Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
साप्ताहिक आर्थिक राशिभविष्य 17 फेब्रुवारी To 23 फेब्रुवारी 2025 : गजकेसरी योगामुळे मेष, वृषभ सह 6 राशींचे नशिब चमकणार ! प्रोजेक्ट यशस्वी, व्यवसायात दुप्पट लाभ ! जाणून घ्या, तुमचे राशिभविष्य
Weekly Career Horoscope, 17 February To 23 February 2025 : फेब्रुवारीच्या या आठवड्यात ग्रहांचा अत्यंत शुभ संयोग तयार होत असून, या आठवड्यात गजकेसरी योगासह त्रिग्रह योग तयार होतो आहे. येणारा आठवडा मेष, वृषभ, मिथुनसह ५ राशींसाठी शानदार असून प्रत्येक कामात यश आहे. करिअरमध्ये प्रगती तसेच व्यवसायात दुप्पट नफा असेल. चला तर करिअर आणि व्यवसायाच्या दृष्टीने हा आठवडा सर्व राशींसाठी कसा असेल, कोणत्या राशी भाग्यवान आहेत ते पाहूया. जाणून घेऊया या आठवड्याचे आर्थिक राशीभविष्य.
तुम्ही जे काम हातात घेणार ते वेळेत पूर्ण करणार. भरपूर धनसंपत्ती मिळण्याचा योग आहे. चला तर, जाणून घेवूया मेष ते मीन राशींसाठी साप्ताहिक आर्थिक आणि करिअर राशीफळ कसे असेल.
मेष साप्ताहिक आर्थिक राशिफल: योजना यशस्वी होणार
मेष राशीच्या लोकांना कार्यक्षेत्रात प्रगती होईल आणि व्यापारात तुम्हाला नशिबाची साथ राहील. तुम्हाला यश प्राप्त होईल आणि तुमच्या योजना यशस्वी होतील. या आठवड्यात प्रवासातून यश मिळेल, तसेच तुम्ही कुटुंबासोबत प्रवासाला जाण्याचे निश्चित कराल. पण प्रवासाबद्दलचा निर्णय विचारपूर्वक घ्यावा. या आठवड्यात आर्थिक खर्च अधिक होऊ शकतात, तसेच घरातील ज्येष्ठ व्यक्तीच्या आजारावरही जास्त खर्च होऊ शकेल. तुमचा निष्काळजीपणा महागात पडू शकतो. कुटुंबातील एखाद्या युवकामुळे तुमचे कष्ट वाढतील. आठवड्याच्या अखेरीस एखाद्या बाबीवरून मनात अस्वस्थता राहील आणि कामात मन लागणार नाही.
वृषभ साप्ताहिक आर्थिक राशिभविष्य : प्रोजेक्ट यशस्वी होणार
वृषभ राशीच्या लोकांना नशिबाची साथ राहील, आणि कार्यक्षेत्रातील दोन प्रोजेक्ट तुम्हाला फार चांगले परिणाम देतील. प्रकृतीत सुधारणा होईल. या आठवड्यात केलेला प्रवास तुमच्यासाठी यश घेऊन येईल आणि तुमचे मन प्रसन्न राहील. एखाद्या नव्या ठिकाणी प्रवासाला जाण्याचे निश्चित कराल. कुटुंबात समाधानी वातावरण राहाण्यासाठी तुम्हालाही प्रयत्न करावे लागतील. या आठवड्यात कार्यलयात तुम्ही खुलेपणाने मत मांडू शकणार नाही. या आठवड्यात तुम्ही शॉपिंगमध्येही व्यस्त असाल. आठवड्याच्या अखेरीस नवी सुरुवात होईल, त्यामुळे जीवनात सुखसमृद्धी येईल.
मिथुन साप्ताहिक आर्थिक राशिभविष्य : थांबलेली कामे पूर्ण होणार
मिथुन राशीच्या लोकांना आर्थिक विषयात हा आठवडा अनुकूल राहील, आणि तुम्ही भागीदारीत भाग घेऊ शकता. या आठवड्यात गुंतवणुकीतून लाभ होतील आणि तुमची थांबलेली कामे पूर्ण होतील. तुम्ही तुमच्या जीवनात फार आनंदी असाल. कुटुंबात तुमचा मान वाढेल आणि कार्यालयातही सन्मान मिळेल. या आठवड्यात केलेल्या प्रवासातून शुभ फळ मिळतील, आणि थांबलेली कामे पूर्ण झाल्याने मन फार प्रसन्न राहील. कार्यक्षेत्रात एखाद्या मातृतुल्य महिलेमुळे कष्ट वाढतील. प्रकृतीत हळूहळू सुधार होईल. आठवड्याच्या अखेरीस जीवनात सुखसमृद्धीच्या अनेक संधी मिळतील.
कर्क साप्ताहिक आर्थिक राशिभविष्य : यशाचे मार्ग खुले होणार
कर्क राशीच्या लोकांची कार्यक्षेत्रात प्रगती होईल, आणि तुमचे प्रोजेक्ट यशस्वी करण्यात तुम्ही सक्षम राहाल. या आठवड्यात प्रगतीचे योग बनत आहेत. यशाचे मार्ग खुले होतील. या आठवड्यात तुम्हाला करिअरमध्ये लाभ होण्याचे योग आहेत, आणि काही शुभसंधी तुमच्या जीवनात येतील. एखादी सुखद वार्ता मिळेल. या आठवड्यात खर्च जास्त होतील, त्यामुळे तुम्हाला गुंतवणुकीकडे लक्ष देण्याची गरज आहेत. या आठवड्यात प्रवास टाळणे योग्य राहील. कुटुंबातील एखाद्या मुलामुळे त्रास वाढू शकतील. आठवड्यात प्रकृतीत सुधार होईल. आठवड्याच्या अखेरीस सुखसमृद्धीचे बरेच योग बनताना दिसत आहेत.
सिंह साप्ताहिक आर्थिक राशिभविष्य : विचार करून निर्णय घ्यावेत
सिंह राशीच्या लोकांना आर्थिक विषयांत लाभ होतील आणि तुमच्या योजना यशस्वी होतील. प्रकृतीकडे लक्ष दिले तर तुम्ही बरेच फिट राहाल आणि दीर्घकाळ कार्यरत असाल. भविष्याचे नियोजन करून पुढे जाल तर तुम्हाला लाभ होईल, आणि तुम्ही पैशांची गुंतवणूक करू शकाल. प्रवास या आठवड्यात टाळणे योग्य राहील, प्रवास काळात फसवणूक होऊ शकते. कार्यक्षेत्रात कष्ट वलाढू शकतात, त्यामुळे संयमाने प्रोजेक्ट हाताळले तर चांगले परिणाम समोर येतील. आठवड्याच्या अखेरीस विचार करून निर्णय घ्या, चांगले परिणाम मिळतील.
कन्या साप्ताहिक आर्थिक राशिभविष्य : प्रत्येक कामात नशिबाची साथ
कन्या राशीच्या लोकांना नशिबाची साथ राहील आणि या आठड्यात आर्थिक बाबतीत तुमची थांबलेली कामे पूर्ण होतील, त्यामुळे मन प्रसन्न राहील. एखादा नवीन प्रोजेक्ट तुम्हाला यशाचा मार्ग दाखवले, तसेच हा नवीन प्रोजेक्ट दीर्घकाळापर्यंत तुम्हाला शुभ परिणाम देत राहील. एखाद्या वैवाहिक समारंभात सहभागी होण्याची संधी मिळेल. आर्थिक बाबतीत सुरुवातीला तुमच्या मनात काही संशय राहील, अखेरीस यश मिळेल. आठवड्यात प्रकृतीत सुधारणा होईल आणि तुमचे मन प्रसन्न राहील. नवी सुरुवात होईल आणि सुखसमृद्धीचे योग बनतील. या आठवड्यात प्रवास टाळला तर योग्य राहील. कुटुंबात एखाद्या पितृतुल्य व्यक्तीमुळे कष्ट वाढू शकतील. आठवड्याच्या अखेरीस तुमच्या विचारवर ठाम राहा.
तूळ साप्ताहिक आर्थिक राशिभविष्य : प्रोजेक्टमध्ये यश मिळेल
तूळ राशीच्या लोकांना कार्यक्षेत्रात प्रगती होईल आणि हातातील प्रोजेक्टमध्ये मिळालेल्या यशामुळे तुम्हाला समाधान वाटेल. कुटुंबातील सदस्यांत आपापसांतली प्रेमात वृद्धी होईल, त्यासाठी तुम्हालाही प्रयत्न करावे लागतील. प्रकृतीत चांगली सुधारणा होईल तसेच तंदुरुस्ती जाणवेल. हा आठवडा यशस्वी होण्यात एखाद्या मातृतुल्य महिलेची मदत मिळेल. कुटुंबातील काही सदस्य तुमच्यावर वरचढ होण्याचा प्रयत्न करतील. आठवड्याच्या अनावश्यक कटकटी वाढतील. कोणताही निर्णय न विचार करता घेऊ नका.
वृश्चिक साप्ताहिक आर्थिक राशिभविष्य : कामात जोखीम चांगला लाभ देणार
वृश्चिक राशीच्या लोकांना आर्थिक बाबतीत या आठवड्यात लाभ होण्याची अपेक्षा आहे आणि तुमची थांबलेली कामे पूर्ण होतील. करिअर आणि व्यापारात स्वतःच्या मनाचे ऐकून निर्णय घेतला तर लाभ होतील. कार्यक्षेत्रात थोडी जोखीम पत्करली तर तुम्हाल अधिक लाभ होतील. आर्थिक खर्च जास्त असतील आणि भावनिक कारणांमुळे खर्च अधिक होऊ शकतील. कुटुंबात अनावश्यक वादविवाद वाढू शकतात, तुम्हाला याकडे लक्ष द्यावे लागेल. आठवड्याच्या अखेरीस तुम्ही दिलेला शब्द पूर्ण होऊ शकणार नाही, त्यामुळे तुम्हाला बॅकअप प्लॅन तयार ठेवावा लागेल.
धनू साप्ताहिक आर्थिक राशिभविष्य : प्रवासामुळे शुभफल प्राप्ती
धनू राशीच्या लोकांना या आठवड्यात आर्थिक बाबतीत कटूगोड अनुभव येतील. या आठवड्यात केलेला प्रवास शुभफल घेऊन येईल आणि प्रवासात मन प्रसन्न होईल. कौटुंबिक बाबतीत अहंकारामुळे संघर्ष निर्माण होऊ शकतो, तो टाळणे तुमच्यासाठी लाभाचे ठरेल. कार्यक्षेत्रात भागीदारीत केलेली कामे यशस्वी होतील, पण काही प्रकरणात मात्र तुमची धावपळ वाढू शकते. आर्थिक बाबतीत सर्वसाधारण यश मिळेल, आणि आर्थिक स्थितीमुळे मन चिंतेत राहील. आठवड्यात प्रकृतीत चढउतार राहतील, तुम्हाला या बाबीकडे लक्ष द्यावे लागेल. आठवड्याच्या अखेरीस परिस्थितीत सुधार होईल आणि जीवनात यश मिळवाल. प्रियजनांसोबत बाहेर फिरायला जाण्याचे निश्चित कराल.
मकर साप्ताहिक आर्थिक राशिभविष्य :प्रोजेक्ट यशस्वी, ऑफिसमध्ये कौतुक
मकर राशीच्या लोकांना लाभ आणि सन्मानाचा दिवस आहे. कार्यक्षेत्रात प्रगती होईल आणि मान, सन्मानही वाढेल. या आठवड्यातील ग्रहांचे संक्रमण तुमच्या बाजूने निर्णय घेऊन येतील आणि तुमचे प्रोजेक्ट यशाच्या मार्गाने पुढे जातील. कुटुंबात हळूहळू परिस्थितीत अनुकूल बनत जाईल. या आठवड्यातील प्रवास ऍडव्हेन्चरने भरलेला असेल. आर्थिक बाबतीत स्थिती ठीक असेल आणि हळूहळू वाढ होईल. आठवड्याच्या अखेरीस जीवनात बरेच बदल पाहायला मिळतील.
कुंभ साप्ताहिक आर्थिक राशिभविष्य : धनलाभासह जीवनात सुखशांती
कुंभ राशीच्या लोकांना आर्थिक दृष्टिकोनातून वेळ अनुकूल राहील आणि धनलाभाच्या चांगल्या संधी या आठवड्यात बनत आहेत. तुमचे प्रियजन तुम्हाला आर्थिक बाबतीत मदत करतील. एखाद्या मातृतुल्य महिलेच्या मदतीने जीवनात सुखशांतीचा अनुभव घ्याल. कार्यक्षेत्रात भागीदारीतून काही अडचणी निर्माण होतील. या आठवड्यात प्रवासातून शुभ परिणाम समोर येतील. कुटुंबात भावनिक बाबतीत वेळ कठीण होऊ शकते. रुबाबदार व्यक्तिमत्व असलेली व्यक्ती तुम्हाला आठवड्याच्या अखेरीस मदत करेल.
मीन साप्ताहिक आर्थिक राशिभविष्य : कार्यक्षेत्रात कष्ट वाढतील
मीन राशीच्या लोकांना या आठवडा सुख, समृद्धीचे शुभ योग बनतील. या आठवड्यात प्रवास यशस्वी होईल, तसेच प्रवास काळात मदतही मिळेल. प्रेमसंंबंधात संवादातून विषय सोडवण्याकडे लक्ष द्यावे, त्यातून चांगले परिणाम समोर येतील. कार्यक्षेत्रात कष्ट वाढतील आणि तुमचा विश्वासघात होऊ शकतो. आर्थिक विषयांत खर्चाची स्थिती अधिक राहील. या आठवड्यात भावनिक बाबतीत वेळ कठीण राहील, याचा प्रतिकूल परिणाम आरोग्यावर होऊ शकतो. या आठवड्यात तुम्ही नेटवर्किंगवर भर द्याल.
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते.… आणखी वाचा