Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
What is the meaning of Shambhu : भगवान शंकराला अनेक नावांनी ओळखले जाते. सोमवारी भगवान शंकराची पूजा अर्चना केली जाते. तसेच रुद्राभिषेक, जलभिषेकही केला जातो. शंकराच्या विविध नावांपैकी एक नाव शंभू. भगवान शिव यांना शंभू असे म्हटले जाते. कारण ते स्वत:पासून उत्पन्न झाले आहेत.ते स्वत:मध्ये पूर्ण आहेत. त्यांच्या उत्पत्तीचे दुसरे कोणतेही कारण नाही.
Why is lord shiva called shambhu :
भगवान शंकराला अनेक नावांनी ओळखले जाते. सोमवारी भगवान शंकराची पूजा अर्चना केली जाते. तसेच रुद्राभिषेक, जलभिषेकही केला जातो. शंकराच्या विविध नावांपैकी एक नाव शंभू.
भगवान शिवाचे नाव त्यांच्या उत्पत्तीचे रहस्य प्रकट करते. शंभू हे नाव जगाच्या कल्याणासाठी आणि इतिहासासाठी महत्त्वाचे मानण्यात आले आहे. शंभू हा शब्द संस्कृतमधून आला आहे. ज्यामध्ये शम म्हणजे कल्याण आणि भू म्हणजे उत्पत्ती. कल्याण किंवा कल्याणाचा स्त्रोत.
भगवान शिव यांना शंभू असे म्हटले जाते. कारण ते स्वत:पासून उत्पन्न झाले आहेत.ते स्वत:मध्ये पूर्ण आहेत. त्यांच्या उत्पत्तीचे दुसरे कोणतेही कारण नाही.
शिव-शंभूचे धार्मिक अध्यात्मिक महत्त्व
भगवान शिवाला त्याच्या कल्याणकारी स्वभावामुळे शंभू असे म्हटले जाते. त्यांच्या नावातून करुणा आणि दया व्यक्त होते. आपल्या भक्तांचे दु:ख दूर करुन त्यांना सुख-शांती प्रदान करतो. शंभू हे नाव शिवाच्या शांती आणि स्थिरतेचे प्रतीक आहे. भगवान शिव हे संहारच करत नाही तर सृष्टी आणि त्याच्या निर्मितीमध्ये महत्त्वाची भूमिका बजावतात. प्रत्येक गोष्टीचा अंत झाल्यानंतरच त्याची सुरुवात होते. शंभू हे नाव परोपकारी हेतूचे प्रतिबिंब दर्शवते.
भगवान शंकर हे ध्यान आणि समाधीचे देव आहेत. जे मोक्ष देणारे मानले जातात. ते भक्तांना सांसारिक बंधनातून मुक्त करतात. शंभू हे रुप साधकांना ध्यान, तपश्चर्या आणि भक्तीद्वारे परम आनंद आणि शांतीचा अनुभव देते. वेद आणि उपनिषेधामध्ये भगवान शिवाला शंभू या नावाने संबोधण्यात आले आहे. जे त्यांच्या दैवी शक्ती आणि गुणांचे प्रतीक आहे. शिवपूजेत शंभू नामाचा जप केल्याने भक्तांना मानसिक शांती आणि आध्यात्मिक बळ मिळते.
शिव-शंभूचा पौराणिक संबंध
भगवान शिवाच्या शंभू नावाचा अर्थ कल्याणकारी आहे. काही कल्याणकारी कार्यांचा उल्लेख या नावाने पुराणकथांमध्ये आणि मान्यतांमध्ये करण्यात आला आहे. सतीच्या कल्याणासाठी तपश्चर्या केल्यामुळे आणि पार्वतीचा पुनर्जन्म झाला. सतीबद्दल अतूट प्रेम आणि त्यागामुळे भगवान शंकराला शंभू असे म्हटले गेले.
रावणाला वरदान देणे, भस्मासुरापासून विश्वाचे रक्षण करणे आणि आपल्या भक्तांच्या कल्याणासाठी भगवान शंकर नेहमी शंभू स्वरुपात प्रकट होतात. शिवाने हलाहल विष पिऊन देव आणि दानवांचे रक्षण केले. हे त्याचे शंभू रुप म्हणून ओळखले जाते. भगवान शिवांना शंभू हे उपकार, शांतीदाता आणि विश्वाचा पालनकर्ता म्हटले जाते. शिवाचे शंभू रुप आपल्याला शांती आणि आनंद देते तसेच आंतरिक ज्ञान आणि देवाशी जोडते. यामुळे यामुळेच भगवान शंकराच्या या गुणांची उपासना करणाऱ्याच्या मुखावर ‘हर-हर शंभू’ नावाचा जप कायम राहतो.
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस…. आणखी वाचा