पंतप्रधान नरेंद्र मोदींनी पोस्ट शेअर केली, पण…’द साबरमती रिपोर्ट’ची चार दिवसांत फक्त इतकीच कमाई

देशात घडलेल्या एक गंभीर घडनेवर हा सिनेमा बेतला आहे. याघटनेवरून देशात झालेलं राजकारण सगळ्यांनी पाहिलं.त्यामुळं ही घटना नेहमीच चर्चेत राहिली आहे. सिनेमाच्या टीमने देखील जोरदार प्रमोशन केल्याचं दिसून आलं. १५ सप्टेंबर रोजी हा सिनेमा प्रदर्शित झाला. पण पहिल्या चार दिवसात सिनेमाची जादू बॉक्स ऑफिसवर चालल्याचं दिसून आलं नाहीये.निराशाजनक असे बॉक्स ऑफिसवरचे आकडे आहेत.

‘द साबरमती रिपोर्ट’ नं पहिल्या दिवशी १.२५ कोटींची कमाई केली होती. तर दुसऱ्या दिवशी काही टक्के वाढ कमाईत झाली होती. दुसऱ्या दिवशी चित्रपटानं २.१ कोटींची कमाई केली होती. तर तिसऱ्या दिवशी ही कमाई तीन कोटी इतकी होती. तर चौथ्या दिवशी पुन्हा सिनेमाच्या कमाईत घट झाल्याचं चित्र आहे.‘द साबरमती रिपोर्ट’ ने रिलीज च्या चौथ्या दिवशी १.१० कोटींची कमाई केली आहे.

वीकेंडला आकडे वाढल्याचं दिसून आलं, पण सोमवारी मात्र सिनेमाची खरी परीक्षा असते, तिथं मात्र ,सिनेमा मागे पडल्याचं दिसून आलं. आता दुसऱ्या आठवड्यातही सिनेमाची फार काही कमाई होईल, असं वाटतं नसल्याचं म्हटलं जात आहे. माऊथ पब्लिसिटीमुळे काही जादू झाल्यास चित्र बदलू शकतं, अशीही चर्चा आहे.

द केरला स्टोरी, द कश्मीर फाईल्स यांसारख्या सिनेमांना सुरुवातीला कमी प्रतिसाद मिळाला होता. मात्र माऊथ पब्लिसिटीमुळे सिनेमाची जोरदार चर्चा झाली होती. त्यानंतर दोन्ही सिनेमांची बॉक्स ऑफिसवर बक्कळ कमाई झाली होती.

गोध्रा हत्याकांड हे अपघात होतं की, घातपात? असा प्रश्न निर्माण करून या सिनेमाचं प्रमोशन करण्यात आलं होतं. या सिनेमात अभिनेता विक्रांत मेस्सी मुख्य भूमिकेत आहे. तसंच रिद्धी डोगरा आणि राशी खन्ना यांच्याही महत्त्वाच्या भूमिका आहेत.धीरज सरना यांनी या सिनेमाचं दिग्दर्शन केलंय.