Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
'छावा'च्या गर्जनेनं बॉक्स ऑफिस हादरलं, २३ व्या दिवशी रचला इतिहास; चौथ्या शनिवारी तब्बल इतक्या कोटींची कमाई
chhaava box office collection day 23: विकी कौशल आणि रश्मिका मंदाना यांचा ‘छावा’ हा चित्रपट प्रदर्शित होऊन आता २३ दिवस उलटले आहे. या चित्रपटाच्या कमाईनं अनेक सिनेमांना मागं टाकलं आहे.

Sacnilk च्या रिपोर्ट्स नुसार छावा चित्रपटानं चौथ्या शनिवारी देखील जबरदस्त कलेक्शन केल्याचं पाहायला मिळालं. चित्रपटानं १६.५ कोटींची जमदार अशी कमाई केली आहे. पण चौथ्या शनिवारचे अधिकृत आकडे अद्याप समोर येणं बाकी आहे. या चित्रपटाचं एकूण कलेक्शन हे स५०८.८ कोटी इतकं झाल्याचं म्हटलं जात आहे. २३ व्या दिवशीचं हे कलेक्शन नक्की निर्मात्यांसाठी सुखद धक्का देणारं असंच होतं.
छावा सिनेमाच्या आता पर्यंतच्या कमाईवर नजर टाकली असता सिनेमानं पहिल्याच दिवशी ३१ कोटींची दमदार कमाई केली होती. चित्रपटाची जोरदार ओपनिंग झाल्यानंतर पहिल्या आठवड्यात या चित्रपटानं २१९.२३ कोटींची कमाई केली. तर दुसऱ्या आठवड्यात चित्रपटानं १८०.२५कोटींची कमाई केली. तर तिसऱ्या आठवड्यात सिनेमानं ८४.०५ कोटींची कमाई केली. तर २२ व्या दिवसाची कमाई ही ८. ७६ कोटी इतकी होती. त्यामुळं २३ व्या दिवशी १६ कोटींच्या वर कमाई झाल्यानंतर येत्या काही दिवसांतही सिनेमा तग धरेल यात शंका नाही.
‘छावा’च्या गर्जनेनं बॉक्स ऑफिस हादरलं, २३ व्या दिवशी रचला इतिहास; चौथ्या शनिवारी तब्बल इतक्या कोटींची कमाई
छावा चित्रपटात विकी कौशल मुख्य भूमिकेत अर्थात छत्रपती संभाजी महाराजांच्या भूमिकेत आहे. तर अभिनेत्री रश्मिका मंदाना हिनं महाराणी येसूबाईंची भूमिका साकारली आहे. तर औरंगजेबाच्या भूमिकेत अभिनेता अक्षय खन्ना आहे. तर आशुतोष राणा, दिव्या दत्ता, संतोष जुवेकर, सुव्रत जोशी, सारंग साठ्ये यांसारखे कलाकार महत्त्वाच्या भूमिकेत आहेत. तर या भव्य सिनेमाचं दिग्दर्शन हे मराठमोळे दिग्दर्शक लक्ष्मण उतेकर यांनी केलं आहे.गिनीज बुकमध्ये नाव, वयाच्या ७०व्या वर्षीही साकारतोय हिरोची भूमिका; दोन लग्न होऊनही सिंगल, ओळखलं का?
छावा सिनेमाचं बजेट हे १३० कोटी इतकं असल्याचं म्हटलं जात आहे . त्यामुळं पहिल्याच आठवड्यात चित्रपटानं बजेट वसून केलं होतं.