Tej Police Times
Mauni Amavasya 2025 : मौनी अमावस्येला करा या झाडांची पूजा, पितरांना मिळेल मोक्ष, दु:खापासून होईल सुटका
What is the Speciality of Mauni Amavasya : हिंदू धर्मात अमावस्या तिथी स्नान आणि दानासाठी अत्यंत महत्त्वाची मानली जाते. अमावस्या तिथी भगवान विष्णूच्या पूजेबरोबरच पितरांना नैवेद्य दाखवण्यासाठी आणि पिंडदानासाठी विशेष मानली जाते. सर्व अमावस्या तिथींपैकी मौनी अमावस्या ही सर्वात मोठी अमावस्या मोठी मानली जाते. या अमावस्येच्या दिवशी कोणत्या झाडाची पूजा करायला हवी, ज्यामुळे पितरांचा आशीर्वाद कायम तुमच्यावर राहिल जाणून घेऊया.
हिंदू धर्मात अमावस्या तिथी स्नान आणि दानासाठी अत्यंत महत्त्वाची मानली जाते. अमावस्या तिथी भगवान विष्णूच्या पूजेबरोबरच पितरांना नैवेद्य दाखवण्यासाठी आणि पिंडदानासाठी विशेष मानली जाते. सर्व अमावस्या तिथींपैकी मौनी अमावस्या ही सर्वात मोठी अमावस्या मोठी मानली जाते.
पौष अमावस्येला मौनी अमावस्या म्हणून ओळखले जाते. ही अमावस्या वर्षातली पहिली अमावस्या म्हणून ओळखली जाते. या दिवशी पितरांचे स्मरण करुन तर्पण विधी केले जाते. त्यामुळे पितरांना मोक्ष मिळतो असे शास्त्रात म्हटले आहे.
यंदा मौनी अमावस्या ही २९ जानेवारीला असणार आहे. या अमावस्या तिथीला गंगास्नासोबतच दान करण्याचेही खूप महत्त्व मानले जाते. या अमावस्येच्या दिवशी कोणत्या झाडाची पूजा करायला हवी, ज्यामुळे पितरांचा आशीर्वाद कायम तुमच्यावर राहिल जाणून घेऊया.
तुळशी
हिंदू धर्मात तुळशीला विशेष महत्त्व आहे. मौनी अमावस्येच्या दिवशी तुळशीजवळ दिवा लावून पूजा करावी. तसेच तुळशीच्या रोपाला लाल धागा बांधावा. असे केल्याने जीवनातील अनेक समस्यांपासून सुटका होईल. कच्चे दुध पाण्यात मिसळून तुळशीला अर्पण केल्याने आशीर्वाद मिळतो.
पिंपळाचे झाड
अमावस्येच्या दिवशी पिंपळाच्या झाडाची पूजा करणे शुभ मानले जाते. असे म्हटले जाते की, पिंपळाच्या झाडाखाली त्रिमूर्तीचा वास असतो. मौनी अमावस्येच्या दिवशी पिंपळाच्या झाडाची पूजा करावी. तसेच दूध अर्पण करुन सात वेळा प्रदक्षिणा घालावी. दिवा लावून पूर्वजांचे स्मरण करावे.
बेलपत्र
मौनी अमावस्येला बेलपत्राच्या झाडाची पूजा करणे खूप फायदेशीर मानले जाते. हे झाड भगवान शंकराला प्रिय मानले जाते. मौनी अमावस्येला बेलपत्राची विधिवत पूजा करुन जल अर्पण करावे. यामुळे जीवनात चांगले परिणाम मिळतात. तसेच या दिवशी हे रोप लावल्याने फायदा होतो.
लेखकाबद्दलकोमल दामुद्रेकोमल दामुद्रे मागच्या साडेचार वर्षांपासून डिजिटल मीडियामध्ये लिखाण करत आहे. लाईफस्टाइल, टेक, ऑटो, धार्मिक, प्रवास आणि बिझनेस क्षेत्रातील विविध विषयांवर लिखाण. मागच्या दोन वर्षांपासून धार्मिक विषयांवर लिखाण करत आहे. कालनिर्णयमध्ये संपादकीय सहाय्यक. कालनिर्णय सांस्कृतिक दिवाळी अंक, कालनिर्णय मुख्य एडिशन, कालनिर्णय आरोग्य व कालनिर्णय स्वादिष्ट यावर काम करण्याचा अनुभव. यापूर्वी कोमलने २०१९ मधील लोकसभा निवडणुकांसाठी पीआर म्हणून काम केले. कोमल ला कामाव्यतिरिक्त सोशल मीडियाच्या माध्यमातून कविता आणि लेख लिहायला आवडतात. नवीन पुस्तके आणि धार्मिक गोष्टी वाचण्यात अधिक रस.… आणखी वाचा