'छावा' सिनेमाच्या वादळात 'सनम तेरी कसम' गाठणार ५० कोटीचा टप्पा? ९ दिवसात झाली एवढी कमाई

‘छावा’ सिनेमाच्या रीलिजनंतर चित्र बदलले

७ फेब्रुवारी २०२५ रोजी हा सिनेमा पुन्हा रीलिज करण्यात आला आणि सिनेमाने पहिल्या दिवसापासूनच दणक्यात कमाई केली. १४ फेब्रुवारीपासून मात्र हे चित्र बदललेले दिसले, कारण या दिवशी विकी कौशलचा ‘छावा’ सिनेमा रीलिज झाला आहे. ‘छावा’ सिनेमाचे वाढते शो आणि लोकप्रियता पाहता ‘सनम तेरी कसम’ची कमाई काही प्रमाणात घसरली आहे. असे असले तरी चाहत्यांकडून अंदाज वर्तवला जातोय की, हा चित्रपट ५० कोटीचा आकडा पार करेल.

‘सनम तेरी कसम’ने रीलिजच्या पहिल्या दिवशी ५.१४ कोटी रुपयांची जबरदस्त ओपनिंग केली होती. १५ फेब्रुवारी रोजी शनिवारी या सिनेमाची कमाई केवळ १ कोटीच्या आसपास झाली आहे. आता रीलिजनंतर ९ दिवसांनी ही कमाई ३४.२९ कोटी रुपयांवर पोहोचली आहे. सिनेमाच्या टीमकडून याविषयी पोस्ट शेअर करण्यात आली आहे. त्यावर चाहत्यांनी कमेंट करत हा सिनेमा ५० कोटीचा आकडा गाठेल, अशी अपेक्षा व्यक्त केली आहे.

दरम्यान जेव्हा २०१६ साली हा चित्रपट रीलिज झाला होता, तेव्हा या चित्रपटाने फक्त ९ कोटींचा गल्ला कमावलेला आणि सिनेमाला फ्लॉप ठरवण्यात आलेले. मीडिया रिपोर्टनुसार ‘सनम तेरी कसम’चे बजेट २५ कोटी रुपये आहे आणि रीरीलिजची कमाई बजेटपेक्षा किती तरी जास्त आहे.

छत्रपती संभाजी महाराजांच्या नावे दुमदुमली थिएटर्स, पहिल्याच दिवशी छावाची बंपर कमाई, विकी कौशलच्या नावे ६ रेकॉर्ड

‘छावा’ सिनेमाची जबरदस्त कामगिरी

विकी आणि रश्मिका मंदाना यांची मुख्य भूमिका असणाऱ्या या चित्रपटाने रीलिजच्या पहिल्या दिवशी ३३.१ कोटी रुपये कमावले, तर दुसऱ्या दिवशी ही कमाई ३९.३ कोटींवर पोहोचली आहे. पहिल्या रविवारी (१६ फेब्रुवारी) या कमाईत आणखी वाढ होण्याची अपेक्षा आहे. अवघ्या दोन दिवसात या सिनेमाचे भारतातील कलेक्शन ७२.४ कोटी झाल्याने, तिसऱ्या दिवशीच १०० कोटींचा टप्पा गाठला जाण्याची शक्यता आहे.