Tej Police Times
साप्ताहिक राशीभविष्य 10 to 16 march 2025: या सप्ताहात तुमच्यासाठी काय फायदेशीर असणार ! जाणून घ्या, साप्ताहिक राशीभविष्य | Maharashtra Times
Weekly Prediction, 10 to 16 march 2025 : 10 ते 16 मार्च दरम्यान वृषभ, मेष,तुळ,धनु या राशींसाठी हा आठवडा संमिश्र परिणाम देणारा आहे. मेष राशीला मिळणार नोकरीत उत्तम संधी तर कर्क राशीला मिळणार जोडीदाराची साथ. चला तर पाहूया मेष ते मीन राशीसाठी हा सप्ताह कसा असेल.
मेष – नोकरीत चांगल्या संधी मिळतील
मेष राशीच्या लोकांसाठी हा आठवडा थोडा त्रासदायक असणार आहे. आठवड्याच्या सुरुवातीला तुम्हाला नोकरी आणि करिअर, व्यवसाय इत्यादीसाठी चांगल्या संधी मिळतील. तुम्ही तुमचा वेळ आणि एनर्जी योग्य ठिकाणी वापरल्यास अपेक्षित यश मिळेल. या आठवड्यात तुम्हाला तुमच्या कामाच्या ठिकाणी सहकार्य मिळेल. नोकरदार महिलांना या आठवड्यात ऑफिस आणि घरामध्ये संतुलन राखण्यात अडचणी येऊ शकतात.आठवड्याच्या उत्तरार्धात व्यावसायिकांना अपेक्षित नफा तर मिळेलच शिवाय व्यवसाय वाढवण्याच्या संधीही मिळतील. स्पर्धा परीक्षांची तयारी करणाऱ्यांना चांगली बातमी मिळेल. वैवाहिक जीवन आनंदी असेल तसेच कुटुंबासोबत छान वेळ घालवाल. आरोग्य सामान्य राहील.भाग्यशाली रंग : काळा भाग्यशाली अंक : 7
वृषभ – प्रवास करताना सामान सांभाळा
वृषभ राशीच्या लोकांना या आठवड्यात त्यांच्या बोलण्यावर आणि वागण्यावर नियंत्रण ठेवावे लागेल कारण त्यांच्या बोलण्याने आणि वागण्यानेच याकाळात त्यांचे काम बनले जाईल किंवा बिघडलेही जाईल. आठवड्याच्या सुरुवातीला घरातील आणि बाहेरील किरकोळ गोष्टींकडे दुर्लक्ष करणे चांगले राहील.कामाच्या ठिकाणी तुमचे विरोधक तुमच्या ध्येयापासून तुमचे लक्ष विचलित करण्याचा प्रयत्न करू शकतात. या काळात तुम्हाला इच्छा नसतानाही प्रवास करावा लागू शकतो. प्रवासादरम्यान तुम्हाला तुमच्या आरोग्याची आणि सामानाची विशेष काळजी घ्यावी लागेल.आठवड्याच्या मध्यात घरातील कामावर तुमच्या बजेटपेक्षा जास्त खर्च केल्याने चिंता वाढेल. प्रेमसंबंधांच्या बाबतीत हा आठवडा तुमच्यासाठी थोडा कठीण असू शकतो. जोडीदारासोबत एखाद्या गोष्टीबाबत गैरसमज निर्माण होऊ शकतो. मात्र आठवड्याच्या अखेरीस तुमच्या प्रेमाची गाडी पुन्हा एकदा रुळावर धावताना दिसेल.भाग्यशाली रंग : पिवळा भाग्यशाली अंक : 11
मिथुन – वाद करणे टाळा
मिथुन राशीच्या लोकांना या आठवड्यात एखाद्या कामात यशस्वी होण्यासाठी जास्त मेहनत आणि प्रयत्न करावे लागतील.आठवड्याच्या सुरुवातीला कोणाशीही वाद घालणे टाळावे. कौटुंबिक प्रश्न सोडवताना वाद ऐवजी संवादाचा अवलंब करा. यावेळी आरोग्याची विशेष काळजी घ्यावी लागेल कारण वायरल निगडित आजारांना बळी पडू शकता. करिअर आणि व्यवसायात अपेक्षित प्रगती न झाल्याने मन थोडे चिंताग्रस्त राहील. नको असलेल्या ठिकाणी बदली झाल्यामुळे किंवा जबाबदारी मिळाल्याने नोकरदार लोक थोडे त्रस्त होतील. आठवड्याच्या उत्तरार्धात करिअर किंवा व्यवसाया संदर्भात प्रवास घडेल. या काळात तुम्हाला कुटुंब आणि मित्रांकडून पूर्ण सहकार्य मिळेल. प्रेमसंबंधात असाल तर तुमचे कुटुंबीय तुमच्या प्रेमविवाहाला मंजुरी देतील. भाग्यशाली रंग : हिरवा
भाग्यशाली अंक : 10
कर्क – जोडीदाराची साथ मिळेल
या आठवड्यात कर्क राशीच्या लोकांना चिंता बाजूला ठेवून चिंतनाच्या मदतीने सर्व आव्हानांवर मात करावी लागेल. सप्ताहाच्या सुरुवातीला कौटुंबिक गोष्टींबद्दल मन थोडे चिंतेत राहील. या आठवड्यात तुम्हाला व्यवसायात काही आव्हानांचा सामना करावा लागू शकतो. बाजारात अडकलेले पैसे तुमच्या चिंतेचे एक मोठे कारण बनू शकेल.नोकरदार लोकांनाही कामाच्या ठिकाणी काही अडचणी आणि अडथळ्यांना सामोरे जावे लागू शकते. उत्पन्नापेक्षा खर्च जास्त होईल. आठवड्याच्या उत्तरार्धात जमीन-घराशी संबंधित वाद सोडवताना वरिष्ठ किंवा हितचिंतकांच्या सल्ल्याकडे दुर्लक्ष करण्याची चूक करू नका. आरोग्याचीही विशेष काळजी घ्या आणि वाहन काळजीपूर्वक चालवा. या काळात आजार, दुखापत होण्याची शक्यता आहे. जुना आजार पुन्हा उद्भवू शकतो. प्रेमसंबंधात असताना जोडीदाराच्या भावनांकडे दुर्लक्ष करणे टाळा. विशेषत: तुमच्या प्रेमप्रकरणांची चर्चा करणे टाळा अन्यथा तुम्हाला समस्यांना सामोरे जावे लागू शकते. मात्र कठीण काळात तुमचा जोडीदार सावलीप्रमाणे तुमच्यासोबत राहील.भाग्यशाली रंग : तपकिरी भाग्यशाली अंक : 8
सिंह – कामात शॉर्टकट नको
सिंह राशीच्या लोकांना या आठवड्यात कोणत्याही कामात यश मिळविण्यासाठी जास्त मेहनत आणि प्रयत्न करावे लागतील. या आठवड्यात नशिबावर अवलंबून राहण्याची चूक करू नका अन्यथा सुवर्णसंधी गमवाल. कामाच्या ठिकाणी गुप्त शत्रूंपासून विशेष काळजी घ्या तसेच कामात शॉर्टकट स्वीकारण्याची चूक करू नका अन्यथा तुम्हाला नंतर अडचणींना सामोरे जावे लागू शकते. व्यवसायात कठीण आव्हाने येऊ शकतात. आठवड्याच्या मध्यात कुटुंबातील सदस्याशी मतभेद होऊ शकतात. आठवड्याच्या उत्तरार्धात व्यवसायाच्या संदर्भात केलेला कोणताही प्रवास आनंददायी आणि लाभदायक ठरेल. भविष्यात या व्यावसायिक प्रवासाचा तुम्हाला फायदाच होईल. या आठवड्यात जोडीदारासोबत काही गैरसमज निर्माण होऊ शकतात, ते सोडवण्यासाठी वादाऐवजी संभाषणाची मदत घ्या अन्यथा तुमच्या नात्यात दुरावा येऊ शकतो. वैवाहिक जीवन आनंदी करण्यासाठी जोडीदाराच्या भावनांकडे दुर्लक्ष करणे टाळा.भाग्यशाली रंग : करडा भाग्यशाली अंक : 1
कन्या – जोडीदाराशी प्रामाणिक रहा
या आठवड्यात कन्या राशीच्या लोकांना कोणताही मोठा निर्णय घेताना मन आणि बुद्धी दोन्हीचे ऐकावे लागेल. भावनेच्या भरात घर, कुटुंब किंवा व्यवसायाशी संबंधित कोणताही निर्णय घेऊ नका. जर तुम्हाला एखाद्या गोष्टीबद्दल संभ्रम वाटत असेल तर त्यासंबंधी निर्णय घेण्यापेक्षा तो काही काळासाठी निर्णय पुढे ढकला. या काळात वडिलोपार्जित मालमत्तेच्या वादात नातेवाईकांशी भांडण होऊ शकते. व्यवसायाशी संबंधित लोकांसाठी हा काळ थोडा आव्हानात्मक असू शकतो. नोकरदार लोकांना एखादे काम पूर्ण करण्यासाठी जास्त मेहनत करावी लागेल. प्रेमसंबंधात आपल्या जोडीदाराशी प्रामाणिक रहा आणि विचारपूर्वक कोणतेही पाऊल उचला अन्यथा त्याचे परिणाम तुम्हाला भोगावे लागू शकतात. या आठवड्यात तुम्ही तुमच्या जोडीदाराच्या आरोग्याबद्दल आणि मुलांच्या भवितव्याबद्दल थोडेसे चिंतेत असाल.भाग्यशाली रंग : सोनेरी भाग्यशाली अंक : 6
तुळ – प्रेमसंबंध दृढ होतील
तूळ राशीच्या लोकांनी आठवड्याच्या सुरुवातीला तुमचा मत्सर करणाऱ्या लोकांपासून दूर रहावे. आठवड्याच्या सुरुवातीलाच घरातील वस्तू खरेदी किंवा दुरुस्त करण्यासाठी तुमच्या बजेटपेक्षा जास्त खर्च होऊ शकतो. या आठवड्यात कठोर परिश्रमानंतर तुम्ही चांगले पैसे कमावू शकता. व्यवसाय करताना अडकलेले पैसे मिळण्यात व्यापाऱ्यांना अडचण येणार आहे. या काळात पैशाच्या व्यवहारात विशेष काळजी घ्या. आठवड्याच्या उत्तरार्धात नोकरदार लोकांच्या जीवनात मोठे बदल होण्याची शक्यता आहे. या काळात तुम्हाला एखाद्या मित्राच्या किंवा प्रभावशाली व्यक्तीच्या मदतीने तुमचे करिअर पुढे नेण्याची संधी मिळेल. नोकरदार महिलांसाठी हा काळ शुभ राहील. जमीन आणि घराच्या खरेदी-विक्री संदर्भात तुम्ही प्लॅनिंग कराल. तुमचे प्रेमसंबंध दृढ होतील. वैवाहिक जीवन आनंदी राहील.भाग्यशाली रंग : नारंगीभाग्यशाली अंक : 10
वृश्चिक – नोकरीत बढती मिळेल
वृश्चिक राशीच्या लोकांनी या आठवड्यात आळस सोडावा अन्यथा हातातील सुवर्णसंधी निसटून जातील. कोणत्याही विशिष्ट कामात यशस्वी होण्यासाठी तुम्हाला तुमची ऊर्जा आणि वेळ व्यवस्थापित करावा लागेल. तुमची निर्धारित उद्दिष्टे साध्य करताना आरोग्याच्या समस्या तुमच्या मार्गात अडथळे ठरु शकतात. अशा परिस्थितीत तुम्हाला आरोग्याची काळजी घ्यावी लागेल. व्यावसायिक लोकांना आठवड्याच्या मध्यात चढ-उतारांना सामोरे जावे लागू शकते. या काळात तुम्हाला तुमच्या वैयक्तिक जीवनातील समस्या सुद्धा कधी सुटताना दिसतात तर कधी गुंतागुंतीच्या होतील. मात्र या परिस्थितीत तुम्हाला तुमच्या वडिलांची साथ मिळेल. स्पर्धा परीक्षामध्ये यश मिळविण्यासाठी विद्यार्थ्यांना याआठवड्यात कठोर परिश्रम करावे लागतील. आठवड्याच्या उत्तरार्धात एखाद्या प्रभावशाली व्यक्तीशी भेट घडेल ज्याचा भविष्यात लाभ होईल. नोकरदार लोकांना त्यांच्या इच्छेनुसार बढती किंवा बदली मिळू शकते. .भाग्यशाली रंग : वांगी भाग्यशाली अंक : 3
धनु – करिअरमध्ये प्रगती होईल
धनु राशीच्या लोकांसाठी आठवड्याची सुरुवात महत्त्वाची कामे पूर्ण करण्याच्या गडबडीने होईल. या काळात तुम्ही तुमच्या मित्राच्या किंवा सहकाऱ्याच्या मदतीने रखडलेली कामे पूर्ण करण्यात यशस्वी व्हाल. कामाच्या ठिकाणी चढ-उतार असतानाच तुम्हाला काही महत्त्वाच्या जबाबदाऱ्या मिळू शकतील. मात्र हे काम तुम्ही उत्तम संधी म्हणून आणि जबाबदारीने अधिक चांगल्या पद्धतीने केले पाहिजे. करिअर आणि व्यवसायात प्रगती करण्यासाठीही हा काळ शुभ आहे. नोकरदार लोक ज्या चांगल्या संधीच्या शोधात होते त्यांची इच्छा या आठवड्यात पूर्ण होऊ शकते. आठवड्याच्या उत्तरार्धात व्यवसायाच्या संदर्भात केलेला कोणताही प्रवास आनंददायी आणि लाभदायक ठरेल. कुटुंबासोबत पर्यटनस्थळी फिरायला जाल. भाग्यशाली रंग : गुलाबीभाग्यशाली अंक : 12
मकर – प्रेम विवाहाला मंजुरी मिळेल
या आठवड्यात मकर राशीच्या लोकांना त्यांच्या आरोग्यावर आणि नातेसंबंधांवर विशेष लक्ष देणे आवश्यक आहे. आठवड्याच्या सुरुवातीला कुटुंबातील सदस्यासोबत वाद झाल्याने मानसिक चिंता वाढेल. जर कौटुंबिक वादाचे कारण जमीन, घर किंवा मालमत्ता असेल तर प्रकरण न्यायालयात नेण्याऐवजी आपापसात वाद मिटवा. नोकरीच्या ठिकाणी वरिष्ठ किंवा कनिष्ठांकडून अपेक्षित सहकार्य न मिळाल्याने तुमचे मन थोडे अस्वस्थ राहू शकते. व्यवसायाशी संबंधित लोकांना या काळात पैशाच्या व्यवहारात सावधगिरी बाळगावी लागेल. एखाद्या प्रभावशाली व्यक्तीच्या मदतीने तुम्ही केवळ कौटुंबिकच नव्हे तर व्यावसायिक समस्यांवरही उपाय शोधण्यात यशस्वी व्हाल. एखाद्या व्यक्तीसोबत प्रेमात असाल तर तुमचे कुटुंब तुमच्या प्रेमाचा स्वीकार करेल आणि लग्नासाठी देखील सहमती देईल. जोडीदारासोबत धार्मिक स्थळाची यात्रा घडेल. भाग्यशाली रंग : लालभाग्यशाली अंक : 4
कुंभ – निंदकांपासून सावध रहा
या आठवड्यात कुंभ राशीच्या लोकांना कर्ज, आजार आणि शत्रूंची भीती राहील. आठवड्याच्या सुरुवातीला तुम्हाला घराच्या दुरुस्तीवर किंवा चैनीच्या वस्तूंच्या खरेदीवर जास्त खर्च करावा लागल्याने तुमचे बजेट बिघडू शकते. अशा परिस्थितीमुळे कर्ज सुद्धा घ्यावे लागू शकते. तुमच्या पाठीमागे तुमची निंदा करणाऱ्या लोकांपासून या आठवड्यात सावध रहावे लागेल. तुमची महत्वाची कामे होण्यापूर्वी लोकांसमोर त्याची स्तुती करु नका कामे बिघडू शकतात. या आठवड्यात अडचणींचा सामना करावा लागू शकतो. तुमचा व्यवसाय वाढवण्याचा विचार करत असाल तर वरिष्ठ व्यक्ती किंवा हितचिंतकांचा सल्ला घेणे योग्य राहील. या आठवड्यात तुमच्या प्रेमसंबंधांमध्ये अडचणी येऊ शकतात त्यामुळे तुमचे मन अस्वस्थ होईल. कौटुंबिक समस्यांमुळे तुमचे वैवाहिक जीवन देखील प्रभावित होऊ शकते.भाग्यशाली रंग : निळा भाग्यशाली अंक : 2
मीन – व्यवसायात चढ उतार राहतील
या आठवड्यात कोणताही मोठा निर्णय घेण्याआधी आपल्या कुटुंबातील सदस्यांच्या भावनांचा विचार करावा लागेल . तसेच तुमच्या शुभचिंतकांशी बोलूनच निर्णय घेणे योग्य ठरेल. व्यवसायात उतार चढाव असल्याने खूप सावधतेने पुढे जावे लागेल. व्यवसायात नफा तोटा होत असल्याने घाबरण्याची गरज नाही थोड्या काळात सर्व ठीक होईल. तुमच्या वैयक्तिक आयुष्याशी संबंधित समस्यांवर उपाय शोधताना तुम्हाला खूप काळजी घ्यावी लागेल. प्रेम प्रकरणात किंवा वैवाहिक जीवनात वादविवाद सुरु असतील तर सामंजस्याने ते सोडवण्याचा प्रयत्न करा.भाग्यशाली रंग : पांढरा भाग्यशाली अंक : 5
लेखकाबद्दलप्रियांका लोंढेप्रियांका लोंढे प्रिंट,आणि डिजीटल माध्यमात पत्रकार, कंटेट रायटर, म्हणून अनेक वर्ष कार्यरत आहे. विविध विषयांवर क्रिएटिव्ह लेख, स्क्रिप्ट लिहिण्याचा उत्तम अनुभव आहे. आध्यात्मिक, धार्मिक विषयांसोबतच कला, संस्कृती, सिनेमा, सोशल, राजकारण, क्राईम अशा विविध विषयांवर आधारित लेखन केले आहे. डिजिटल माध्यमासाठी स्क्रिप्ट लिहून व्हॉइसओवर दिले आहेत. ट्रॅव्हल करायला आवडत असल्याने अनेक ट्रॅव्हल स्टोरीज लिहिल्या आहेत.… आणखी वाचा