Tej Police Times
O Romeo Box office collection: शाहिद कपूरच्या सिनेमाला ‘व्हॅलेंटाईन डे’चा फायदा, पहिल्याच दिवशी जमवला तब्बल इतक्या कोटींचा गल्ला
O Romeo Box office collection day 1: शाहिद कपूरच्या ओ रोमियो सिनेमाची सध्या चर्चा सुरू आहे. या सिनेमाला पहिल्याच दिवशी प्रेक्षकांनी सकारात्मक प्रतिसाद दिला आहे.
या चित्रपटानं व्हॅलेंटाईन डे च्या एक दिवस आधी सिनेमागृहात धडक दिली. प्रसिद्ध दिग्दर्शक विशाल भारद्वाज आणि शाहिद कपूर ही जोडी तब्बल सात वर्षांनंतर एकत्र आल्यामुळं या चित्रपटाबद्दल प्रेक्षकांमध्ये मोठी उत्सुकता होती.
समोर आलेल्या काही रिपोर्ट्सनुसार ‘ओ रोमियो’नं भारतात पहिल्या दिवशी ८.२५ कोटी ते ९.०१ कोटी रुपयांची निव्वळ कमाई केली आहे. व्हॅलेंटाईन डेच्या पूर्वसंध्येला प्रदर्शित झाल्याचा फायदा चित्रपटाला मिळाला असून, सायंकाळच्या आणि रात्रीच्या शोमध्ये प्रेक्षकांची मोठी गर्दी पाहायला मिळाली. तर जगभरातील कमाईचे आणखी जास्त असल्याचं म्हटलं जातं आहे. बॉक्स ऑफिसवर डिसेंबरमध्ये प्रदर्शित झालेला धुरंधर सिनेमा आजही चांगली कमाई करतोय. सोबतच बॉर्डर २ सिनेमाचीही स्पर्धा बॉक्स ऑफिसवर पाहायला मिळत आहे.
शाहिदच्या मागील चित्रपटांना टाकलं मागे
या चित्रपटानं शाहिद कपूरच्या मागील काही चित्रपटांचेही रेकॉर्ड मोडले आहेत:
- देवा: ५.५ कोटी
- तेरी बातों में ऐसा उलझा जिया: ६.७ कोटी
- जर्सी: ३.२ कोटी
कबीर सिंगच्या तुलनेत कमी
शाहिदचा आतापर्यंतचा सर्वात मोठा हिट चित्रपट ‘कबीर सिंग’ (२० कोटी) च्या तुलनेत हा आकडा बराच कमी आहे.
Gayatri Datar : मैत्रिणींमुळे डाऊनलोड केलं डेटिंग अॅप, त्यावर ओळख; नियतीनं आयुष्यभराची गाठ बांधली, भन्नाट आहे गायत्रीची लव्हस्टोरी
‘ओ रोमिओ’चं बजेट किती?
काही रिपोर्ट्सनुसार या सिनेमाचं बजेट सुमारे १२५ – १५० कोटींचं आहे. हा चित्रपट हुसेन झैदी यांच्या ‘माफिया क्वीन्स ऑफ मुंबई’ या पुस्तकातील एका प्रकरणावर आधारित असल्याचे बोललं जात आहे. शाहिदसोबत या सिनेमात तृप्ती डिमरी, नाना पाटेकर, अविनाश तिवारी यांच्या भूमिका आहेत.
प्रियदर्शिनी इंदलकर आणि अभिजीत आमकर या नव्या जोडीची खास गोष्ट, ‘लग्नाचा शॉट’मध्ये काय आहे स्पेशल ?
Hardeek Joshi: ‘वडिलोपार्जित बिझनेस, घरी सुबत्ता , ११ गाड्या, पण ४८ तासांत मुंबईतल्या राहत्या घरासह सगळंच गेलं’, हार्दिक जोशीच्या कुटुंबासोबत काय घडलेलं?
वीकेंडला मोठी अपेक्षाआज ‘व्हॅलेंटाईन डे’ (१४ फेब्रुवारी) असल्यानं या चित्रपटाच्या कमाईत मोठी वाढ होण्याची शक्यता वर्तवली जात आहे.
लेखकाबद्दलभाग्यश्री रसाळ“भाग्यश्री चंद्रकांत रसाळ, महाराष्ट्र टाइम्स ऑनलाइनमध्ये प्रिन्सिपल डिजिटल कंटेंट प्रोड्युसर या पदावर कार्यरत. गेल्या आठ वर्षांपासून मटा ऑनलाइच्या टीममध्ये वेगवेगळ्या पदांवर काम केल्याचा अनुभव.
घडणाऱ्या घडामोंडींसोबतच लाइफस्टाइल, टेक ,ऑटो, मनोरंजन अशा वेगवेगळ्या विषयांवरील बातम्यांच्या लिखाणाची आवड. लिखाणासोबतच सोशल मिडिया सांभाळण्याचा अनुभव.डिजिटल दिवाळी अंक, महिला दिन विशेष कव्हरेजमध्ये सहभाग. गेल्या तीन वर्षापासून मनोरंजन क्षेत्रातील नवनवीन गोष्टी, रंजकपणे वाचकांना समजेल अशा सोप्या भाषेत पोहोचवण्यात हातखंडा.
कामाची घेत दखल संस्थेअंतर्गतील तीन पुरस्कारानं गौरव. SNDT विद्यापिठातून बॅचलर ऑफ मास मिडिया आणि नंतर मुंबई विद्यापिठातून पत्रकारिता विषयात पदव्युत्तर पदवी संपादन.”… आणखी वाचा