Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

पाकिस्तानी अभिनेत्रीच्या सिनेमाचा भारतात बोलबाला! 'सनम तेरी कसम' ९ वर्षांनी चर्चेत; किती झाली कमाई?

15

Sanam Teri Kasam Rerelease Box Office Collection Day 4: ‘सनम तेरी कसम’ हा सिनेमा २०१६ पहिल्यांदा रीलिज झाला होता आणि आता फेब्रुवारी २०२५ मध्ये या सिनेमाची जादू नव्याने अनुभवाया मिळते आहे.

हायलाइट्स:

  • ९ वर्षांनी पुन्हा रीलिज झालाय ‘सनम तेरी कसम’
  • बॉक्स ऑफिसवर २२ कोटींहून अधिक कमाई
  • हर्षवर्धन राणे-मावरा होकेनचा सिनेमा चर्चेत
महाराष्ट्र टाइम्स.कॉम

मुंबई: सध्या बॉक्स ऑफिसवर नव्याने रीलिज झालेल्या चित्रपटांची नव्हे, तर ९ वर्षांपूर्वीच्या आता रीरीलिज झालेल्या सिनेमाची चर्चा रंगली आहे. हा सिनेमा म्हणजे ‘सनम तेरी कसम’, जो अलीकडेच ७ फेब्रुवारी रोजी पुन्हा एकदा रीलिज करण्यात आला. २०१६ मध्ये जेव्हा हा चित्रपट रीलिज झालेला, तेव्हा बॉक्स ऑफिसवर म्हणावी तशी कमाई झाली नव्हती. आता रीरीलिजनंतर मात्र ‘सनम तेरी कसम’ची दणक्यात कमाई सुरू आहे. अवघ्या ४ दिवसात या चित्रपटाने २२ कोटींहून अधिक गल्ला कमावला. राधिका राव आणि विनय सप्रू यांनी दिग्दर्शित केलेल्या या रोमँटिक सिनेमाने रीरीलिजच्या पहिल्या दिवशी ५.१४ कोटी रुपये कमावले होते. आता चार दिवसांनी ही कमाई २२.०९ कोटी रुपये झाली आहे. जाणून घ्या या चित्रपटाची प्रत्येक दिवसाची किती झाली आहे कमाई?

‘सनम तेरी कसम’ची प्रत्येक दिवसाची कमाई

७ फेब्रुवारी, पहिला दिवस- ५.१४ कोटी
८ फेब्रुवारी, दुसरा दिवस- ६.२२ कोटी
९ फेब्रुवारी, तिसरा दिवस- ७.२१ कोटी
१० फेब्रुवारी, चौथा दिवस- ३.५२ कोटी
एकूण कमाई- २२.०९ कोटी रुपये

‘सनम तेरी कसम’ने सोमवारी १० फेब्रुवारी रोजी ३.५२ कोटीचा आकडा गाठला, तर दुसरीकडे अलीकडेच रीलिज झालेल्या ‘लव्हयापा’ आणि ‘बॅडअॅस रवीकुमार’ या चित्रपटांनी मात्र अनुक्रमे ५५ लाख रुपये आणि ६० लाख रुपयांची कमाई केली आहे. त्यामुळे रीरीलिज झालेला हा सिनेमा त्यांच्यावर भारी पडला, असे म्हटले तरी वावगे ठरणार नाही. Sacnilk ने ही आकडेवारी दिली आहे.

हर्षवर्धन राणे-मावरा होकेन मुख्य भूमिकेत

‘सनम तेरी कसम’ या ट्रॅजिक लव्ह स्टोरीतील इंदर आणि सरू या पात्रांनी प्रेक्षकांच्या मनावर अधिराज्य केले. या भूमिका अभिनेता हर्षवर्धन राणे आणि पाकिस्तानी अभिनेत्री मावरा होकेन यांनी साकारल्या. दीपक मुकूट यांची निर्मिती असणाऱ्या ‘सनम तेरी कसम’ने २०१६ मध्ये बॉक्स ऑफिसवर विशेष कमाई जरी केली नसली, तरी त्यानंतर इंटरनेटवर या सिनेमाने प्रचंड प्रेम मिळवले. यातीत गाणी आणि संवाद हिट ठरले आणि परिणामी पुन्हा रीलिज झाल्यानंतर सिनेमाने चांगला फायदा मिळवला आहे. २०१६ मध्ये या चित्रपटाने जवळपास ९ कोटींची कमाई केली होती, आता चार दिवसात ही कमाई २२ कोटींच्या पलीकडे गेली आहे.

जान्हवी भाटकर

लेखकाबद्दलजान्हवी भाटकरजान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. ‘न्यूज १८ लोकमत’मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.आणखी वाचा

Source link

Leave A Reply

Your email address will not be published.