Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Weekly Career Horoscope, 3 March To 9 March 2025 : मार्च महिन्याच्या पहिल्या आठवड्यात गजकेसरी राजयोग तयार होत असून हा योग अत्यंत शुभ मानला जातो. मिथुन, कन्या आणि तुळसह या राशींसाठी गजकेसरी राजयोग लाभदायक असून व्यवसायात दुप्पट लाभ होईल. तुम्ही जे काम हाती घ्याल ते वेळेत पूर्ण कराल. ऑफिसमध्ये तुमचे कौतुक असेल आणि मान-सन्मान वाढेल. चला तर, जाणून घेवूया मेष ते मीन राशींसाठी साप्ताहिक आर्थिक आणि करिअर राशीफळ कसे असेल.
मेष साप्ताहिक आर्थिक राशिभविष्य – धनलाभाचे योग, प्रवासात सतर्क राहा
या आठवड्यात आर्थिक स्थिती सुधारणार असून धनलाभाचे योग आहेत. या आठवड्यात केलेली गुंतवणूक तुमच्यासाठी चांगला परतावा घेवून येणार आहे. तब्येतीत सुधारणा होईल तसेच घरातील प्रत्येकजण तुमच्या तब्येतीची काळजी घेईल. लवलाइफ रोमांटिक असून सुखद अनुभव येतील. ऑफिसच्या कामात काही अडचणी आहेत, त्यामुळे टेन्शन वाढेल. घरातील ज्येष्ठ मंडळींची काळजी घ्या. नातेसंबंध जपा आणि वादविवादापासून दूर राहा. या आठवड्यात प्रवास करताना जरा सावध रहा, कारण काही संकट येण्याची शक्यता आहे. आठवड्याच्या शेवटी तुम्ही खूप व्यस्त राहणार आहात.
शुभ दिन: 1,3,4,5, 7
वृषभ साप्ताहिक आर्थिक राशिभविष्य – कामात उत्साह वाढेल, प्रवासात लाभ
या आठवड्यात तुमच्या तब्येतीत सुधारणा असून तुम्हाला काम करताना उत्साह जाणवेल. प्रवासाचा योग असून त्यातून उत्तम लाभ मिळेल. कुटुंबातील नातेसंबंध अधिक दृढ राहण्यासाठी तुम्हाला प्रयत्न करावे लागतील. लव लाइफमध्ये सुखद अनुभव असून नाते अधिक दृढ होईल. कामाच्या बाबतीत काही अडचणी येतील पण तुम्ही त्यावर मात करणार आहात. या आठवड्यात अहंकारामुळे आर्थिक बाबतीत थोडा त्रास होवू शकतो. आठवड्याच्या शेवटी तुमची कामे मार्गी लागतील तसेच घरातील तरुण मंडळी तुम्हाला कामात मदत करतील.
शुभ दिन: 1,4, 6
मिथुन साप्ताहिक आर्थिक राशिभविष्य – कामे मार्गी लागणार, खर्चात वाढ
ऑफिसच्या कामात प्रगती असून सगळी कामे मार्गी लागतील. तुम्ही जे काम हाती घ्याल ते या आठवड्यात नक्की पूर्ण होईल. तुम्ही एखाद्याला मदत करणार आहात. लवलाइफमध्ये नवीन सुरुवात असून तुम्हाला मानसिक समाधान मिळेल. प्रियजनांसोबत सुखद वेळ व्यतीत करणार आहात तसेच पार्टीच्या मूडदेखील असेल. प्रवासात थोडा त्रास आहे त्यामुळे शक्य झाले तर प्रवासा टाळावा. आर्थिक खर्च जास्त होणार आहे. या आठवड्यात सांधेदुखीचा त्रास होवू शकतो. आठवड्याच्या शेवटी तुम्हाला झोपेसंबंधी अडचणी येऊ शकतात आणि
मनात भीती वाढू शकते.
शुभ दिन: 1,2,5
कर्क साप्ताहिक आर्थिक राशिभविष्य – प्रोजेक्ट वेळेत पूर्ण होणार, तब्येत सांभाळा
ऑफिसच्या कामात प्रगती असून तुम्ही जो प्रोजेक्ट करत आहात त्यावर तुमचे पूर्ण नियंत्रण असेल तसेच प्रोजेक्ट वेळेत पूर्ण होईल. या आठवड्यात प्रवासांमुळे तुम्हाला यश मिळेल. कुटुंबात सुख समाधान कायम रहावे म्हणून तुम्ही अथक प्रयत्न करणार आहात. आर्थिक बाबतीत कठीण वेळ असेल आणि खर्च वाढू शकतात. लवलाइफमध्ये अहंकार आडवा येईल, तेव्हा काळजी घ्या. या आठवड्यात आहारावर लक्ष देणे गरजेचे आहे. पचनाचे आजार डोके वर काढणार आहेत. आठवड्याच्या शेवटी तुम्हाला सुख समाधान मिळेल.
शुभ दिन: 2,6, 7
सिंह साप्ताहिक आर्थिक राशिभविष्य – आर्थिक स्थिती उत्तम, प्रवास टाळावा
या आठवड्यात नोकरी आणि व्यवसायात प्रगती होणार आहे. तुम्ही अधिक विचारपूर्वक आणि समजून केलेले काम तुम्हाला यशोशिखरावर घेवून जाणार आहे. आर्थिक बाबतीतही हा आठवडा शुभ असून धनलाभाचे योग आहेत. लवलाइफ रोमँटिक असून नाते अधिक दृढ होईल. तब्येतीत सुधारणा असेल पण आहाराकडे लक्ष ठेवा. या आठवड्यात कुटुंबामध्ये कोणाचा तरी बाहेरील हस्तक्षेप वाढेल, त्यामुळे वातावरण अशांतता निर्माण होऊ शकते. प्रवास टाळण्याचा प्रयत्न करा. आठवड्याच्या शेवटी सुख-समृद्धीचे योग आहेत.
शुभ दिन: 1,2,3, 7
कन्या साप्ताहिक आर्थिक राशिभविष्य – मान-सम्मानात वाढ, खर्च वाढणार
या आठवड्यात तुमच्या कामात प्रगती होईल आणि मान-सम्मान वाढेल. लवलाइफ ठिक असून त्यात अनेक सकारात्मक बदल होतील. आर्थिक बाबतीत खर्च वाढू शकतात पण तुम्ही गुंतवणुक करण्यात यशस्वी होणार आहात. तब्येतीची काळजी घ्या कारण सर्दी-खोकला होऊ शकतो. प्रवास टाळा तसेच घरातील प्रत्येक सदस्यासोबत प्रेमाने संवाद साधा. आठवड्याच्या शेवटी मानसिक समाधान मिळेल.
शुभ दिन: 1,2,7
तुळ साप्ताहिक आर्थिक राशिभविष्य – नोकरीत उत्तम प्रगती, मानसन्मान वाढेल
प्रत्येक कामात नशिबाची साथ असेल तसेच नोकरीत उत्तम प्रगती आहे. मान-सम्मानात वाढ झाल्यामुळे मानसिक समाधान मिळेल. या आठवड्यात प्रोजेक्ट वेळेत पूर्ण होतील. या आठवड्यात प्रकृतीत सुधारणा असून तुम्ही आहाराकडे लक्ष देणे गरजेच आहे. कुटुंबात सुखसमाधान असेल तसेच वातावरण आनंदी असेल. लवलाइफ उत्तम असून नातेसंबंध दृढ होतील. या आठवड्यात केलेल्या प्रवासामुळे चांगला लाभ असेल. आर्थिक खर्च जास्त असून आठवड्याच्या शेवटी तुम्ही पार्टी मूडमध्ये असाल.
शुभ दिन: 2,3,4, 7
वृश्चिक साप्ताहिक आर्थिक राशिभविष्य – प्रोजेक्ट वेळेत पूर्ण होणार
नोकरी किंवा व्यवसायात प्रगती होईल आणि तुमचा मान-सम्मान वाढेल. या आठवड्यात तुमचे प्रोजेक्ट वेळेवर पूर्ण होतील. तुम्ही यशाच्या मार्गावर वाटचाल करणार आहात. आर्थिक बाबतीत काही अडचणी येऊ शकतात किंवा अचानक खर्च वाढू शकतात. आठवड्याच्या शेवटी मानसिक समाधान असेल. घरात सुख-शांती असेल.
शुभ दिन: 1,2,5,6,7
धनु साप्ताहिक आर्थिक राशिभविष्य – नवीन प्रोजेक्टला सुरुवात करा, धनलाभाचे योग
नवीन प्रोजेक्टला या आठवड्यात सुरुवात करु शकता. तुम्हाला त्याचे चांगले परिणाम मिळतील. आर्थिक बाबतीत वेळ अनुकूल असून एखाद्या महिलेमुळे धनलाभाचे योग आहेत. लवलाइफ चांगली असून सुखद अनुभव येतील. या आठवड्यात प्रवास टाळा. या आठवड्यात अशी वेळ येवू शकते की कुटुंबात तुम्ही एकटे पडला आहात तसेच मन खूप अस्वस्थ असेल. तब्येतीची काळजी घ्या आणि आहाराकडे लक्ष द्या. आठवड्याच्या शेवटी अहंकाराची बाधा तुम्हाला होवू शकते, त्यापासून स्वतःचा करा.
शुभ दिन: 1,2,3
मकर साप्ताहिक आर्थिक राशिभविष्य – धनलाभाचा योग, गुंतवणुक करणार
आर्थिक बाबतीत वेळ अनुकूल असून धनलाभाचा शुभ योग आहे. तुम्ही गुंतवणुकिचा विचार करु शकता. ऑफिसच्या कामात प्रगती असून प्रोजेक्ट यशाच्या मार्गाने वाटचाल करणार आहे. लवलाइफ चांगली असून तुम्ही एकमेकांना चांगला वेळ देणार आहात. तुमच्या तब्येतीमध्ये सुधारणा दिसून येईल. प्रवास टाळावा कारण धावपळीमुळे त्रासाची शक्यता आहे. नवे प्रोजेक्ट येत आहेत तेव्हा कामाेच नियोजन नीट करावे. आठवड्याच्या शेवटी मानसिक समाधान मिळेल.
शुभ दिन: 1,3,5,7
कुंभ साप्ताहिक आर्थिक राशिभविष्य – कामात प्रगती, खर्चात वाढ
या आठवड्यात तुम्हाला चांगले आणि वाईट दोन्ही अनुभव येणार आहेत. ऑफिसच्या कामात प्रगती असून गुंतवणुकीद्वारे फायदे मिळतील. कुटुंबात आनंदाचं वातावरण असेल तसेच एक नवीन दृष्टिकोन घेऊन कुटुंबातील समस्येवर तुम्ही काम करणार आहात. प्रवासाद्वारे यश मिळेल आणि प्रवास करताना सुख समृद्धीचे योग दिसत आहेत. या आठवड्यात तुम्हाला गुंतवणुकींमध्ये चांगला लाभ मिळेल पण काही खर्च होऊ शकतात. लवलाइफ मनाची अस्वस्थता वाढवेल. तब्येतीत सुधारणा आहे पण सांधेदुखीचा त्रास होवू शकतो.
शुभ दिन: 5,6,7
मीन साप्ताहिक आर्थिक राशिभविष्य – मेहनतीचे फळ मिळणार
या आठवड्यात तुम्हाला संयमाने निर्णय घेणे गरजेचे आहे. काम पूर्ण करण्यासाठी खूप मेहनत करावी लागेल पण मेहनतीचे फळ मिळेल. आर्थिक बाबतीत अहंकारामुळे अडचण निर्माण होऊ शकते, सावध राहा. लवलाइफमध्ये वादविवाद टाळा. तब्येतीकडे लक्ष द्या खास करुन जंक फूड खाणे टाळावे. या आठवड्यात तुम्ही कुटुंबाच्या बाबतीत जरा जास्तच काळजी करणार आहात. आठवड्याच्या शेवटी तुम्हाला चांगली बातमी मिळेल आणि मानसिक समाधान मिळेल.
शुभ दिन: 2,7
लेखकाबद्दलअनिता किंदळेकरअनिता किंदळेकर जवळपास १५ वर्षांपासून प्रिंट, टेलिव्हिजन आणि डिजीटल माध्यमात पत्रकार, कंटेट रायटर, एआय लँग्वेज टुटर, भाषांतरकार, ब्लॉगर, म्हणून कार्यरत आहे. बातम्यांसह विविध विषयांवर लेख लिहीणे आणि भाषांतराचा उत्तम अनुभव आहे. विशेष करुन आध्यात्मिक, धार्मिक आणि सण-वार-उत्सव यासंबंधी अचूक माहिती घेवून सोप्या भाषेत वाचकांपर्यंत पोहोचवण्यात पारंगत आहे. एआयसाठी विविध विषयांवर आधारित कन्टेन्ट तयार करणे आणि रेकॉर्डिंग केले आहे. वाचन,मेडिटेशन, योगामध्ये रुची असून कथा लेखन करायला आवडते. अनेकदा ब्लॉगच्या माध्यमातून ती आपल्या भावना व्यक्त करते.… आणखी वाचा