Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Venus Transit in December 2024 : डिसेंबरमध्ये शुक्राचे राशी परिवर्तन ! नवीन वर्ष सुरु होण्याआधीच 5 राशींची भरभराट, बँक बॅलन्स वाढणार !
Shukrache Sankraman December madhe: डिसेंबर महिन्यात शुक्र ग्रह दोन वेळा राशी बदलणार आहेत. २ डिसेंबर रोजी शुक्र धनु राशीतून मकर राशीत येईल तर २८ डिसेंबरला शुक्र कुंभ राशीत प्रवेश करेल. शुक्र ग्रह सौभाग्यकारक आणि शुभ ग्रह मानला जातो. नवीन वर्ष सुरू होण्यापूर्वी शुक्र ग्रहाचे दोन वेळा होणार राशी परिवर्तन एक शुभ संकेत घेवून येत आहे. २०२५ वर्ष वृषभ आणि कुंभसह ५ राशींसाठी भरभराट आणि प्रगती करणारे ठरणार आहे. या राशींसाठी व्यावसायिक जीवनात प्रगतीच्या अनेक संधी येणार असून कौटुंबिक जीवनात सुख-समाधान असेल. चला तर मग पाहुयात शुक्राचे दोनवेळा होणारे राशी परिवर्तन कोणत्या ५ राशींसाठी लाभदायक आहे.
मेष राशी: करिअरमध्ये प्रगती, व्यवसायात लाभ
मेष राशींसाठी शुक्राचा कुंभ राशीत प्रवेश म्हणजे एक वरदान असेच म्हणवे लागेल. शुक्राच्या राशी परिवर्तनामुळे या राशीच्या जातकांसाठी चांगल्या दिवसांची सुरूवात होईल. मेष राशींसाठी हे संक्रमण करिअरमध्ये प्रगती आणि व्यवसायात मोठा लाभ घेवून येत आहे. आर्थिक परिस्थितीत सुधारणा असून अचानक धनलाभाची संधी मिळेल. नवीन व्यवसाय सुरू करण्यासाठी वेळ चांगली आहे तुमचा लाभ होईल
वृषभ राशी: बॉसकडून प्रशंसा, नोकरीची नवीन संधी
वृषभ राशींसाठी शुक्राचे परिवर्तन शुभलाभा घेवून येणार आहे. या राशीच्या लोकांसाठी नोकरीत बढती किंवा प्रगतीचे योग असून व्यवसायात उत्तम नफा आहे. नोकरीच्या अनेक संधी समोर येतील. ऑफिसमध्ये तुमचे कौतुक होईल तसेच बॉसकडून खास प्रशंसा होणार आहे. प्रत्येक कामात नशिबाची साथ असेल. तुमची आर्थिक परिस्थिती सुधारणार असून गुंतवणूक कराल. तुम्ही एखाद्या खास प्रोजेक्टमध्ये यशस्वी व्हाल. जोडीदारासोबत नाते अधिक दृढ होईल.
तुळ राशी: सरकारी नोकरी करणाऱ्यांना विशेष लाभ
शुक्राचे कुंभ राशीत होणारे संक्रमण तुळ राशीच्या लोकांसाठी अत्यंत लाभदायक आहे. पण प्रेमाच्या बाबतीत थोडा नाराजीचा सुर असेल. जमीन, वाहन किंवा घर यासंदर्भात तुमच्या मनात ज्या काही सकारात्मक गोष्टी आहेत त्या व्यवस्थित पार पडतील. आईसोबत नाते अधिक दृढ होईल. घरात मानसिक समाधान आणि शांतता मिळेल. सरकारी नोकरी किंवा व्यापाराशी संबंधित असलेल्या लोकांना या काळात विशेष लाभ होणार आहे. तुमचे पेडींग पेमेंट होईल किंवा कोणाला उधार पैसे दिले असतील तर ते मिळतील.
मकर राशी: परदेशातून आनंदी बातमी मिळणार
मकर राशीच्या लोकांसाठी शुक्राचे कुंभ राशीमधील परिवर्तन धन संपत्तीत वाढ आणि सुख- समाधाव घेवून येणार आहे. जोडीदारासोबत प्रेमळपणे वागण्याचा प्रयत्न करा अन्यथा मतभेद वाढू शकतात. सासरी काही वाद सुरु असतील तर ते मिटतील आणि वातावरण आनंदाचे असेल. तुम्ही जो काही काम करण्याचा विचार केला आहे त्यात काही अडचण येण्याची शक्यता आहे. परदेशातून आनंदाची बातमी मिळेल. पत्नीच्या नावाने केलेली गुंतवणूक लाभ देईल. पार्टनरशीप आणि नवीन करार शक्यतो करु नका.
कुंभ राशी: कर्जाची वसुली, धनलाभाची संधी
शुक्राचे संक्रमण कुंभ राशीच्या जातकांसाठी अनपेक्षित आर्थिक लाभ घेवून येणार आहे. तुम्ही कोणाला कर्ज दिले असेल तर ते वसुल होईल. धनलाभाचे योग आहेत. जोडीदारासोबत फिरायला जाणार आहात पण प्रवासात काळजी घ्या तसेच सावध राहा. तुमच्या कामात अडथळे येण्याची शक्यता आहे. नशिबाची साथ या काळात मिळणार असून नवीन संधी येतील. एखाद्या नव्या योजनेची किंवा कामाची सुरुवात होईल, जी भविष्यात लाभदायक ठरेल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते…. आणखी वाचा