एकीकडे ‘सिंघम अगेन’ तर दुसरीकडे ‘भूलभुलैय्या ३’नं अवघ्या काही दिवसात १०० कोटी रूपयांचा आकडा पार केला. रोहित शेट्टी दिग्दर्शित आणि अजय देवगण धडाकेबाज भूमिकेत असलेल्या ‘सिंघम अगेन’नं पहिल्या तीन दिवसांत १२१ कोटींची कमाई केली. तर ‘भूलभुलैय्या ३’नंही १०६ कोटी रूपयांचा आकडा गाठला.

बिग बॉस मराठीनंतर स्टार प्रवाहच्या रिॲलिटी शोमध्ये पोहोचला अभिजीत सावंत; समोर आला प्रोमो

गेल्या काही वर्षांचा अभ्यास केला असता दिवाळीत कायमच सिनेमांनी कमाईची आतषबाजी केली आहे. सलमान खानचा ‘टायगर ३’ हा सिनेमा २६० कोटी रूपयांचा गल्ला जमवून दिवाळीच्या सर्वाधिक कमाईच्या यादीत सर्वात वरच्या स्थानी आहे. ‘हाऊसफुल्ल ४’, ‘गोलमाल अगेन’, ‘सूर्यवंशी’, ‘प्रेम रतन धन पायो’, ‘हॅपी न्यू इयर’, ‘क्रिश ३’ हे सिनेमेसुद्धा दिवाळीत प्रदर्शित झाले होते. पण हे सर्व सिनेमे आपल्या दमदार कथानकामुळे नव्हे तर प्रेक्षकांच्या जोशामुळे हिट ठरले; असं सिनेमा व्यावसायिक आणि जाणकार सांगतात. ‘दिवाळीत प्रदर्शित होणारे चित्रपट हा फक्त एक ‘सिनेमॅटिक इव्हेंट’ असतो. प्रत्येक वर्षी दिवाळीत प्रेक्षक चित्रपटगृहांत गर्दी करतात, जणू सणाचा आनंद साजरा करण्याचा तो एक नवा फंडाच झाला आहे. यावर्षी ‘सिंघम अगेन’ आणि ‘भूलभुलैया ३’नं यशाचे एक नवीन मापदंड आखले आहेत.

शिवसेना शिंदे गटाचे उपनेते शरद पोंक्षेंचा मनसे उमेदवारांसाठी प्रचार, जोरदार टीका करत मुख्यमंत्र्याना यांना घरचा आहेर
० कमाईची आतषबाजी
दिवाळीत सर्वाधिक कमाई करणारे बॉक्स ऑफिस हिट्स…

– टायगर ३: सलमान खान आणि कतरिना कैफ ही जोडी असलेल्या या अॅक्शन-ड्रामा सिनेमानं भारतीय बॉक्स ऑफिसवर २६०.२५ कोटी रूपयांची कमाई केली होती.

– हाऊसफुल ४: अक्षयकुमार, रितेश देशमुख, बॉबी देओल, पूजा हेगडे, कृती सेनन या कलाकारांचा समावेश असलेल्या ‘हाऊसफुल ४’नं २०५.५० कोटी रुपयांची कमाई केली होती. हा अक्षयकुमारच्या कारकिर्दीतील सर्वाधिक गल्ला जमवणारा सिनेमा आहे.

– गोलमाल अगेन: २०१७मध्ये आलेल्या रोहित शेट्टी दिग्दर्शित ‘गोलमाल अगेन’नं २०५.५० कोटी रूपयांचा आकडा गाठला होता.

– सूर्यवंशी: रोहित शेट्टी दिग्दर्शित आणि अक्षयकुमार अभिनीत या चित्रपटानं २०२१मध्ये १९५.५० कोटी रूपयांची कमाई केली होती.

– प्रेम रतन धन पायो: सलमान खान आणि सूरज बडजात्याच्या यांच्या २०१५मध्ये प्रदर्शित झालेल्या या सिनेमानं १९४.२५ कोटी रूपयांचा गल्ला जमवला.

– हॅपी न्यू इयर: शाहरूख खानचा २०१४च्या दिवाळीत प्रदर्शित झालेल्या सिनेमानं १७८.५० कोटी रूपयांची कमाई केली होती.

० दमदार दिवाळी टक्कर

दिवाळी हा काळ बॉक्स ऑफिसवर दोन मोठ्या चित्रपटांमध्ये होणाऱ्या टक्करसाठी प्रसिद्ध आहे. यंदा ‘सिंघम अगेन’ आणि ‘भूलभुलैय्या ३’ हे दोन चित्रपट आमनेसामने आले होते. यापूर्वीदेखील अनेकदा बॉक्सऑफिसवर दिवाळीच्या दिवसांत ‘क्लॅश’चे फटाके फुटले आहेत.

– सिंघम अगेन विरूद्ध भूलभुलैय्या ३ (२०२४)

– सिक्रेट सुपरस्टार विरूद्ध गोलमाल अगेन (२०१७)

– शिवाय विरूद्ध ऐ दिल है मुश्किल (२०१६)

– जब तक है जान विरूद्ध सन ऑफ सरदार (२०१२)

– गोलमाल ३ विरूद्ध अॅक्शन रिप्ले (२०१०)

– गोलमाल रिटर्न्स विरूद्ध फॅशन (२००८)

– ओम शांती ओम विरूद्ध सावरिया (२००७)

– डॉन विरूद्ध जान-ए-मन (२००६)

– वीर झारा विरूद्ध ऐतराज (२००४)

– गदर विरूद्ध लगान (२००१)

– मोहब्बतेन विरूद्ध मिशन कश्मीर (२०००)

– बडे मियाँ छोटे मियाँ विरूद्ध कुछ कुछ होता है (१९९८)