Marriage Gun Milan : लग्न जुळवण्यासाठी पत्रिकेत ३६ पैकी किती जुळणे योग्य? जाणून घ्या

Astrology Patrika Milan :

लग्नसराईचा काळ सुरु झाला असून अनेकजण लगीन घाईच्या तयारीत आहेत. या काळात बरेच अविवाहित मंडळी आपल्यासाठी जोडीदार शोधत असतात. मुला-मुलींनी पंसत केल्यावर कुंडली जुळवणे फार महत्त्वाचे आहे.

हिंदू धार्मिक ग्रंथांनुसार जेव्हा एखादा मुलगा आणि मुलगी लग्न करतात तेव्हा त्यांच्या कुंडली जुळवणे हा भविष्यातील समस्या टाळण्याचा एकमेव मार्ग आहे. दोघांच्या कुंडली जुळल्या की, गुणांची जुळणी, मंगळ दोष, नाडी दोष पाहिले जाते.

जन्माच्या वेळी ग्रहांची स्थिती लक्षात घेऊन ही पत्रिका बनवली जाते. लग्नाच्या वेळी मुलगा आणि मुलगी यांची पत्रिका जुळवली जाते. वैवाहिक दृष्टिकोनातून पत्रिकेचा पूर्णपणे अभ्यास करुन ती जुळवली जाते. यामध्ये मृत्युषडाष्टक योग, अष्टकूट, दशा कल्पना यांसारख्या गोष्टी देखील पाहिल्या जातात. एक चरण किंवा एक नाडी असल्यास लग्न करणे योग्य आहे का हे देखील पाहिले जाते.जाणून घेऊया लग्न जुळवण्यासाठी ३६ पैकी किती गुण जुळणे आवश्यक आहे.

लग्नापूर्वी कुंडली जुळवणे का महत्त्वाची?

ज्योतिषशास्त्रानुसार कुंडलीत नाडी दोष, मंगळ दोष, गण दोष या गोष्टी पाहिल्या नाही तर वधु-वरांच्या वैवाहिक जीवनात समस्या येतात. यासाठी ज्योतिषशास्त्रानुसार या सगळ्या गोष्टींची तपासणी केल्यानंतर लग्न करायला हवी.

लग्नासाठी किती गुण जुळणे आवश्यक?

• ज्योतिषशास्त्रानुसार मुलगा किंवा मुलीचे लग्न करण्यापूर्वी मंगळ दोष, नाडी दोषासह गुण मिलन तपासणे आवश्क आहे. कुंडलीत ३६ गुण जुळणे उत्तम असते. जर मुलगा आणि मुलीचे गुण ३२ ते ३६ पर्यंत जुळत असतील तर ती सर्वोत्तम कुंडली जुळते.
• लग्न करण्यासाठी किमान १८ गुण असणे आवश्यक आहे. जर १८ पेक्षा कमी गुण जुळल्यास जीवनात दुःख आणि समस्या येतात. वैवाहिक संबंध लवकरच तुटतात. तसेच लग्नाआधी मुला-मुलींचा मंगळ दोष पाहिला जातो.
• वधु- वराच्या कुंडलीत १, ४, ७, ८ किंवा १२ व्या घरात मंगळ किंवा त्याची महादशा असेल तर मुला- मुलींची कुंडली जुळली जाते. जन्मकुंडलीत गुण आणि दोष यांचा मेळ साधला जातो.