Astro Tips For Job : नोकरी टिकवायची कशी? नोकरीत समस्यांचा डोंगर…! गुरुवारी करा हे उपाय

ज्योतिष शास्त्रानुसार, गुरुवारी एक हळकुंड घ्या आणि झोपताना ते उशी खाली ठेवा. यामुळे नोकरीतील अडचणी किंवा नवीन नोकरी शोधताना होणाऱ्या अडचणी दूर होतील. या उपायामुळे कुंडलीतील गुरु ग्रहाची स्थितीही मजबूत होईल.

गुरुवारी हळदी आणि केशराचा टीळा लावल्याने अनेक फायदे होतात. हळद आणि केशर मिक्स करून तुम्ही टीळा लावला तर धनसंपत्तीसह तुमच्या सौंदर्यात वाढ होते. नोकरी आणि व्यवसायातील अडचणींपासून मुक्ती मिळते तसेच गुरू ग्रह मजबूत होवून उत्तम प्रगती होते.

जर नोकरी मिळवण्यात अडचणी येत असतील किंवा ऑफिसमध्ये काही समस्या येत असतील तर रविवारी मीठाचे सेवन करू नका. तुम्ही रविवारी अळणी पदार्थांचे सेवन करा. ज्योतिष शास्त्रानुसार, रविवार हा सूर्य ग्रहाचा दिवस मानला जातो. या दिवशी मीठाचे सेवन टाळले तर शरीर निरोगी राहते. ऑफिसमध्ये बॉससोबतचे संबंध सुधारतात, कारण बॉसचा संबंध हा सूर्यदेवाशी आहे.

नोकरीत खूप समस्या येत आहेत आणि हा त्रास कमी करायचा असेल तर गुरुवारी गायीला गूळ, चणा आणि डाळ खायला द्या. दररोज गायीला गोड पोळी किंवा भाकरी खायला द्यावी. यामुळे जीवनाच्या प्रत्येक क्षेत्रात प्रगती होते तसेच तुम्ही जे काही काम कराल त्यात यश मिळेल. गायीला गोड पोळी किंवा भाकरी खाऊ घातल्याने जीवनातील अडचणी कमी होतात.

करिअरमध्ये उत्तम प्रगती हवी असेल तर पौर्णिमेच्या दिवशी उपवास करा. संध्याकाळी चंद्राला दूध अर्पण करून नंतर भोजन ग्रहण करा, असे केल्यामुळे कुंडलीतील चंद्र ग्रहाची स्थिती मजबूत होते तसेच नोकरीत तुम्हाला उत्तम यश मिळते. वरिष्ठ अधिकारी आणि सहकमर्चाऱ्यांसोबत संबंध चांगले राहतात. याचा फायदा तुम्हाला वेळोवेळी मिळतो.