Daily Horoscope 8 February 2022 आजचे राशीभविष्य ०८ फेब्रुवारी २०२२ : वृषभ राशीमध्ये चंद्राचा संचार, प्रपोज डे ‘या’ राशींसाठी असेल आनंदाचा

मंगळवार, ०८ फेब्रुवारी रोजी चंद्र दिवसरात्र वृषभ राशीत असेल. चंद्रासोबत राहू देखील येथे उपस्थित राहणार आहे. तसेच आज कृतिका नक्षत्राचा प्रभाव राहील. या परिस्थितीत, प्रपोज डे चा दिवस तुम्हा सर्वांसाठी कसा राहील, पाहा कोणत्या राशीच्या लोकांसाठी आजचा दिवस भाग्यवान ठरेल.

मेष : मेष राशीच्या लोकांच्या आयुष्यात मोठे सुख येणार आहे. तुम्ही स्थावर मालमत्ता खरेदी करण्याचा विचार करू शकता. व्यापार्‍यांसाठी दिवस शुभ आहे. कामाच्या ठिकाणी तुमच्या कामगिरीने अधिकारी प्रभावित होतील. कठोर परिश्रमाने अवघड कामेही सहज पूर्ण होतील. नोकरीत कोणाच्या तरी सहकार्याने काहीतरी नवीन शिकण्याची संधी मिळेल, मनास आनंद होईल. आज धनलाभ होईल. पालकांच्या आरोग्याची काळजी घ्या. प्रपोजच्या दिवशी तुमचे प्रेमप्रकरण अधिक घट्ट होईल. आज ८६% नशिबाची साथ आहे. पिवळ्या वस्तूचे दान करा.

वृषभ : वृषभ राशीच्या लोकांनी आज स्वतःचे विचार आणि वागणूक संतुलित ठेवा. दागिने आणि कपडे खरेदीची शक्यता आहे. व्यवसायात नवीन प्रयोग करून पुढे जाण्याची संधी मिळेल. तुमच्यासमोर एखादे आव्हान येऊ शकते. आज तुम्ही तुमच्या हुशारीने कामात यशस्वी व्हाल, नोकरी करणाऱ्या लोकांची वरिष्ठांकडून प्रशंसाही होईल. आज आर्थिक स्थिती चांगली राहील, पण अचानक खर्चही वाढणार आहेत. विद्यार्थ्यांनी अभ्यासावर लक्ष केंद्रित करावे. तुमच्या राशीत चंद्राचा संचार प्रपोज डेला अधिक रोमांचक बनवेल. आज ८०% नशिबाची साथ आहे. शिवलिंगाला पाणी अर्पण करा.

मिथुन : मिथुन राशीचे लोकं स्वतःला सिद्ध करून दाखवतील. नशिबाच्या मदतीने तुम्ही मोठे यश मिळवू शकता. एखाद्या चांगल्या ठिकाणी भेट देण्याची योजना आखू शकता. कौटुंबिक स्नेहसंमेलन चांगले होणार आहे, तुम्ही सर्वांचे लाडके आहात, त्यामुळे तुमच्या सर्व इच्छा आई-वडिलांकडून पूर्ण होतील. तुमच्यावरील कामाचा बोजा एखाद्यासोबत शेअर केल्याने तुम्हाला थोडे हलके वाटेल. प्रेम जीवनात साहसाची अनुभूती येईल. आज ८५% नशिबाची साथ आहे. हनुमानाची पूजा करावी.

कर्क : कर्क राशीच्या लोकांचा आजचा दिवस कठोर परिश्रमाने भरलेला असेल. व्यवसायात सुधारणा होईल. जुना काळ विसरून पुढे गेल्यास यश मिळेल. कोणताही वाद लवकरात लवकर सोडवण्याचा प्रयत्न करा. तुमची आर्थिक बाजू आज मजबूत असेल. आज तुम्हाला तुमच्या बुद्धिमत्तेचा आणि क्षमतेचा पुरेपूर फायदा मिळेल. महिलांचा दिवस घरातील कामात जाईल. प्रेम जीवनात संयम ठेवून काम केल्यास प्रपोजचा दिवस तुमच्यासाठीही चांगला राहील. आज ८४% नशिबाची साथ आहे. गणेशाची आराधना करा.

सिंह : सिंह राशीचे लोकं कुटुंबातील सदस्यांच्या अपेक्षा पूर्ण करतील. मनाला शांती लाभेल. उत्पन्नाचे नवीन स्रोत मिळाल्याने आर्थिक समस्या दूर होईल. सर्जनशील कार्य करण्याची संधी मिळेल. आज तुम्ही चांगल्या लोकांशी संपर्क साधाल, जे तुम्हाला कामात यश मिळवण्यासाठी मदत आणि मार्गदर्शन करतील. तुमच्‍या सल्‍ल्‍याचे पालन केल्‍यास अध्‍ययन क्षेत्रात चांगले परिणाम मिळतील. आज ७६% नशिबाची साथ आहे. पिंपळाच्या झाडाखाली दिवा लावावा.

कन्या : आजचा दिवस आनंदात जाईल. तुमची प्रतिमा चांगली होईल. तुम्ही संपर्क आणि नातेसंबंधातून फायदा मिळवू शकाल. तुमच्या मालमत्तेबद्दल कोणतीही माहिती गोपनीय ठेवणे अत्यंत महत्त्वाचे आहे. आज व्यापारी वर्गाला विशेषत: चांगले परिणाम मिळतील, त्यामुळे धन आणि लाभाचे योग येतील. तुमच्या कार्यक्षेत्रात मोठा बदल होऊ शकतो. वैयक्तिक कामापेक्षा व्यावहारिक कामात जास्त रस असेल. नोकरीत बेफिकीर राहू नका. जोडीदारावर प्रेम व्यक्त केल्याने प्रेम जीवन रोमांचक होईल. आज ७२% नशिबाची साथ आहे. भगवान विष्णूची पूजा करा.

तूळ : तूळ राशीच्या लोकांच्या कुटुंबात आनंदाचे वातावरण राहील. धातूंचा व्यवसाय करणाऱ्यांसाठी काळ चांगला आहे. नातेवाईकांकडून आर्थिक मदत मिळेल. कामात कोणाचे तरी सहकार्य लाभेल. भाग्य आज तुम्हाला साथ देईल. तुम्ही तुमच्या दैनंदिन दिनचर्येत काही बदल करू शकता. प्रेम जीवनात तुम्ही तुमच्या जोडीदाराला सरप्राईज देऊ शकता. आज ९०% नशिबाची साथ आहे. भगवान श्रीकृष्णाची पूजा करा.

वृश्चिक : आज तुमच्या अपेक्षा संतुलित ठेवाव्या लागतील. काही लोक कुटुंबात स्वतःचे म्हणणे सिद्ध करण्यास उत्सुक असतील. तुम्ही इतर बाह्य उपक्रमांमध्ये भाग घेऊ शकता. जास्त रागामुळे त्रास वाढेल. मुलांच्या मदतीमुळे आनंद होईल. भगवंताचे ध्यान केल्याने तुम्हाला मनःशांती मिळेल. कामाशी संबंधित चांगल्या आणि व्यावहारिक कल्पना तुमच्या मनात येतील. संयम आणि समजूतदारपणाने प्रपोज डे संस्मरणीय बनवता येतो. आज ८२% नशिबाची साथ आहे. योग प्राणायामाचा सराव करा.

धनु : धनु राशीच्या लोकांसाठी आज तुम्हाला वडिलधाऱ्यांकडून पूर्ण आदर आणि सहकार्य मिळेल. इतरांना मागे टाकण्याची इच्छा आज तीव्र होऊ शकते. आर्थिक स्थितीत काही मोठे बदल होण्याची शक्यता आहे. तुमचे मित्र तुम्हाला पैशांचे सहकार्य करण्यात मदत करतील. विद्यार्थ्यांना आज परीक्षा इत्यादीं गोष्टीमध्ये यश मिळणार आहे. व्यापारात अनुभव महत्त्वाचा आहे, चुका पुन्हा टाळा. तुमच्या जोडीदारासोबत तुमचा वेळ चांगला जाईल. आज ७०% नशिबाची साथ आहे. हनुमान चालिसाचे वाचन करा.

मकर : मकर राशीच्या लोकांमध्ये आज आत्मविश्वास असेल. तुम्ही लवकरच तुमचे घर बांधण्याची किंवा खरेदी करण्याची तयारी सुरू करू शकता. व्यावसायिक योजना उत्साहाने पूर्ण कराल. आरोग्याच्या दृष्टीने आज तुमचे आरोग्य चांगले राहील. शरीरात चपळता असेल, नोकरी असो किंवा व्यवसाय, आज तुम्हाला चांगले यश मिळेल. कोणत्याही नवीन बदलासाठी स्वतःला तयार करा. आज ७९% नशिबाची साथ आहे. गणेशाची आराधना करा.

कुंभ : कुंभ राशीचे लोकं बुद्धीने सर्व कामे हाताळतील. काहीतरी गोड खाऊन घराबाहेर पडल्याने तुमची सर्व कामे होतील. सत्ताधारी प्रशासनाकडून मदत केली जाईल. घाऊक विक्रेत्यांसाठी दिवस चांगला आहे. आज तुम्ही तुमच्या शत्रूंना तुमच्यावर वर्चस्व गाजवू देणार नाही, परंतु त्यांचा पराभव करण्यात तुम्ही यशस्वी व्हाल. मालमत्तेच्या किंवा पैशाच्या व्यवहारात अत्यंत सावधगिरी बाळगा. प्रपोज डे रोमांचक आणि रोमँटिक असेल, ९५% नशिबाची साथ आहे. सूर्यदेवाला पाणी अर्पण करा.

मीन : मीन राशीचे लोकं त्यांच्या आवडीच्या गोष्टी करण्यास उत्सुक असतील. हा काळ तुमच्यासाठी उत्साही असेल. कोणत्याही कौटुंबिक बाबींवर तुमची पकड घट्ट ठेवावी लागेल. तुमची मिळकत वाढू शकते आणि अचानक आर्थिक लाभ होऊ शकतो. बोलण्यात गोडवा राहील, त्यामुळे मित्र-मैत्रिणींसोबतच्या नात्यात गोडवा राहील. आज तुमच्या घरातील काही शुभ कार्य पूर्ण होतील. आज ८१% नशिबाची साथ आहे. गरजू लोकांना मदत करा.